~كرسى الاعتراف~

تذكير بمساهمة فاتح الموضوع :

لالالالالالالالالالالا
حرام والله
قرعة اية
انت كنت عايز كدة من الاول
طيب والنبى الرحمة عشان عندى امتحانات
وشكرا على الاختيار الفظيع دة

شكرا ليكى يا ستى على الكلام دة

ادهم:انا بلاقى ردوده غريبه الى فى المنتدى لكن لما شفته اتضحلى انه شخص طيب ودمه خفيف اوى واجتماعى

شكرا جدا
والردود الغريبه دى ..هى ردود تلقائيه...لو كنت واقف ادام اللى كاتب ...كنت حقولهالوا كدة
يعنى بتعامل مع اللى بكتبله انه واقف قدامى

وانا اساسا داخل المنتدى للتهييس ..فكدة ابقى نجحت....هههههههههه

المشكلة يا اية انك مش هتعرفى تردي لاحمد حاجة
هو ياعينى خلاص اتردله كتيييييييييييييييييييير
دا هو بينتقم اصلا

معلش خلاص معنديش اختيار تانى
وانا ان شاء الله حنزل جزء من الاجابات انهردة بالليل

اية ياجدعان هو انا دخلت منتدى غلط ولا اية
المنتدى بقا اسود فجاة
وبعدين فين الاجابات يا اية
هو بليل ليسة مجاش ولا اية

ياروشا المنتدى كان بيتجدد عشان كده ماكنش فيه مساهمات وماكنش ينفع ايه تنزل حاجه
هى بتهيالى حتنزل الاجابات لما تعرف ان المنتدى رجع
وان شاء الله فى اقرب وقت
والخليفه سودا تقريبا عشان ده منتدى الاحزان يعنى ده الطبيعى
هههههههههههه

انا حنزل دلوقتى جزء من الاجابات
وان شاء الله حنزل الباقى قريب
والعطلة مكانتش منى
المنتدى هو اللى كان مقفول
ومكنتش احب انزل الاجابات فى السواد دة

بسم الله الرحمن الرحيم

بطاقتك الشخصيه والعائليه:

الاسم:

اية محمد رجب

طالبة بكلية السياحة

الفرقة التالتة قسم سياحة

تاريخ الميلاد: 16|12|1989

عندى 19 سنة يعنى

عندى اخ فى تالتة ثانوى

واخت فى اولى اعدادى

تكلمي عن الاعضاء الاتيه من وجهه نظرك فيما لا يقل عن 3 اسطر:

صبرى: شخص طيب ومسؤل اوى ويعتمد علية بس انا بشوفة انة غامض اوى وبيزعل من أى حاجة.

عادل: بصراحة لسة متشرفتش بمعرفتة بس من خلال مواضيعة وانى اعرفة شكلا واضح جدا انة ذكى ومحبوب وبحب جدا مواضيعة وبحس ان فيها فكرة حلوة اوى.

جهاد:بنوتة طيبة جدا بتستخدم قلبها فى الحب وفى التفكير

وانا مش بحب دة فيها, دايما عندها حسن ظن فى اللى قدامها

من غير حتى ما تعرفة بس جهاد نصى التانى واكتر بنت جدعة قابلتها فى حياتى يعنى مجرد انك تفكر انك محتاجها فى موقف معين تلاقيها موجودة جنبك .

عبد القوى: شاعرنا الجميل بحب تاليفة وكلامة اوى ومن اجاباتة فى الكرسى حسيت انى قدام حد مسؤل ومميز جدا ومثقف ومن الناس اللى قليل تلاقى زيهم دلوقتى واتمنى انى اشوفة فعلا.

مادو:دمة خفيف جدا انا معرفهوش كويس بس فرصة وانا بكتب انى اقولة انة هو وكل اللى كان فى حفلة الكورال كانو كويسين جدا وعملو نتيجة هايلة .

فاطمه:لو حبيت اقول عنها كلمة واحدة حوصفها بالنقاء اعرفها من قريب بس بحس انى عرفاها من زمان لانها شفافة جدا وانت بتبصلها تحس ان لسة بجد فى ناس كويسين بحبها جدا بجد بشوف فيها الطيبة والتفاؤل والاجتهاد وبحس انها نموذج نادر جدا وجميل اوى,بحب جدا ابتسامتها.

ضحى:مثال للأدب والاحترام والشخصية القوية اللى تقدر تعتمد عليها

والطيبة والعفوية كانت احسن حاجة حصلتلى السنة دى انى اتعرفت عليها لانى حسيتها اختى دة رغم ان كلامنا مش كتير ومن الناس اللى لو اتحطيت فى موقف صعب حفكر الجالهم.

انجي:لو فضلت اتكلم عن طيبتها مش حخلص اطيب بنت خلقها ربنا

بتحب كل الناس مبتعرفش ابدا تكرة رومانسية جداااااااااااا بس مبتعرفش تعامل كل واحد بمعاملتة يعنى احيانا فى ناس متستاهلش انها تعاملهم كويس لكن من كتر بجد ماهى طيبة مبتعرفش تعاملهم وحش.

أحمد حسن:محامى المنتدى المستقبلى دمة خفيف بحب اشوف ردودة

لانها غريبة معظمها شخص تحب جدا تتعامل معاة بس بيزعل بسرعة اووى.

اوشين: شخصية هادية جدا وعاقلة جدا بس الهدوء دة انا بحاول اغيرة وبدات انجح وسارة تشهد ادعولى ههههههههههه بتحس اوى باللى حواليها وعارفة هى عايزة اية كويس اوى وانا بحب فيها النقطة دى اوى.

رشا:بحب فيها جداا ثقتها بنفسها بنت ذكية واجتماعية جدا واى حد يحب انة يتعرف عليها بس من ردودها بحس انها عندها النقد دة شىء اساسى .

بسنت:معرفهاش شخصيا بس هى مثال للاسلوب الجميل دايما حزنها واضح ورقتها كمان واضحة جدا نفسى اتعرف عليها عشان اقولها ان الدنيا مش بتقف عند حد معين او حاجة معينة وان حياة الانسان قصيرة جدا ومتستاهلش انة يضيعها فى الحزن.

لمياء:احلى بنوتة اتعرفت عليها بنت تحبها علطول بس معندهاش ثقة فى الناس اوى بحس كتير انها متلغبطة ومش عارفة تتصرف مش عارفة لية وطبعا دى لميا مقالب دمها خفيف وتشوفها تفتكرها هادية بس هى فى الحقيقة مشاغبة اوى.

ساره: احسن صديقة بجد عندى تقدر تقولها كل اسرارك وانت متأكد انك بتقولها لنفسك وقفت جنبى كتير اوى وهى اكتر واحدة ساعدتنى لما كنت مضايقة من فترة قريبة نفسى تفهم نفسها اكتر وتبطل تشيل هموم كل اللى حواليها وتفكر فى نفسها شوية وطبعا انا استاذة سارة

فى حاجات كتير ههههههههههههه عشان كدة هى شاطرة وتعرف تخرج اللى قدامها من اى حاجة مضايقاة.

أدهم: دمة خفيف اوى بستغرب لردودة وبدخل المنتدى ابص عليها لما شفت ردودة حسيت انة شرير بس لما شفتة فى الكلية شكلة ميعبرش عن الشر خالص بالعكس شكلة طيب اوى.

ترنيم:واثقة فى نفسها ومن ردودها بحسها ذكية وبتعرف تنسق كلامها كويس اوى ومش عارفة لية بقالها فترة غايبة عن المنتدى.

ايهاب:عضو جديد نشيط جدا ودمة خفيف جدا من ساعة ما دخل المنتدى وبقى من اهم الناس اللى فية معرفهوش شخصيا خاالص

انت فى سنة كام وقسم اية؟ ياريت تقولى .

بيكهام: لسة عارفاة قريب بس عرفت عنة انة حساس جدا وعندة مبادىء مبقتش موجودة دلوقتى ,صادق والصدق دة اصبح حاجة نادرة عند الشباب وانا بحترم فية النقطة دى اوى مش بيعرف غير يفرح اوى او يحزن اوى , بحترم كلامة بس دايما مش مركز بيتكلم مع اكتر من حد فى اكتر من موضوع فى نفس الوقت .

ملاحظة هاااامة جدا: الشخصيات دول كلهم ناس محترمين جدا وانا بجد بحبهم وبحس انهم اخواتى واسرتى التانية بس الكلام دة مش شرط يكون صح لان دة من وجهة نظرى انا وانا معرفهمش كلهم شخصيا فأرجو ان محدش يكون زعل منى وانا اسفة جدا لأى حاجة كتبتها عن حد وضايقتة .

--------------------------------------------------------------

هذه الكلمات لمن تهديها من اعضاء المنتدى:

صداقه : بيكهام

اخوه : سارة

زماله : عمرو

حب : كل اعضاء المنتدى

عشره عمر :كل المنتدى للاسف اصدقاء ليا من وقت قريب بس

طيب : جهاد(جودى)

حنون : انجى (جى جى)

رقيق : اوشين

رجوله : عبد القوى

مثقف : ايهاب
دلوع : لميا

دماغ : احمد حسن
غامض : صبرى
ذكى : بيكهام
عاقل : ضحى
رومانسى : انجى
حبوب : فاطمة

ماهو تقييمك لهذا المنتدى بصراحه:

يعنى معقول من جهة الشكل والتنظيم وكدة فهو بصراحة ناقص كتير

ومحتاج مجهود اكتر.

الحاجة الوحيدة اللى بحبها فية انى بحس انى وسط ناس بحبهم كلهم وبحس فعلا انهم اخواتى.

كلمه تمنيتي ان تستطيعي ان تسحبيها؟ ولماذا؟

مرة شديت مع بابا فى الكلام وقولتلة (انا حرة) وهو زعل منى جدا اتاسفت بعد كدة واتصالحنا بس لو رجع بيا الوقت حتمنى انى اسحبها.

حمامه زاجل حامله رساله من من تتمنى ان تكون؟

من صديق قديم ليا وقريب جدا على قلبى وحصل بينا سوء تفاهم وحاليا مش بنتكلم

وهو برة اسكندرية وعايزة اطمن علية.

هل ندمتي على قرار اتخذتيه فى حياتك:

لا خالص لان اى قرار اخدتة حتى لو كان غلط فأنا استفدت كتير منة واتعملت

لانى مقتنعة انى لو مغطلتش مش حتعلم.

قطعه فحم صغيره وجدار نظيف ماذا سترسمي عليه؟وماذا ستكتبي تحت الصوره؟

حرسم قلب كبير جواة صورة ام شايلة مولودها الجديد

وحكتب تحت الصورة اسمى معانى الحب.

ايه هو مفهوم العباده عندك؟

هى اساس الحياة لان ربنا خلق الانس والجن عشان يعبدوة

يعنى دة دورنا الاساسى فى الحياة عشان كدة مفهوم العبادة عندى الحياة

وطول ماالانسان عايش دورة الرئيسى هو العبادة.

عضو و عضوة لما بتشوفيهم فى المنتدى تبحثي عن مواضيعهم:

بيكهام و ضحى

... وعضوين توقيعاتهم بتعجبك :

صبرى و ضحى

وعضوين صورهم بتعجبك؟

لميا وهوبة

صفه فى شخصيتك نفسك تغيريها ومش عارفه وصفة فرحانه انها فيكي؟

مش عارفة اغير فى نفسى العصبية الزيادة والعند,

وفرحانة انى متفائلة جدا ودايما عندى أمل.

فيه شخص ظلمك جامد قوي ؟؟ ولو فيه : ازاي ؟ وتقوليله ايه؟ وهل بتسعي للانتقام ؟

لا الحمد لله انا متظلمتش جامد كدة

وانا مش من الشخصيات اللى مش بتسعى للانتقام ابدا عموما,

بس مش بنسى ابداااااااااا اى موقف وحش حد عملة معايا ومش بسامح بسهولة.

معاكي 5 وردات لمين تهديهم؟

حعتبرهم 6 واهديهم ل:

سارة

اوشين

جهاد

انجى

ضحى

فاطمة

بتفكري فى المستقبل كتير؟وايه اكتر حاجه بتفكري فيها؟

اة بفكر فى المستقبل كتير جدا

وزى اى بنت اكتر حاجة بفكر فيها انى يكون عندى اسرة وولاد لانى بحب الاطفال جداااا ودايما بفكردايما ازاى حربيهم واتعامل معاهم.

ساره: احسن صديقة بجد عندى تقدر تقولها كل اسرارك وانت متأكد انك بتقولها لنفسك وقفت جنبى كتير اوى وهى اكتر واحدة ساعدتنى لما كنت مضايقة من فترة قريبة نفسى تفهم نفسها اكتر وتبطل تشيل هموم كل اللى حواليها وتفكر فى نفسها شوية وطبعا انا استاذة سارة

فى حاجات كتير ههههههههههههه عشان كدة هى شاطرة وتعرف تخرج اللى قدامها من اى حاجة مضايقاة.

اخوه : سارة

ميرسى يا ايه على الكلام الجميل ده
وشكرا بجد للنصيحه
وان شاء الله اعمل بيها
وميرسى على الورده
وبجد احنا اكتر من اخوات ربنا يديم الاخوه والصداقه
وبجد اجابات روعه حتى الان
منتظرين الباقى
شكرااااااا

[b]بيكهام:
لسة عارفاة قريب بس عرفت عنة انة حساس جدا وعندة مبادىء مبقتش موجودة
دلوقتى ,صادق والصدق دة اصبح حاجة نادرة عند الشباب وانا بحترم فية النقطة
دى اوى مش بيعرف غير يفرح اوى او يحزن اوى , بحترم كلامة بس دايما مش مركز
بيتكلم مع اكتر من حد فى اكتر من موضوع فى نفس الوقت .

عضو و عضوة لما بتشوفيهم فى المنتدى تبحثي عن مواضيعهم:
بيكهام و ضحى

صداقه : بيكهام

ميرسي جدا يا اية علي الكلام الجميل ده يا آية
ويارب أكون دايما كده عند حسن ظنك
وبخصوص العيب ان شاء الله هحاول اغيره
وبجد كتير عليا الكلام الحلو اللي كتبتيه ده
شكرا علي الاجابات الرائعة دي
go on

[/b]

ميرسى ياسارة
وبجد والله دى اقل حاجة اقولها عنك
وربنا يديم علينا المحبة يارب

بيكهام
بجد الكلام دة مش مجاملة ودة اللى انا شوفتة فيك بجد
وبجد مبسوطة ان الاجابات عجبتك

ايهاب:عضو جديد نشيط جدا ودمة خفيف جدا من ساعة ما دخل المنتدى وبقى من اهم الناس اللى فية معرفهوش شخصيا خاالص

انت فى سنة كام وقسم اية؟ ياريت تقولى .

مثقف : ايهاب

ميرسي اوي يا اية علي الكلام الرائع دا و بجد انا مش عارف اقولك ايه...
اجاباتك اكثر من رائعة...
و بالنسبة لسؤالك انا سنة 2(قسم الدراسات السياحية)
و شكرا مرة تانية علي كلامك الحلو دا

ايها الباكى رويدا، لا يسد الدمع ثغرة
ايها العابس لن تعطى على التقطيب اجرة
لا تكن مرا و لا تجعل حياة الغير مرة
إن من يبكى له حول على الضحك و القدرة
فتهلل و ترنم ، فالفتى العابس صخرة

أدهم:
دمة خفيف اوى بستغرب لردودة وبدخل المنتدى ابص عليها لما شفت ردودة حسيت
انة شرير بس لما شفتة فى الكلية شكلة ميعبرش عن الشر خالص بالعكس شكلة طيب
اوى.

شكرا اوى
وكويس انك مشفتيش المسرحيه
كانت حتتاكد فكره انى شرير

مع انى ...كمييل خالث........ههههههههه

ايهاب
العفو على اية
وميرسى على رايك فى الاجابات

ادهم
العفو
وانا بجد والله نفسى اشوف المسرحية وسمعت انك كنت هايل فيها
وياريت لو حتعرضوها تانى تقولى عشان بجد نفسى اشوفها

ميرسى ليكو ولاهتمامكم بجد

وان شاء الله حنزل باقى الاجابات انهردة بالليل

we r waiting for your awesome answers..................
go on.....................

ايها الباكى رويدا، لا يسد الدمع ثغرة
ايها العابس لن تعطى على التقطيب اجرة
لا تكن مرا و لا تجعل حياة الغير مرة
إن من يبكى له حول على الضحك و القدرة
فتهلل و ترنم ، فالفتى العابس صخرة

اوكى حنزل بقية الاجابات ان شاء الله

أحمد حسن:محامى المنتدى المستقبلى دمة خفيف بحب اشوف ردودة

لانها غريبة معظمها شخص تحب جدا تتعامل معاة بس بيزعل بسرعة اووى.

الدنيا ضلمة فى المنتدى و مش شابف حاجة انا بكتب مش شايف اللى بكتبيه من طفى النور على العموم لو ايه هنا بقولهاالدنيا ضلمةانزل معايا كدهفين البطاريةحد لقى البطاريةطب نور الموبيل حد معاه موبيلاه خلاص لقينا ليزركن بتكلم فى الغسيلاهبقول لايه شكرا

احنا مستنيين الباقي

آية الدالي بحكم تعاملي معاها بحس ان فيها صفتين بارزتين :الاولي انهاصريحة جداا.... هل في وقت من الاوقات حصلك موقف اضطرك انكمتكونيش صريحة فيه مثلا عشان تنقذي موقف معيناو اضطريتي تكذبي فيه مثلا عشانتنقذي الموقف؟

انا مش بحب الكدب اتحطيت فى موقف بايخ جدا كنت من خلالة عندى اختارين انى اكدب واحتفظ بانسان انا بحبة او اقول الصراحة واهلى يزعلو منى فبصراحة كدبت عشان احتفظ بالانسان دة وعشان مزعلش اهلى ورجعت بعد كدة قلت الصراحة والموضوع خلص و بس .

الصفة الثانية : بحس من خلال مواضيعك وكلامي معاكي ان عندكرومانسيةبسدفينهجواكي؟؟؟ صح ولا غلط؟ولو صح ... ليه قدام الناس بتباني مش علي نفس القدر من الرومانسية؟

ايوة دة صح لان الرومانسية دى حاجة خاصة جوايا انا مش من حق حد انة يشوفها فبحب اتعامل مع الناس عادى وعلى حسب كل ما الناس بتعرفنى اكتر بتشوف دة فيا اكتر بس مش حتعامل بالرومانسية دى مع كل الناس يعنى لان فى ناس كتير كمان بتاخدها على انها ضعف.

اكتر عضو ولد حاليا قريب منك؟ بيكهام

واكتر عضوة بنت قريبة منك؟ سارة

ايه اكتر اغنيه حسيت انها لامساكي لدرجه انك بتحس ان انت الى كاتباها او انتي اللىبتغنيها؟

صدقنى خلاص

بلاش عتاب

طبعا مش بحس انى اللى بغنيهم بس دول من اكتر الاغانى اللى بحسهم اوى.

اكتر مقوله بتؤمني بها: 1- الضربة التى لا تقتلنى تقوينى.

2- عامل الناس كما تحب ان يعاملوك.

واكتر موقف محرج حصللك: مش عارفة بس اللى فاكراة دلوقتى ان فى مرة كان جايلنا ضيوف مهمين وكان عددهم كبير يعنى كانو حوالى 10او اكتر وانا باه لبس وشعر ومكياج وطالعة مفيش فيا غلطة ومرسومة عليهم وبعدين جيت اقوم فاتكعبلت فى حاجة وكنت حاخد حتة وقعة على ضهرى هههههههههههه بس الحمد لله لحقت نفسى فى اخر لحظة بس طبعا معظمهم اخدو بالهم وانا كنت حموت من الكسوف فالنص التانى لاحظ عليا وفهم .

لو قدر لك انك عرفتي انك بكرة _ لا قدر الله _ هتموتيوقدامك 24 ساعةبستعملي ايه فيهم؟

حصالح اى حد زعلان منى فى اى حاجة

حعمل اى حاجة بيها امى ترضى عنى

طبعا حفضل اصلى.

هل حسيتي فى يوم من الايام بالضعف؟ ومتى كان؟ وليه؟ وقدرتي تغلبي الضعف بسرعه دهولا اتمكن منك فتره؟

حسيت بالضعف والحزن الفظيع لما كانت ماما ربنا يخليهالى تعبانة وانا مش قادرة اعملها حاجة والحمد لله اتغلبت علية بسرعة لانى اساسا مش ضعيفة ولان ماما كانت دايما بتقوينى.

ايه هي الوسيلة المناسبة من وجهة نظر ايه ان الانسان يعيش في سعادة وراحة بال

انة يخلى قلبة نقى جدا ويبقى عندة رضا باى حاجة تحلة مهما كانت وحشة لان الرضا اهم حاجة,

التقرب من ربنا والاستعانة بالصبر والصلاة ,

فى وقت المشاكل نسلم امرنا لربنا واحنا متاكدين انة حيعملنا الللى فية الخير.

لو قالولك اختاري وزارة تمسكيها لمدة اسبوع ؟؟؟ تختاري وزارة ايه؟ وليه ؟ وهتعمليايه في الاسبوع ده؟

وزارة التربية والتعليم

عشان دى اللى حتطلع الجيل الجديد اللى مفروض يبنى

حعمل اية: ححط مواد عملية اكتر مش مجرد دش ينسوة الولاد بعد الامتحان ,

حدخل التربية الدينية فى المجموع,

حمنع موضوع اعمال السنة اللى خلى النجاح فى ايد المدرسين وبالتالى اصبح نجاح الطال بيعتمد على الدرجات اللى بياخدها من المدرس بسبب الدروس الخصوصية اللى الولاد بيتعلمو منها انهم ممكن يشترو نجاحهم برضا بعض المدرسين اللى بياخدو عندهم دروس.

لو لقيتي خاتم سليمان وطلعلك خادم المصباح وقالك اتمني امنية واحده بس.. تتمني ايه؟

حتمنى السعادة وراحة البال ليا ولاهلى ولاصحابى لانها اغلى شىء فى الدنيا.

فيه حد من الاعضاء كنتي واخده عنه فكرة وطلعت غلطوهل الفكرة دي كانت بالسلب ولاالايجاب؟؟

لا مفيش .

دايما فيه اسئله البني ادم بيتسألها وبيحس وقتها انه مش عارف يرد... ايه اصعب سؤالاتسالتيه في حياتك ؟؟ وايه كان ردك عليه؟

اصعب أسألة لما بعدت عن اللى الحد اللى كنت مرتبطة بية ومحدش قدر انى مش عايزة اتكلم وبقيت كل شوية اتسال طيب لية ؟ طيب انتى مبقتيش تحبية ؟

وانا نفسى مكنتش عارفة فبقيت اقول دة نصيب وانا مش عايزة اتكلم فى الموضوع دة.

امتي تنزل دموع ايه؟ انا بستحمل كتير اوى ودموعى بتنزل لما احس انى مضغوط عليا لدرجة انى مش قادرة استحمل خلاص .

وهل انتي دموعك قريبه ولا صعب قوي تنزل ؟ انا دموعى غالية اوى ومش بتنزل بسهولة ابداا

وهل ممكن تبكي قدام الناس؟ دة نادر جدا لما بكون منهارة ولما بيحصل كل اللى حواليا بيخافو اوى عليا لانها بتبقى حاجة غريبة عليهم.

ايه معني الصداقة عند ايه؟ الصداقة هى المرايا اللى انا بشوف فيها عيوبى ومميزاتى وهى الايد اللى بتمسح دموعى لما اكون زعلانة ونفس الايد اللى بتضربنى عشان افوق لو غلطت.

ومين اقرب اصدقائك الي قلبك؟ 1- ماما.

2- سارة , انجى , جهاد وايمان.

الخيانه... موقعها ايه من حياة ايه .. حصلتلك ؟ ... كام مرة ؟ ولو اه احساسك كانازاي وقتها

الحمد لله مالهاش اى موقع من حياتى وعمرى مااتخنت وياارب مجربش ابدا الاحساس دة ولا انا ولا اى حد تانى.

هل حصل موقف في يوم من الايام خلاكي تخسري صديق او شخص عزيز علي قلبك ؟؟ ولو اه هوايه؟؟... وحاسه انك اتصرفتي صح ولا لو رجع بيكي الزمن هتتصرفي باسلوب تاني؟

ايوة كان عندى صديق قريب ليا وانا كنت مضايقة فى فترة وعاملتة وحش جدا وهو استحملنى كتير ولورجع بيا الزمن تانى حتصرف بطريقة تانية لانى كنت غلطانة.(الشخص اللى اتمنى تيجى منة الرسالة).

اختاري 5 اعضاء ووجهي لهم 5 عبارات ما بينشكر: سارة عشان وقفت جنبى كتير وانا مضايقة .

اعتذار.: اى حد زعلان منى لانى بجد مش بيبقى قصدى ازعل اى حد.

نصيحه : لسارة انها تفكر فى نفسها شوية اكتر.

عتراف : لكل اعضاء المنتدى ان كلكم اخواتى وانا بجد بحبكم.

عتاب: مفيش حد عايزة اعابتة لان مفيش حاجة مهمة مزعلانى من حد.

ايه حبت كام مره قبل كده؟ مرة

؟كام مره بجد؟ مرة

كام مره حب من طرف واحد؟ من طرفى انا بس ولا مرة

انهى مره نجحت؟ منجحتش
فيه حاجة دلوقت ؟لا ومش ناوية يكون فية

لو اه : ناويه علي ايهولو لأ؟ليه:هل لانك مش لاقياه لسه ؟ولا عندك مواصفاتخاصه جدا صعبه تتلاقى فى اى واحد؟ ولا اتصدمتي فى حياتك قبل كده فخايفه تأخدي خطوهتانيه؟

اية الاسئلة دى كلها

انا ليا اة مواصفات كتير بس مش صعبة اوى يعنى,بس لسة ملقتش المواصفات دى فى حد بس مقتنعة انة حلاقية لان فى ناس كتير كويسة وفيها المواصفات دى بس مش بينا حب , وكمان انا اتصدمت قبل كدة فصعب جدا انى اخد خطوة جديدة غير لما اكون متاكدة منها 100%.

ايه راي ايه فيالحب؟ انقى شىء فى الدنيا مش حوصفة بكلام لانة بيتحس بس ومحدش يحس بقد اية الحب احساس جميل غير لما يشوف لمعة الحب فى عيونة وعيون اللى بيحبة .

ولو شعرتي بانجذاب نحو شخص ما ... هتفضلي واقفة في مكانك ولا هتحاوليتلمحيلهولا هتقوليله في وشه ولا ايه بالضبط؟

انا جريئة بس مش لدرجة انى اروح اقولة, انا حهتم بية اوى واحسسة باهمتامى دة ولو لقيت منة رد فعل وهو حس بيا كويس بس لازم هو اللى يجى يقول ولو محسش حبعد عنة (انا اخد واحد مبيحسش لية ) وبعدين هو لو محسش بيا دة حيكون حب من طرف واحد والحاجة من طرف واحد مينفعش يكون اسمها حب اصلا.

مين اكتر شخص نزل على كرسى الاعتراف وجاوب بصراحه ووضوح؟ بيكهام

ومين لما ينزل شايفه انه ممكن يجاوب بوضوح؟ ايهاب

والعكس.. مين اكتر حد شايفه مجاوبش بوضوح:لا مفيش

ومين لما ينزل هيلف ويدور؟ بصراحة مش عارفة .

ايه السؤال الى نفسك تساليه لحد في المنتدي ؟عشان عايز تعرفي حاجهعنه؟وليه؟ومين هو؟

اتنين

عايزة اعرف احمد حسن لية بيحب يكون غامض,

وعايزة اعرف لية بيكهام لما بيكون حزين ينشر دة على المنتدى ولما يكون فرحان من خلال كلامة بردة بينشر دة رغم ان كدة كل الناس بتعرف عنة كل حاجة.

مين العضو اللي تتمني ينزل علي الكرسي بعدك وليه؟

اوشين , عشان انا وسارة نزلنا مفيش غير هى اشمعنة يعنى.

كلمه في نهاية الكرسي تقوليها لاعضاء المنتدي؟ انى بجد وانا فى المنتدى بحس انى مع اسرتى التانية وسورى لو كنت ضايقت حد بكلامى على الكرسى من غير مااقصد.

كلمه تانيه للعبد للهبس تكون غير :حسبي الله ونعمالوكيل

1-حسبى الله ونعم الوكيل.

2- انا ليا الشرف انى اتعرفت عليك.

3- ميرسى على تعبك فى الاسئلة.

واكتر عضوة بنت قريبة منك؟ سارة

ومين اقرب اصدقائك الي قلبك؟ 1- ماما.

2- سارة , انجى , جهاد وايمان-

شكر: سارة عشان وقفت جنبى كتير وانا مضايقة .

نصيحه
[b
]:[/b]
لسارة انها تفكر فى نفسها شوية اكتر

ميرسى لانك بجد اجمد واعز صاحبه والكلام كبير عليا اوى
وبجد مفيش شكر بنا انا ماعملتش حاجه تستاهل خالص
وشكرا على النصيحه ان شاء الله احاول اعمل بيها
واجابات جميله بجد

انا ياجماعة جاوبت بكل صراحة
ولو اى حد عندة تعليق على اى حاجة يتفضل يقول
واتمنى انى مكنتش ضيفة دمها تقيل

بجد ميرسي يا اية علي اجاباتك الصريحة و الواضحة الاكثر من الرائعة......
انا و الله حسيت اني بقرا مذكرات شاعرة او اديبة او روائية....
فعلا اسلوبك واضح و صريح و في نفس الوقت جذاب......

و بالنسبة للموقف المحرج اللي حصل معاكي فهو تقريبا حصل معايا بس الاسوا انه كان في المدرج و ووقعت يومها وقعة لدرجة ان المدرج كله ضحك عليا

ايه معني الصداقة عند ايه؟
الصداقة هى المرايا اللى انا بشوف فيها عيوبى ومميزاتى وهى الايد اللى
بتمسح دموعى لما اكون زعلانة ونفس الايد اللى بتضربنى عشان افوق لو غلطت.
قد ايه مفهومك عن الصداقة رائع و شامل و من كلامك اقدر افهم ان الاصدقاء من اهم الحاجات في حياة اية.....صح؟

ومين لما ينزل شايفه انه ممكن يجاوب بوضوح؟ ايهاب

اعتقادك في محله لاني واضح و صريح و بقول ارائي في الناس بصراحة شديدة (حتي عن نفسي) لدرجة ممكن تزعل الناس مني...بس اعمل ايه بقي مش عارف ان كانت ميزة و لا عيب فيا؟؟

بجد يا اية بحييكي علي اجاباتك الرائعة و صراحتك المتناهية في الاجابة

ايها الباكى رويدا، لا يسد الدمع ثغرة
ايها العابس لن تعطى على التقطيب اجرة
لا تكن مرا و لا تجعل حياة الغير مرة
إن من يبكى له حول على الضحك و القدرة
فتهلل و ترنم ، فالفتى العابس صخرة

مادو:دمة خفيف جدا انا معرفهوش كويس بس فرصة وانا بكتب انى اقولة انة هو وكل اللى كان فى حفلة الكورال كانو كويسين جدا وعملو نتيجة هايلة .
بجد انا مبسوط قوي بكلامك عني و عن الفرقة كدة

احمد حسن
العفو
وكدة عندك سؤال تجاوبة ومتنساش

سارة
انتى بجد غالية اوووووى عندى
واللى ان قولتة ولا حاجة من اللى مفروض يتقال
ومبسوطة ان الاجابات عجبتك

~*كرسى الاعتراف*~

~كرسى الاعتراف~