~كرسى الاعتراف~

تذكير بمساهمة فاتح الموضوع :

~*كرسى الاعتراف*~
طن طن طاااااااااااااااااااااااااااااااااااااان

متخدوش بالكوا دى موسيقى تصورية بس مش اكتر

اللعبه دى هدفها الاول اننا نتعرف على بعض من خلال الاساله اللى بنسالها للى اعد على الكرسى
شرح اللعبه
اللعبه عبارة اننا هنعد من 1 ل7 واللى يقول رقم 7 يختار واحد يعد على الكرسى
ويساله 14 سؤال الحد الاقصى للاساله ولما يجاوب نبدا نعد من الاول هى سهله جدا ولذيذة اووووووووووووى

انا هبدا 111111111111111111111111111111111111111111111111111
يلا بينا نشوف اول ضحيه على كرسى الاعتراف ومين هيسال

حبيت انى انزللكوا جزء صغير من الاسئلة
بحيث تتسلوا شوية فيها عقبال ما اكمل الباقى

ميرسى يا فطوم ومنترين باقى الاجابات ماتتاخريش علينا

الله ينور يا فاطمه بجد الاجابات كلها جميله وواضحه
ربنا يخليكى ليا يا فطومه وربنا معاكى فى باقى الاسئله بانتظار باقى الاجابات
ربنا يوفقك يارب واشوفك دايما فى اعلى المراكز وفى احسن حال

ميرسى ليكى يا سارة
وميرسى ليكى يا ضحى
وربنا يخليكى ليا يارب
وان شاء الله متاخرش عليكوا فى باقى الاجابات

الله ينور يا طماطم

اجابات رائعه جدا

ميرسي يا فطووووووووووم

مستنيين الباقي

وبجد ميرسي انك قلتي عليا طيب

ده انتي متعرفيش حاجه

ههههههههههههههههههههههه

ميرسى يا بوسى ليكى
وميرسى ليك يا احمد اوى
اصلى لحد دلوقتى اللى انا شيفاه انك طيب
وربنا يستر بقى

ربنا معاكى فى الباقى

هههههههههههههههههههههههههههههههههههه
وانتي قدام ممكن تغيري الصوره؟
جاوبي بسرعه

ههههههههههههههههه
مش انت اللى بتقول مش عارفة حاجة
ما انا خايفة من لما اعرف
يا خوفى
يارب يا امنية

اجابات حلوة جدا يا فاطمه
ومنتظره باقي الاجابات
واجابتك علي اسئلتي

ميرسى ليكى يا ترنيم
وان شاء الله تعرفى الاجابات على اسئلتك
ميرسى ليكى كتير

الله على اجاباتك يافاطمة وعلى الصراحة اللى فيها
خصوصا انك لما تحبي ماتقوليش حاجة بتقولي مش هاقولها
مش بتداريها وتكدبي علينا
وعلى فكرة موضوع ان بيكهام طيب دا حقيقي
الدور والباقي عليا انا .. دا انت ماتعرفيش حاجة

هههههههههه
ماشى يا مسمار بس غصب عنى
لما مينفعش اقول على موقف مش اكتر
مش بتعمد انى اخبيه
وانت كمان انا معرفش حاجة
هههههههههه

والله العظيم اجاباتك يا فطووووووووووووم جاامده جدا وصريحه جدا
وربنا معاكي في باقي الاسئلة
وشكرا على صراحتك وعلى اجاباتك الجميلة دي

ميرسى يا عادل
ربنا يخليك

16- كلمات وجهيها لمن تريدين من أعضاء المنتدى

إعجاب:بوسى ولمياء

احترام:لكل اعضاء المنتدى

شكر وتقدير:ضحى وعمرو

عتاب:صبرى

اعتذار:مفيش فى دماخى حد معين

17- ايه افضل المواضيع في المنتدي بالنسبه لك ؟
(3 موضوعات بالكتير من غير ترتيب)

لو كنت ملاك* مسمار*
ابكيت القمر من اجلك حبيبتى *عادل*
قصة العجوز*احمد*

وطبعا ده ميمنعش ان فى مواضيع جميلة اخرى وفى مواضيع لم اطلع
عليها كذلك

18- لو تقدري تكوني شخصية معينة لمدة اسبوع .... تكوني مين ؟؟؟ وليه ؟؟؟

اكون ليا مركز عالى او سلطة معينة
لان فى ناس كتير محتاجين مساعدة ومحدش شايفهم او حاسس بيهم
ونفسى اقدم مساعدات للناس دى اوى
وده اللى نفسى اعمله لو وصلت وكبرت فى وظيفتى فى يوم من
الايام

19- بماذا تحدثي نفسك وانت امام المرآه ....؟؟؟؟

اقولها يا مرايتى فى حد اجمل منى اتكلم معاكى قبلى
ههههههههههههههههه
لو كنت تقصد مرايتى اللى دايما براجع نفسى فيها فمن خلالها بلاحظ
تصرفاتى واقيمها واراجعها

20- اكلتك المفضلة؟

الفراخ والسمك

21- القراءة..هل لها نصيب في حياتك ؟ اذا كانت الاجابة بنعم فما هو آخر كتاب قرأتيه ولمن ؟

بصراحة لا القراءة ملهاش نصيب فى حياتى بالرغم انى مضيقة من كده بس مش عارفة بصراحة اطور الموضوع ده

22- بتعرفي تطبخي؟؟؟
ههههههههه ( مطب صح ؟؟؟
ههههههههههههه
بصراحة اه هو مطب فعلا
انا مش بعرف اطبخ يدوب مساعدات على قد ما اقدر

23- لو احضرنا لفاطمة( ورقة بيضاء جميلة - وقلم - وفنجان من القهوة - وتركناها مع افكارها تسرح -- فماذا ستكتب على تلك الورقة ؟؟)
3 سطور

لقد ظننت انى اعش هذه الايام من اجمل ايام حياتى وهى فعلا كذلك
ولكن ما جرى لى لم اكن اشاهده من قبل
فلماذا نظل فى صراع دائم فيما بين بعضنا البعض ولم نتذكر الدار الاخرة

24- متى تكوني فى احسن حالاتك ..... ؟؟؟

فى لحظات النجاح وهذا يتم بمايريده الله

متى تكوني فى اسوأ حالاتك ..... ؟؟؟

عند الاحساس بالظلم وعدم الوفاء و الاخلاص

25- الضحك بيمثلك كام فى % من حياتك والحزن والجد ؟

وما تعريف السعادة عندك

كل حاجة من الحاجات دى بتيجى فى وقتها سواء موقف يحتاج للضحك او موقف حزين مؤلم
او احتاج للجد وده لازم طبعا لانهاء اى شغل عندى ولو فى اى مسئولية محتاجة انها تخلص
لان صعب طول الوقت حزن ولابد من فرحة بعدها وضحكة تطلع من القلب تملئ الوجه فرحة
وكذلك مفيش وقت خارج من الجد وهو وقت العمل
اما السعادة هى اجمل شئ فى الدنيا ومحتاجة لمجهود علشان تشعر بها وتستمتع بها ايضا
فالسعادة لا تاتى من فراغ ولكنها نتيجة لانهاء اى عمل بنجاح

26- صفه بتحبيها فى الشخص اللى قدامك وصفه بتكرهيها فى الشخص اللى قدامك

صفة بحبها فى الشخص اللى امامى
التسامح والاخلاق

اما الصفة اللى بكرهها اوى
هى الغرور و التكبر

27- معاكى 5 وردات ل 5 اشخاص لمن تعطيهم ؟
سواء داخل المنتدى او خارج المنتدى

وردة لضحى
وردة لنهى
وردة لروشا
وردة لجواليت
وردة لهوبة

28- من هو قدوة فاطمة؟ ولماذا اخترتى هذا الشخص قدوة لكى؟

عادل لانه فى صفات كتيرة حلوة وعجبانى جدا اذا كان تدين طيبة
رقة حنية وفاء اخلاص دم خفيف وعصبية ملهاش حل
بجد ربنا يحفظك

29- بتعترفي بغلطاتك (بصراحه مش كلام قدام الكاميرا وخلاص : ؟؟ .. بتصارحي نفسك بينك و بينها ؟؟
وبتقيمي تصرفاتك و تتعلمي منها إيه يتعمل و إيه ميتعملش ؟؟

طالما غلطت انا فعلا مينفعش اكابر ولازم اعترف بغلطى وكمان ممكن اعتذر لو زعلت حد منى
على طول دايما كل المواقف اللى بتحصل معايا براجعها مع نفسى وده بيخلينى ممكن اخد بالى من حاجة مخدش بالى منها
فدايما براجع نفسى فى كل حاجة واشوف صح ولا غلط اللى انا عملته
ايون بقيم تصرفاتى وبشوف ايه المفروض اعمله وايه عملته مينفعش اكرره تانى

30- تكلمي عن الشخصيات التاليه فيما لايقل عن 3 سطور عن كل شخصيه

1- The Genius Doola
عادل من اعز الناس عليا اوى وشخصية بحترمها جدااااا وبعزها اوى
بجد انسان اخلاق جدا منتهى الطيبة والحنان والوفاء
والرجولة بجد ربنا يكرمه ويسعده

2- bossy cat
انسانة جميلة اوى اتشرفت بمعرفتها جدا من معسكر الاسماعيلة
وهو من اجمل ايام حياتى اللى عيشتها او عيشناها مع بعض
وكانت مفاجاة ليا مواضيعها الرومانسية الجميلة جدا والرقيقة زيك يا بوسى

3- dark angel
اكتر حاجة بتعجبنى فى امنية هى الجراة
وهى انسانة كويسة انا مشفتش منها حاجة وحشة
تمنياتى ليكى بالنجاح دائما

4- Beckham
احمد دى اول سنة اتعرف عليه فيها وبالرغم من انه متوصى بيا فى الاسئلة اوى
ده ميمنعش انى اقول برضه انه انسان اخلاق ومحترم
ويارب تدوم الصداقة والاخلاص

5- ضحي
اما ضحى بقى فهى اللى طلعت بيها من الدنيا ويارب يخليهالى ونستمر مع بعض على طول
الى ان يشاء الله عرفت الحب معاها وشوفت منها كل خير من صدق واخلاص فهى كل الرقة والذوق
والطيبة والحنان وكل صفة جميلة بالاضافة الى التزامها وتدينها انا مش عارفة اقول حاجة غير ربنا يخليكى ليا

31- ماهي نظرتك الدنيا بشكل عام؟
بمعني تاني اوصفيها في عباره
الدنيا حياة عابرة وفانية والدنيا الحقيقية هى الاخرة اللى دايما منسية بتلاهى ومشاكل الدنيا
والصراع فيما بيننا
وما الحياة الدنيا الامتاع الغرور

32- يوم فى حياتك لا يمكن ان تنسيه مهما حصل ؟
اوصفيه فيما لا يقل عن 3 سطور

كان يوم لما جبت النتيجة فى المرحلة الاولى فى ثانوى كان بمثابة كابوس
مكنتش قادرة استوعب الموقف وكان صعب عليا وعلى العائلة كلها
يعنى كنت بحلم بمجموع اكبر وكان فى حلم انهم يشوفونى ادخل كلية الطب

وده سؤال مادو:

مادو بيمسي ويقول:

33- الراجل من وجهة نظر فاطمة عامل ازاي
انظر الى الرجل بنظرة اعجاب واحترام اذا كان انسان محترم ذو شخصية جيدة
رجل بمعنى الكلمة من رجولة وشجاعة وشهامة وقدرة على تحمل المسئولية
وحبذا اذا كان رقيق المشاعر ورومانسى وحنون تكون من اجمل الصفات
وشئ جميل انه يقدر قيمة المراة

34-الحب هل ظهر في حياتك؟
بصراحة لسة مظهرش يا مادو
ومتستغربش لانى دايما تفكيرى فى دراستى فقط ومأجلة الموضوع ده
مش اكتر بس برضه كل شء نصيب وبوقته وممكن اى حاجة تحصل قبل
ما اخلص الله اعلم

34- اكتر حاجة فاطمة حست فيها بالندم
لما مكنتش بذاكر كويس فى الثانوية العامة لانى لوكنت ذاكرت اكتر كنت حجيب مجموع احسن
بس كل شء نصيب والحمد لله على كده

والاسئلة دي من بسنت

35- طماطم تعملى ايه فى خيانة الاصحاب ليكى من وراكى وقدامك بيعاملوكى حاجة تانية؟
بصراحة هو موقف مؤلم اوى واكيد حصل معايا بس بحاول اسامح على قد ما اقدر
ومجرد انى اتكلم مع الشخصية دى انسى كل شئ الى ان اوصل لدرجة انى مش ممكن اسامح
ولابد من المواجهة لمعرفة سبب هذه التصرفات

36- اكتر حاجة زعلتك من ضحى اكيد زعلتى منها فى مرة وقولتلها ولا لا اجبارى؟

الحمد لله وانا وضحى مش بنزعل من بعض ممكن يحصل اختلاف فى وجهات النظر
وبنتناقش فيها وبتنتهى بسرعة

37- مين اصحابك بجد بعد ضحى اجبارى؟

الحمد لله ليا اصحاب كتير وبحبهم اوى فى من جوة الكلية
وقى من برة الكلية

ودى دفعة تانية من الاسئلة
انتوا شوفتوا ان الاسئلة كتيرة
فحبيت انى اجزءها علشان كمان متزهقوش

اجابات جميله يافطوم بس نزلى اجابات اكتر لاننا بقالنا اسبوع تقريبا مستنيين

اوك يا سارة
بس معلش وقتى مش مسامح خالص
مشغولة شوية
وميرسى ليكى يا سارة

ميرسى ليكى يا فطومة على الاجابات الصريحة دى

17- ايه افضل المواضيع في المنتدي بالنسبه لك ؟
(3 موضوعات بالكتير من غير ترتيب)

لو كنت ملاك* مسمار*
ابكيت القمر من اجلك حبيبتى *عادل*
قصة العجوز*احمد*

اولا : انا مش عارف اعبر عن اعجابي الشديد باجاباتك الجميلة جدا دي
وطبعا شكر كبير اوي على انك اخترتي موضوع من افضل المواضيع بالنسبة ليكي

28- من هو قدوة فاطمة؟ ولماذا اخترتى هذا الشخص قدوة لكى؟

عادل لانه فى صفات كتيرة حلوة وعجبانى جدا اذا كان تدين طيبة
رقة حنية وفاء اخلاص دم خفيف وعصبية ملهاش حل
بجد ربنا يحفظك

ثانيا : بجد انا مش عارف اقول كلام بعد كلامك ده اصلا مافيش كلام اقوله
بجد انتي انسانة تستحق كل تقدير واحترام ميرسي ليكي بجد

1- The Genius Doola
عادل من اعز الناس عليا اوى وشخصية بحترمها جدااااا وبعزها اوى
بجد انسان اخلاق جدا منتهى الطيبة والحنان والوفاء
والرجولة بجد ربنا يكرمه ويسعده

ثالثا : ربنا يخليكي يا فطوووووووووم والله الكلام ده كله من ذوقك والله
انتي اللي تستاهلي كل الكلام ده بجد مش انا

اخيرا : عموما بقى شكرا بجد على كل الكلام ده وانا مش كنت اتوقع ان الكلام ده كله يبقى عني انا
وربنا يكرمك والله ويحققلك اللي نفسك فيه ويعينك على حل باقي الاجابات ومنتظرين

اجابات متوقعه طبعا من فطوم حبيبت قلبى ياعنى بنوتة كميلة ومؤدبه ورقيقه وجميلة زى فطوم هتجاوب اية غير اجابات روعة زيها
ميرسى ياحبيبى على اختيارك ليا بجد دا ميجيش حاجة منك ياعنى
ربنا معاكى فى باقى الاساله

ميرسى ليكى يا بوسى ربنا يخليكى

يا عادل متشكرنيش على حاجة انت بجد انسان محترم جداااا
وكل كلمة انا قولتها عنك انا شفتها فيك فعلا من كل تصرفاتك
وافعالك وانا مش بجاملك خالص هى دى الحقيقة
وانا مبسوطة جدا انى اتعرفت على انسان منتهى الاحترام زيك
يارب تدوم صداقتنا دايما يارب
وميرسى ليك كتير

انتى يا روشا اللى انسانة جميلة ورقيقة اوى ومؤدبة جدا وانا مبسوطة اوى انى شوفتك واتعرفت عليكى
بجد انا حبيتك كتير وانتى تستاهلى كل خير
وميرسى ليكى اوى