السلام عليكم و رحمة الله و بركاته
أولا أتشرف بانضمامي للمنتدى و ابدي اعجابي بوجود منتدى يهتم بانشطة الشباب و العمل التطوعي و حبيت تكون اول مشاركة ليا فى المنتدى ان انا اكتب فى اكتر حاجة بهتم بيها و هي العمل التطوعي فى الحقيقة انا عملت فى الكثير من الاعمال التطوعية مع جمعيات و مبادرات شبابية مختلفة و كان السؤال اللي دائما بيسأله لي اي حد بكلمه عن العمل التطوعي
طيب انا لو عايز اتطوع ابدأ ازاي؟؟
الإجابة أنا جبتهالكو النهاردة، و هي ان مكتبة الاسكندرية عملت موقع الكتروني إسمه الملتقى الإلكتروني و دة عبارة عن فهرس لكل الجمعيات غير الحكومية و المؤسسات و المنظمات فى الوطن العربي، و كمان فيه مساحة مخصصة لكل جمعية او مؤسسة تعرض فيها اخبارها و اعلاناتها، دة بالاضافة الى بيانات الجمعية من عنوان و تليفون و بريد الكتروني عشان اللي عايز يتواصل مع الجمعية مباشرة، و من خلاله نقدر نعرف عن المشروعات اللي بتعملها الجمعيات و ممكن نبعتلها السيرة الذاتية على البريد الالكتروني بتاع الجمعية و نتواصل معاهم و نطلب فرصة للمشاركة و التطوع فى المشروع اللي يعجبنا و ده العنوان بتاع الموقع الالكتروني
اتمنى اكون افدتكم و جاوبت عن السؤال
الجمعة يوليو 23, 2010 9:28 pm من طرف engy soliman
