~كرسى الاعتراف~

~*كرسى الاعتراف*~
طن طن طاااااااااااااااااااااااااااااااااااااان

متخدوش بالكوا دى موسيقى تصورية بس مش اكتر

اللعبه دى هدفها الاول اننا نتعرف على بعض من خلال الاساله اللى بنسالها للى اعد على الكرسى
شرح اللعبه
اللعبه عبارة اننا هنعد من 1 ل7 واللى يقول رقم 7 يختار واحد يعد على الكرسى
ويساله 14 سؤال الحد الاقصى للاساله ولما يجاوب نبدا نعد من الاول هى سهله جدا ولذيذة اووووووووووووى

انا هبدا 111111111111111111111111111111111111111111111111111
يلا بينا نشوف اول ضحيه على كرسى الاعتراف ومين هيسال

yalla 222222222222222222222222

3333333333333333333333

الله ينور يا روشا

4444444444444444 انا جيت يا بنادمين

5555555555555555555555555555555555555555555555555555555555555555555555555555555555555555555555555555555

66666666666666
و حنشوف مين اللي حيقعد

7777777777777777777777
وانتظره اول ضحيه على الكرسى هحضر الاساله وارجع تانى برب

مين يا روشا
مش تتأخرى علينا

مين مين مين مين مين مين مين؟

يلا بقي

معليش ياجماعه على التاخير بس المنتدى كان غريب اوى عندى المهم

الضحيه الاولى هى

انزله كمان شوية

خلاص قربنا

هو

متسهاوش

النجم

عاااااااااااااااااااااااااااااااااادل

انتظره الاساله

مساء الخير ياعادل
منور الكرسى والله والكراسى اللى جمبنا

انا هسال حبت اساله كدا مش كتير خاااااالص

يلا بيك
توكلنا على الله

نبداء

1- بوطقتك يامعلم اسمك الرباعى الخماسى لحد اخر اسم تعرفه و سنك وعنوانك وتاريخ ميلادك
ومحل الميلاد وظيفه الاب وظيفه الام ؟
2- عندك كام اخ واخت واسمائهم وسينهم ودرسيتهم وترتيبك بينهم
وهل انت راضى بلترتيب وبخواتك ولا كان نفسك تبقا فى ترتيب تانى؟
3-قولنا ياسيدى اكتر صفه بتحبها فيك واكتر صفه بتكرهها فيك ؟
4- الضحك بيمثلك كام فى % من حياتك والحزن والجد ؟
شخصيتك تندرج تحت انهى تصنيف ( اجتماعيه - مجنونة - انطوائيه - بتميل للهدوء - ولا لكل وقت موود )؟
5- صفه بتحبها فى الشخص اللى قدامك وصيفه بتكرهها فى الشخص اللى قدامك ؟
ياعنى ايه الصيفات اللى بتحبها فى الناس والصفات اللى بتكرها ؟
6-اية طموحك فى الحياه ؟
7- احكلنا يوم فى حياة عادل من اول ما تصحى لحد ما تنام ؟
8- اكتر حاجة فرحتك واكتر حاجة زعليتك؟
9- احكلنا موقف احراجك جامد لدرجة انك اتمنيت الارض تتشق وتبلعك ساعتها ؟
10- حاسس بلسعادة فى حياتك ولا ليسة بدور عليها ؟ وما تعريف السعادة عندك؟
11- هكتبلك حبت حاجات وتقولنا بتمثلك اية ؟
1-الشمس
2- البحر
3-اسكندرية
4-الكليه
5- اتحاد الطلابه
6-صحابك
8-الصلاه
9-الليل
10-باباك
11-مامتك
12-عادل

12- ما هو الحب فى رايك ؟ وانت مرتبط ولا لاء قولنا رايك ياعنى
فى الحورات دى وانت مريت بيها ولا لاء؟
13- امتى ممكن انك تعيط؟ ولا العياط فى نظرك عيب بلنسبه للولد؟
14- اخر سؤال ياعم ياخسارة الاساله اللى فى دماغى ليسه كتير بس تتعوض ان شاء الله
لو انت
واقف فـ مكانك ، و على يمينك فى بنت حلوة تكمل معاها حياتك ، و على شمالك فى وظيفة حلوة تأمنلك مستقبلك
، و ادامك انك تعيش حياتك بالحظ بنسبة 100% ، و وراك الماضى بحزنه و فرحه ،
تختار انهى اتجاه ؟ و ليييه ؟

يارب تكون الاساله عاجبتك ومش عايزاك تسيب نص ربع تلت سؤال منهم
يا اما هحطلك اساله تانيه اسخن 100 مرة من دى وانا مجنونة واعملها غتاته ياعنى
فخليك حلو من الاول وتجاوب كويس وكتير عايزة الاجابات طويله على قد ما تقدر اتفقنه يلا ربنا معاك

ربنا يرحمك ياعادل
رشا بطلى افترى لكل واحد يوم
يلا يا عادل جوااااااااااااااب بسرعة
ها

ههههههههههههههههههههه كل دي اسئله ياعينى عليك ياعادل
يلا ياعادل علشان اسألك انا كمان بس شفقة منى حسألك بعد ما تجاوب
ربنا معاك

انا بفترى ليه بس دا انا غلبانة والله وساله اساله سهله جدا

هههههههههههههه
سهلة طيب لما نشوف

والله العظيم حرام عليكي يا روشا بس انا هطلع حلو وأجاوب على الأسئلة بس مش عاوز حد يتريق عليا ماشي

1. الاسم : عادل عبد الباقي علي إبراهيم ، السن : 20 سنة وشهر و20 يوم ، 2العنوان : ش الوقار المتفرع من ش الجيش كفر الدوار ، تاريخ الميلاد : 19 / 9 / 1988 ، محل الميلاد : كفر الدوار ، وظيفة الاب : موظف بشركة مصر للحرير الصناعي ( الآن بالمعاش ) ، وظيفة الأم : ربة منزل .

2. عندي 3 أخوات وأخت بالترتيب من الأكبر للأصغر جمال ( 39 سنة ) ( هندسة كهرباء ) - إبراهيم ( 38 سنة ) ( تربية رياضية ) - ولاء ( 29 سنة ) ( تربية رياضية ) - أحمد ( 28 سنة ) ( تربية رياضية ) وطبعآ أنا الصغير ( آخر العنقود ) ( 20 سنة ) ( سياحة وفنادق ) وأنا راضي بالرتيب ده ومش كان نفسي اكون في مكان تاني .

3. اكتر صفة بحبها فيا خفة الدم وأكتر صفة بكرهها فيا الطيبة الزيادة .

4. الضحك 50 % الجد 30 % الحزن 20 % . ( شخصيتي لكل وقت مووود )

5. صفة بحبها في الشخص اللي امامي ( الهدوء والطيبة والمرح ) وأكثر صفة بكرهها في اللي امامي ( الغرور والعند ) .

6. طموحي أكون مهندس حاسب آلي في شركة كمبيوتر .

7. هحكي يوم جمعة علشان يوم أجازة ومش بعمل فيه حاجات كتير ههههههه ، انا بصحى قبل الصلاة بشويه كده يعني قبل الصلاة بساعة اقوم اخد شاور وبعدين اظبط نفسي وألبس وأنزل أروح المسجد علشان صلاة الجمعة وبعد الصلاة أرجع البيت وأحضر الفطار علشان أفطر انا وأحمد أخويا وبعد الفطار بفتح الكمبيوتر لو في حاجة عاوز اخلصها بحث أو حاجة زي كده وبعد ما أخلص بفتح النت شويه المنتدى وشويه مواقع الاخبار وبالذات المواقع الرياضية زي ياللا كورة وكده يعني وبعد ما اخلص يكون العصر أذن بقوم أصلي وبعدين أفتح التلفزيون أتفرج على ماتش ولا حاجة لو في يعني ولو مافيش أتفرج على فيلم أجنبي أو عربي يكون حلو وبعدين أصلي المغرب وبعد المغرب أشوف لو في حاجة عاوزه تتعمل مثلا أخويا عاوز حاجة أو في البيت عاوزين مني حاجة أشتريها من تحت كده يعني وبعد العشاء بقى ألعب شويه على الكمبيوتر وبعدين أتفرج على الكورة في دريم بتاع مصطفى عبده أو على شوبير في قناة الحياة ولما يخلص بشوف برضو فيلم أجنبي أو عربي وبعدين أنام . ( أي خدمة )

8. أكتر حاجة فرحتني أني عرفت أصحاب زيكو ( أصحاب الكلية طبعا ) وأكتر حاجة زعلتني أن في كتير منهم هيخلصوا السنة دي ومش هيكونوا معانا السنة اللي جاية .

9. موقف كنت محرج جامد فيه في مرة كنت ماشي في شارع وكان في صوان عزاء وانا ماشي وهعدي من جنبه انا مش عارف مين اللي توفى يعني المهم وأنا معدي لاقيت الناس اللي في الصوان وقفوا يعني مستنييني أدخل الصوان وأسلم عليهم واقعد يعني وانا معرفش حد منهم خالص المه رحت داخل ومسلم عليهم وقعدت شويه وقمت بعد كده وطبعا انا دخلت ومتكلمتش خالص وحتى مش عارف اللي مات راجل ولا واحده ست بس كده هوه ده الموقف .

10. السعادة موجوده في كل وقت بس حسب الظروف يعني شويه بكون سعيد وشويه بكون حزين ، والسعادة طبعا هي أن الانسان يحس براحة البال ومخلص كل اللي عليه وأن يكون كل اللي حواليه فرحانين .

11. الشمس : مستحيل الحياة بدونها ( الدفئ )

البحر : الهدوء وريستارت للدماغ .

اسكندرية : الحياة الحلوة .

الكلية : مرحلة دراسية وأحسن مراحل الشباب .

اتحاد الطلبه : موود جديد وجميل .

أصحابك : مينفعش أعيش من غيرهم .

الصلاة : الحياة وتهذيب الروح .

الليل : الرومانسية وراحة البال .

باباك : صاحبي .

مامتك : مصدر الحياة في العائلة .

عادل : واحد عاوز يبقى كويس .

12. الحب هو احساس جميل بين شخصين ويكون فيه عنصر التضحية أي أن يضحي شخص من أجل الآخر وطبعا يكون فيه تبادل الشعور بين الاتنين يعني مش من طرف واحد وبس ، ورأيي في الحوارات دي أنه مش يكون فيه حاجة من دي الا لما يتم التغلب على كل المعوقات التي تؤدي إلى فشل المواضيع دي علشان كده انا مينفعش أفكر في المواضيع دي دلوقتي وكمان يكون كل واحد مهيأ نفسيا للإرتباط وتكون العوامل الاجتماعية مناسبة علشان نهاية أي موضوع من ده لازم يكون الارتباط الرسمي وأي حد يدخل في موضوع من ده لازم يكون متأكد من أنه هريتبط في الاخر وغير كده ياريت ينهي علاقته علشان هتفشل ومش هتنفع لأن في جملة بتقول ( نهاية الحب الارتباط الرسمي أي الزواج ) وغير كده مش بيكون حب وشكرا .

13. لو حسيت أني فشلت في حاجة كنت بحاول أنفذها أو لما يحصل موقف مؤثر جامد ، العياط مش عيب لأي حد علشان ده بيريح الانسان من الهموم اللي هوه فيها ( العياط راحة ) .

14. أختار وظيفة حلوة تأمنلك مستقبلك ، علشان لو بقيت في وظيفة حلوة هيكون في فرصة للإرتباط ببنت حلوة لأني هكون مأمن مستقبلي وكمان هعيش الحياة بالحظ لأن الحظ بيكون مع الانسان المجتهد في عمله أما الماضي فا الماضي عدا وفاااااااااات .

اجابتك تحفه بجد حلوة اوى وتمام مفرحنى مجاوب بلتفصيل
انا كمان زعلانه اوى ان فى ناس خلاص اخر سنه وربنا يكرمهم ياعنى بس يبقوا يجوا يظرونا حتى لو نفع

كدا تمام عادل جاوب الحمد الله نقدر نعد من تانى 111111111111111111111

المفروض يارشا قبل ما نعد من تانى كل واحد يسأل عادل بس مش مشكله نمشيها كدا
بس الله ينور يا عادل اجابتك جميله وصريحه
ونقووووووووووووووول 2222222222222222222

33333333333333333333333333333333333333333333333333333

444444444444444444444444444

ليه طلب

ممكن تسهلوا اللعبه شويه و تقللوا عدد الاسئله

55555555555555555555555555555555

666666666666666666666666666666666666
يالا بقى مين الي هيسأل المرادي ؟؟؟؟؟؟؟ظ

ودى كانت اخر مره يدخل فيها عادل المنتدى
الله يرحم ايامك الحلوه يا عادل

انا 7 يا جماعه