~كرسى الاعتراف~

تذكير بمساهمة فاتح الموضوع :

~*كرسى الاعتراف*~
طن طن طاااااااااااااااااااااااااااااااااااااان

متخدوش بالكوا دى موسيقى تصورية بس مش اكتر

اللعبه دى هدفها الاول اننا نتعرف على بعض من خلال الاساله اللى بنسالها للى اعد على الكرسى
شرح اللعبه
اللعبه عبارة اننا هنعد من 1 ل7 واللى يقول رقم 7 يختار واحد يعد على الكرسى
ويساله 14 سؤال الحد الاقصى للاساله ولما يجاوب نبدا نعد من الاول هى سهله جدا ولذيذة اووووووووووووى

انا هبدا 111111111111111111111111111111111111111111111111111
يلا بينا نشوف اول ضحيه على كرسى الاعتراف ومين هيسال

الله ينور يا عمرو
وبانتظار باقى الاجوبه

اعتذر لانى اوضحت بطريق الخطا فى السؤال العاشر

وبالاخص.( رجوله / / dark angel بنت جدعة جداااااااااا) وذلك لان هدفى من هذا الكلام دة انى اشكر امنية على مواقفها معاى وانها بجد بنوتة ذى العسل وهى بميت راجل عندى اتمنى اكون واضحت.

أعتذر بشدة يا منتدى يا جميل على اى اخطاء لى فى الاجوبة وياريت تسمحونى
اوعدكم بباقى اجابات الاسئلة غدا بعون اللة

عايزين السوال التاسع

عمرو يا جماعه كلمني وقاللي انه هينزل باقي الاجابات بكره
انتوا ايه رأيكم
نصبر عليه ولا....................

اوك نصبر بس بكره كل الاجابات تنزل وشكرررررررررررررا ياعمرو على الاجابات الواضحه دى منتظرين باقى الاجابات

انتوا موتوا الراجل حراااااام
عليكوا

ان شاء الله يكمل الاجابات كلها النهارده

علي فكره يا جماعه باب الاسئله لسه مفتوح
هو احنا عندنا اعز من عمرو؟؟
اللي عايز يسال يبعت لي السؤال في رساله خاصه
ملحوظه لعمووور:
امنيه بعتتلي كام سؤال كده وانا ضفتهم علي الاسئله
اوعي تنساهم لتعلقك

الله ينور يا احمد

شكرا يا ضحي
منوره

طيب والنبى يابيكهام لما يتقفل ابقوا صحونى
ههههههههههههههههههههههههههه

يلا يا عمرو رد وكمل الاجابات

احمد متوصى بيك يا عمرو ربنا يقويك
واحنا فى انتظار بقية الاجابات

باقي من الزمن ساعة

باقى من الزمن ساعة الا اربع دقايق ونصف

ههههههههههههههههههههههه
ايه الترقب ده؟؟؟

هههههههههههههههههه
قضية الساعه

السؤال السادس عشر

ايه رايك فى السياسه ؟

السياسة من واجهة نظرى هى فن التعامل مع الاخرين.

شايفها دايما بتنفع فى تصحيح الاوضاع ؟

اكيد بتساعد السياسة على تصحيح الاوضاع.

وياترى بتستعمل نظام اتمسكن لحد ماتتمكن ولا الضحك على الذقون ولا ايه بالظبط؟

الحمد للة,معرفش استعمل هذة الادوات او هذة الاساليب لانها بمعنى الاصح مش اسلوب رجالة هههههههه

بستعمل اسلوب رجاحة العقل وحلاوة الفم و طيبة القلب.

السؤال السابع عشر
نفسك فى ايه فى المنتدى يحصل ولسه ماحصلش ؟ ونفسك ايه يبطلوا الناس او حد معين وليه ماحصلش ؟

اولا _ نفسى يكون هناك رقابة على كل المواضيع الى بتنزل اكثر من ذالك. وذلك لوجود اعضاء معنا فى المنتدى ليس هناك اى صلة تعارف ولا وجود بيانات لهم فأرجو من السادة المسؤلين زيادة الرقابة على المواضيع والردود.

ثانيا- نفسى فى زيادة عدد الاعضاء بس مش بالاسم فقط لا ولكن بالمشاركة الفعالة لان المنتدى يعنىتبادل الاراء والافكار وتزيدنا بالمعلومات الكافية مش اننا نشترك وبس ولا اية انتو مش معاى برضة فى الكلام دة

نفسى اية يباطلوا الناس...؟

نفسى يكون هناك شئ من الادب فى الردود ولو هناك تحفظات على شخص معين يبقى المفروض يكون بينة وبين هذا الشخص دة لو انت صحيح يهمك انك تصلحلوا اغطائة.

ولكن لو كان الهدف تشويه الصورة فمش حيحصل ابدا اى شخص تهول لة نفسة ان يفعل هذا ولا يستطيع التفريق بين العضاء.

السؤال الثامن عشر
فاكر اول حب ليك ؟ كان عندك كام سنه ؟ وهى كانت كام سنه ؟ وقولت ليها بتحبها ازاى ؟ وكان ايه رد فعلها

ايون - كان عندى19 سنة- وهى 18 سنة- بعد يوم الرحلة الى هو اول يوم تعارف فيه دخلت فى المحاضرة وقولتلها بين زميلها انى حبيتك من ساعة مشوفتك فى الرحلة. سكتت شوية وقالتلى انت والهى مجنون بس وانا كمان حبيتك.هههههه )بس واللهى كلة كان كدب(

السؤال السادس عشر
ايه اكتر 3 حاجات مش بتحبها فى ((عمرو عرابي)) ؟

أ‌- التأخير

ب‌- عدم ثقتى فى الناس بسرعة

ت‌- النسيان الزايد
السؤال التاسع عشر
ايه اكتر 3 حاجات بتحبها فى ((عمرو عرابي)) ؟

-1 الاعتراف بالخطأ

-2 الطيبة والحنان

3-الطموح

السؤال العشرين
ما رأيك بالمرأه اليوم....؟
راى انها اصبحت اكثر نضجا وعقلا واصبحت ند للرجل

السؤال الحادى والعشرون
الحب..كيف تنظر اليه؟..؟..بتخاف منه؟..ترتيبه فى اولوياتك ؟..ماذا يمثل لك الحب ؟..لو حبيت ممكن تتنازل عن حق من حقوقك؟

الحب كلمة جميلة بس للى يستاهلها الحب غذاء للروح سعادتك فى الحياة او تعستك فى الحياة .

الحب بصراحة بقيت بخاف منة لانة بجد بيفقد الشخص سيطرتة على مشاعرة وعلى افعالة

ترتيبة الثالث

انا لما بحب بضعف تجاة فبلاقى نفسى بكل بساطة بتخلى عن اى حق لى.

السؤال الثانى والعشرون
لمن تعطي سرك ؟

(لنفسى) ويارب نفهم

السؤال الثالث والعشرون
هل تعرضت لخيانه ؟ولو اه ازاي؟

اكيد

ازاى دى بقى كتير اوى اكثر من مرة ومع اختلاف المواضيع اه عشان بس محدش يقول عليا انى غبى ولا حاجة ما بيعرفش يتعلم من اخطائة

خيانة صديق

ولو اه ازاي؟

كنت بتكلم معاه بصراحة تامة ولكن استغل هذة الصداقة فى شئ خطا فرق بينى وبن الانسانة الى حبيتها. بس كدة وغيره وغيرة ,بس انا الى بعاتب نفسى عشان معرفتش اختار الصديق المناسب.

السؤال الرابع والعشرون
ايه اكتر مقولة او مثل يعني بتؤمن بيه؟؟؟

من لم يخطئ، لم يجرب شيئا جديدا....

إن لم تستطع أن تحب فحاول أن لا تكره....

مفيش مدير ناجح قول فى فريق ناجح......
عش ما شئت فإنك ميت ، وأحبب من شئت فإنك مفارقه ، واعمل ما شئت فإنك مجازى به........
اذا الأيمان ضاع فلا امانا ....ولا دنيا لمن لم يحي دينا....

السؤال الخامس والعشرون
عمرو عرابي راضى عن نفسه كام فى الميه ؟ واشمعنى الدرجه دى ؟ ولو مش 100% طيب انت ليه ساكت عن الجزء اللى ناقص ده وياترى هو ايه بالظبط ؟

بسوا ياشباب الحمد لله الكمال لله واحدة بس انا مش وحش ومش حلو او تقدرو تقولوا بنسبة 85% وذلك لانى شايف ان الحمد لله انى عمرى ما اذيت حد ولا اتسببت فى اذيت حد ودى اهم حاجة فى الانسان ثانيا عمرى منميت على حد وعمرى ماكنت انسان منافق ولاحبيت نفسى اكتر من حب الناس

الناس ثم الناس ثم نفسى ولو انتوا شايفين غير كدة ياريت اشوف تعليقاتكم.

طيب انت ليه ساكت عن الجزء اللى ناقص ده؟

الحمد للة بحاول من التغير للاحسن وادعولى ربنا يوفقنى

وياترى هو ايه بالظبط ؟

الجزء الوحش الصراحة مش عارف بس ممكن انى اكون مش صريح زيادة عن الازوم امام الناس بس واللهى غصب عنى ما انا قولت ليكم ما بعرفش اثق فى حد بسرعة. اتمنى منكم تكملولى الجزء الى ناقص لان مهما ما بصيت على نفسى مش حشوفها زيكم.

[b]السؤال السادس والعشرون
صديق آلمك فراقه ؟

بجد ايون فى صديق كان عزيز عليا انا وصبرى اكيد صبرى عارفة برضة

الا وهو (م-ع)

بس يا خسارة هو الى اختار طريقة بأيدة .

على العموم ربنا يوفقة

السؤال السابع والعشرون
إمتى آخر مرة عيطت فيها بجد ؟

يوم ما حسيت انى اتخدعت يوم ما حسيت انى كنت مثالى زيادة عن الازوم

يوم ما قالت لى مينفعش, يوم ما حسيت انها كانت بتلعب بيا عشان توصل لغرض ما منى فقط . بجد لو قلت عيط قد اية مش حتصدقونى سنة ونصف عشان بس ابطل انا وقلبى النزيف

السؤال الثامن والعشرون
أصعب قرار أخذته فى حياتك؟

هما الصراحة قرارين

القرار الاول

انى عمرى فى حياتى ما ارجع لهذة الانسانة تانى نهائيا.

القرار التانى

كان انى ابعد نهائى عن اى حب او اعجاب يخلى قلبى يفكر فيه تانى.

معلش اعذرونى لان الكلام مش واقعى زيادة عن الازوم بس هى دى الحقيقة عندى

بس القرار التانى شكلة حيتغير قريب الظاهر كدة دة خارج عن اريداتنا.

ربنا يستر عليا ادعولى يا اخوانى

[/b]

السؤال التاسع والعشرون
لو انت
واقف فـ مكانك ، و على يمينك فى بنت حلوة تكمل معاها حياتك ، و على شمالك فى وظيفة حلوة تأمنلك مستقبلك
، و ادامك انك تعيش حياتك بالحظ بنسبة 100% ، و وراك الماضى بحزنه و فرحه ، تختار انهى اتجاه ؟ و ليييه

اولا سؤال جميل روشا

بس حقولك المال انا الى بعملة مستقبلى انا بردة الى بخططلة والتوفيق من عند الله.

اولا ياريت اكمل حياتى مع انسانة تحبنى بجد وانا احبها وهذا هو اختيارى . اصل اكيد بدل حبينا بعض وبنفهم بعض يبقى اكيد ححقق هدفى لانى والحمد لله بحب انى اسعى لتحقيق هدفى اصل انا بعيد عنك واد طموح ههههههه واكيد هى كمان انشاءالله تساعدنى على ذالك مش بيقولك الحب بيصنع المعجزات بس ياريت تكون مخلصة لية فى حبها. ياريت

السؤال الثلاثون
ا نت شخص كثير الضحك والهزار ويقول الكثير ان هذه الشخصيه تخفى بداخلها حزن كبير فهل ينطبق هذا على عمرو عرابى وان كان كذلك فما هو سبب هذا الحزن ؟

هناك مقولة لاحد الشعراء تقول

" لا تحسبوا رقصاتي بينكم طربا .. فالطير يرقص مذبوحا من الألم "

ايون بصراحة انا انسان حزين او زى ما تقولون الحزن بقى سمة من سماتى او بقى يتغلب عليا بس صدقونى دة مش ضعف ولا انا الى عايز كدة بس غصب عنى انا لوسرحت دقيقتين بتحول وافتكر الخداع والنفاق الى بشوفة فى عيون الناس امامى لانى بجد طيب من جوايا . بضحك ايون اتعلمت اضحك وجوايا حزن شديد متقوليش ازاى اه معرفش هو كدة تقولوا انسان غريب معرفش تقولوا انسان بيعيش مع اللحظة معرفش برضة بس الحاجة الوحيدة الى عايزكم تعرفوها انى عمرى ما حنزل دمعة اخرى على حد خلاص انا انجرحت من زمان فعادى انجرح تانى مخلاص ما هو انا خلاص من زمان بنزف فعادى مش جديد. اسف طولت عليكم.

السؤال الحادىو الثلاثون

اكتر مرحله عشت حياتك فيها؟
هل هي الايام دي ولا قبل كده

اجمل ايام حياتى قضتها فى الكلية التكنولوجية
بس السنة دى بجد حاسس انى لقيت نفسى الى ضاعت منى من 3 سنوات فاتو.

السؤال الثانى والثلاثون
تكلم عن الشخصيات التاليه فيما لايقل عن 3 سطور عن كل شخصيه
(علي فكره السؤال ده انتاج مشترك بين فاطمه وضحي)
1- The Genius Doola
كنت فكرة من مدة انة انسان بسيط وعايش فى دور الواد الغلابان لكن اتضح لى العكس طبعا دلوقتى عرفتة بس على حقيقتة.

شخصية محترمة وميعرفش يجرح حد ابد . واعى لافعالة, اتضح انة عارف هو عايز اية بجد واول مرة معرفش افهم شخص بالطريقة دى بجد انت واد زى الفل هههههههه ربنا يوفقك.

2-البروفيسير

بس يا شباب البروفيسير دة عشرة عمر نعرف بعض من 8 سنوات يعتبر الصديق الوحيد لية فى الدنيا الى احنا فيها دى او بالمعنى الاصح. ( عندما اكون مع صبرى فانى اكون مع نفسى)

3- king of love

إني أعجب للإنسان الذي يغسل وجهة كل يوم
ولا يجرب غسل قلبة مرة واحده كل عام ..!!

شخص غريب جواه كره وغضب شديد لايمتلك الشجاعة لمواجهة الاخرين وجها لوجه يحب التظاهر بالدهاء والذكاء مع انة لايعلم انة يوجد الاذكى منة او منها

بجد انا زعلان علية.
4- فاطمه

ياراتنى كنت عارفتها من زمان لو نتكلم على بطوط يبقى عزين زمن على زمانا لو نتكلم على بطوط يبقى بنتكلم عن الحنان كلة عن الرقة على العفة عن كل المعانى الجميلة . يا بختة هههههههههه
Beckham-5

الذوق الاحترام الطيبة الوفاء الاخلاص الصديق بجد من الاخر هو واد زى العسل بجد اتشرفت بصداقتى معاة يارب ينولك الى فى بالك وتحقق الى انتة عايزة واتمنى ان نكون اصدقاء بجد.
-6 ضحي

تحس ان احنا بنتكلم عن ملاك مفيش كلام ينفع لة على الارض بجد

شخصية عطوفة طيبة. الهدؤء صفة من صفاتها تتسم بالعقلانية رزينة

متدينة مخلصة لاصحابها تفيد للغير مثلاها كمثل الوجة الاخر من الروح الا وهى فطومة.
7 - روشا

بجد اسف بس نفسى اتعرف على الشخصية الجميلة دى لانى معرفهاش او ممكن اكون اعرفها بس مش واخد بالى من الاسم اسف للمرة التانية.

السؤال الثالث و الثلاثون
ايه اكتر بنت حبيتها في حياتك؟ ومش قادر تنساها؟ وسبتها ليه؟

اكتر بنت حبيتها فى حياتى

هو السؤال مش مظبوط اوى ممكن نقول.اكتر حب هو الحب الاول لعمرو عرابى ولكن قد يسبب الخيانة والتلاعب بمشاعر الاخرين حالة من اليأس والاحباط والبعد عن هذا الحب ولكن لا توصل لمسألة الكرة لان الى حب ما بيعرفش يكرة

ومش قادر انساها؟

مين الى قال كدة الحمد للة النعمة الوحيدة الى بكرها فيا هى النسيان ولكن عندما تشعر بالخداع يموت لهفة هذا الحب ويموت بالتدريج .ولكن يكون لة اثرة على المدى البعيد.

وسبتها ليه؟

لدى كل مرء منا كرامة التى تتحتم علية ان يقتل حبة فى داخلة عندما يشعر بالخداع

السؤال الرابع و الثلاثون
ايه الهديه اللى بتتمنى انها تجيلك فى عيد ميلادك حيث هو شرف على القدوم ومن من؟

الهدية بجد ومن غير استغراب

اتمنى ان يجيلى طائر لية وطائر ليها حيث انهما رمز الروح والارتباط والاخلاص وهذا من وجة نظرى, ومتقوليش المفروض العكس اوك

من مين؟

من اعز انسانة عندى حاليا. وبس بقى متفضحوناش بدرى . استنوا شوية

السؤال الخامس و الثلاثون
ماذا يعنى الصديق عند عمرو؟

الصديق يعنى لى مرايتتى الى بشوف فيها نفسى

الصديق يعنى لى ضميرى المتكلم

الصديق يعنى لى عندما اكون معة فانى اكون مع نفسى

( لقد قرات فى احد المقالات عن معنى الصديق فاعجبت بهذا المعنى

واليكم المعنى لكلمة الصديق)

ص : الصدق
د : الدم الواحد
ي: يد واحدة
ق: قلب واحد

اسف اذا كانت اجاباتى طويلة شوية بس بجد هو دة الى انا حاسس بى اشكركم على تعبكم معاى واتمنى انى اكون شرحت نفسى كويس انا فى انتظار التعليقات
وشكرا لكم

الله ياعمرو اجابات روعة
حقيقة اعجبت بيها

بصراحة اجابات روووووووووووووووعه
وانا بجد مكسوف من الكلام اللي انت كتبته عليا ده
انا بجد اتشرفت بيك وبمعرفتك واتمني بجد نكون اصحاب جامدين
وانا شايف انك نجحت في موضوع كرسي الاعتراف بدرجة امتياز مع مرتبة الشرف
الكرسي اتشرف بيك يا عمور
واحنا بجد بنشكرك علي صراحتك المتناهيه دي
وانا عارف اننا تقلنا عليك في الاسئلة
بس انت طلعت قدها وقدووووووووود

شكرا يا عمرو على الاجابات الجميله ديه
ومش حقول اكتر من اللى قاله احمد لانه بيعبر عننا كلنا
بجد مش عارفه اشكرك ازاى على الكلام اللى انت قلته
ربنا يوفقك ياعمرو ان شاء الله
واتمنى لك كل التوفيق

بجد دى اجابات جميلة جدا جدا ووافية لكل الاسئلة وعلى راى بيكهان انت نجحت وبامتياز كمان عقبال الدراسة كمان يارب وربنا يوفقك

ها ياجماعة يلا بقى اللى بعده