~كرسى الاعتراف~

تذكير بمساهمة فاتح الموضوع :

لالالالالالالالالالالا
حرام والله
قرعة اية
انت كنت عايز كدة من الاول
طيب والنبى الرحمة عشان عندى امتحانات
وشكرا على الاختيار الفظيع دة

عضو نفسك تضربيه علقه ...
محمد الفيومي –علشان بقاله زمان مش دخل ولا نزل مواضيع-

عضــو تحسي أنه كسول ...
بيكهام _ هو مش كسول هنا او بمعني كسول حاجه وحشه

بس كنت باشوفه علي طول بيجي متاخر

علي المحاضره يعني كان بيجي بعد ميعاد محاضراته في الكليه_

عضــو يجذبـك بأسلوبه وطريقـة ردوده ...
اوشين

عضـو أحيانا ينرفزك بـ ردوده ...
ادهم واحمد حسن – لاني مش باخد علي الناس بسرعه ف بالتالي

مش ببقي عارفه ان ممكن يكون كلامهم هزار وباخده علي محمل الجد

و باخد موقف بناء علي رد ممكن يكونوا بيقصدوا بيه هزار بس ديه طبيعتي بقي -

عضو مروشن..
ترنيم

عضو تحسي انه طموح ...
محمد الفيومي

عضو تحسي انه بيوزن الكلمة قبل ما يكتبها
بيكهام

عضو تحسيه طفولي ..
روشا طفولي هنا معناها ان في في كلامه براءه الاطفال و صدقهم

عضــو يناسبه لـقب المحبوب ...
ساره و فاطمه

عضو تقوليله .... الله يسامحك ..
بيكهام – علشان كان بيناكف فيا زمان – مع انه والله السبب في اني جبت تقدير في مواد

كنت خايفه منها الترم الاول بسبب تشجيعه ليا

بجد بعد الله يسامحك علي المناكفه ربنا يكرمك ان شاء الله احسن كرم علي التشجيع والنصيحه

أفضل موضوع علي الاطلاق قرأتيه في هذا المنتدي

افضل موضوع هو غالبا مواضيع ايزيس و اوزوريس

بتبفي مميزه بالنسبه ليا

لان بيبقي كلها مشاعر حلوه بجد وبتبقي مشوقه في قرايتها

وبتقراها وانت حاسس بمواضيع كتير فيها وبتبقي بتقول انا اللي باتكلم هنا

ولو اتغيرت حالتك بتلاقي موضوع –قبل منع المواضيع الحزينه- ممكن من بتوع زمان كمان بيعبر عن حالتلك

بيفكرني باغاني عمرو دياب – اللي هتلاقي اللي يناسبك في اي حاله انت بتعشها-

اما بخصوص افضل موضوع

هو للاسف مش لاقياه –مش هو اتحذف ولا ايه –

عموما انا هاقولكم علياه يمكن تكونو فاكرينه

هو موضوع " تعالي ... تعالي " او اسم مشابه لكده لانه كان من زمان

ومش لاقياه دلوقتي هو موضوع بتاع بيكهام

هو كان في ايزيس و اوزوريس برضه

هو بجد موضوع عجبني اوووي لانه كان جي في وقته بالنسبه ليا

لاني كنت كاتبه موضوع بخط ايدي ومجهودي الشخصي والله

اليوم اللي قابله كان اسمه "ليه ؟؟؟؟" باين او حاجه زي كده

معلش يا جماعه زهايمر الامتحانات بقي المهم ده كنت منزلاه برضه في ايزيس و اوزوريس

وبجد لما نزل احمد موضوه بعدها بيوم عجبني اووووي موضوعه لان اللي كان يقرا

الموضوعين ورا بعض كان يحس انهم رد لبعض

بس والله جت صدفه من غير اتفاق ولا حاجه هههههههههه

بس بجد ده كان من اكتر مواضيع المنتدي عجبني خصوصا اني حسيت انه عمل كونكت مع

موضوعي يعني حاجه حلوه اوووي انه تحس ان في موضوع رادد علي موضوعك

طبعا هو ممكن ميكنش حد اخد باله وانا مش باقصد بكلامي ده حاجه

بس انا اخدت بالي واللي لفت نظري اني كنت بقرا موضوعي وبعدين قريت التاني

وموضوع " تعلمت من كل شئ " حاسه ان كلامه محسوس اوووي وقريب مني

رأيك في المنتدي بصراحة؟
بصراحه انا راي قولته في موضوع هاااااااام لماذا تحول المنتدي

وده كان رايي لما رجعت للمنتدي بعد غيبه الامتحانات مش قبله

بس في حاجه في المنتدي بصراحه نرفزتني اول ما رجعت وقريتها

وهي انه ممنوع ننزل مواضيع حزن

واظن ده لو دل يدل علي عدم ترابط اعضاء المنتدي وديه حاجه غريبه علي المنتدي

يعني الصح والمطلوب اننا في الفرح ننزل مواضيع ونشكر بعض

وفي الحزن كل واحد يقفل علي نفسه ومش لازم نشارك بعض

عن نفسي اوعدكم اني لما ابقي حزينه مش هادخل المنتدي

غير الموضوع ده بجد اول ما دخلت المنتدي في اجازه نصف السنه حسيت انه

مميز و في حاجه رابطه بجد بين اعضاءه غير انهم في منتدي واحد كنت حاسه انه فعلا

بيت واحد واسره واحده

وانا نزلت الموضوع بتاعي خصوصا علشان الصوره ديه متتهزش في نظري

لاني بجد يهمني افضل محافظه علي صداقه اعضاء كتييييير اوووي هنا

وبجد اللي في المنتدي هنا ومش في اي منتدي تاني ان اغلب اعضاءه يعرفو بعض

واصحاب كمان علي ارض الواقع

وديه حاجه بجد اشكر البروف عليها لاني كنت ملاحظه في الكليه انه كان السبب الرئيسي

في اننا كلنا نعرف بعض علي ارض الواقع او زي ما بيقولو كان هو العامل المشترك بينا كلنا

وهو اللي عرفنا ببعض

وبجد ديه حاجه اشكره عليها لاني اعرف مديرين مواقع تانيه مقدروش يعملوها

وغير كده ان هنا كلنا نفس المجال ونفس الكليه غير مواقع تانيه الخاصه بالدراسهبيبقي كذا كليه مع بعض و بيبقي صعب ان يكون اعضاءه مرتبطين ببعض زي هنا
وديه بجد من اكتر العوامل اللي جذبتني للمنتدي بسرعه

وبكده يكون خلص الجزء القبل الخير من الاجابات
فاضل تاني سؤال
وان شاء الله اول ما اخلصه هانزله علي طول
وبجد انا مش قصدي برايي اي حاجه والله
وبجد كلكم اعضاء ليكم كل تقدير واحترام عندي
واختلاف الراي لا يفسد للود قضيه طبعا

عضو توقيعه روعه..
ايهاب والبروف

الكلام اللي بيكتبوه في التوقيع بتاعهم بيبقي في حالات كتير

متوافق مع حالتي النفسيه و في ميعاده

عضو دمه خفيف
ايهاب

شكرا يا لمياء علي كلامك الجميل دا
و خليكي انتي كدة اهربي و أجلي الاجابة عن أول قسم من الاسئلة

بس حتروحي فين؟

وراكي وراكي

اجلا ام عاجلا هتجاوبيهم

ها ها ها ها
ضحكات متقطعة شريرة
Twisted Evil

we malo

بيعجبنى فى اجابتك وضوحها وحسه انك مش بتجاملى حد ودى حاجة جميلة يا لمياء
شكرا على اجاباتك الجميلة دى
وبانتظار الجزء الاخير ان شاء الله
ربنا يوفقك

ميرسييييييي كتييييييير لكل الاعضاء اللي ردوا علي
اجاباتي
وانا دلوقتي هانزل القسم الاخير و الباقي في الاجابات

-تكلمي عن الاعضاء الاتيه من وجهه نظرك

بجد يا جماعه انا فعلا باحترم كل الاعضاء و بقدرهم وليهم معزه خاصه عندي

وياريت محدش يزعل من رايي ديه مجرد وجهه نظر واختلاف الراي لا يفسد للود قضيه

صبري

بجد ونعم الاخ و بجد انا بيعجبني اووي الشخصيات اللي فيها صفات البروف بجد

لانه بيفكرني دايما ب قرايبي اللي هما اخواتي كمان حتي في العصبيه و الزعل

بجد شخصيه البروف بجد من الشخصيات اللي ليها كل احترام وتقدير عندي

و بجد البروف من اول الناس اللي عرفتهم في الكليه كلها و بجد مشفتش منه غير كل خير

وانا شايفه انه شخصيه تتميز بالطموح و من وجهه نظري الجزء الغامض في شخصيته

ديه من اكتر مميزاته خصوصا اذا كان غامض مع ناس معينه و كتاب مفتوح مع البعض الاخر

- وده انا مقدرش اخمنه اذا موجود في شخصيته فعلا ولا لا –

بس بجد البروف من الناس اللي اتمني اني افضل صديقه ليهم واخد رايهم في حاجات كتير

بس للاسف

مش عارفه هل ممكن بعد المشكله اللي حصلت ولا لا ؟؟

وانا بجد باعتزر للبروف علي سوء التفاهم اللي حصل قدام الكل

وعلي عدم مواجهتي للموقف ف ارض الواقع زي ما بيقولو – لاني مش اخده علي المواقف

ديه للاسف واني مش باعرف اتصرف فيها كويس لان ممكن رد فعلي يتفهم غلط-

علشان كده فضلت اني اسيب الموضوع يومين لغايه ما الامور تهدي شويه

وده فعلا اللي حصل واتمني ان البروف يكون قبل اعتزار

والصفات اللي شايفاها في البروف

قيادي – عملي – طموح- عصبي او زعله صعب- صديق بجد – شخصيه صعب فهمها ( للي البروف مش عاوزه يفهمه )

يعني بجد في كلمه اقدر اقول راجل بجد يعتمد عليه

ربنا يباركله بجد

رشا

للاسف مسمحتش الظروف اني اتعرف عليها عن قرب علي ارض الواقع

بس بجد اللي اقدر اقوله من ردودها

انها بنوته عسوله اووووي ورقيقه و هاديه و بتعرف توزن الامور بحكمه وتتصرف في الموقف

صح يعني ممكن تاخد منها النصيحه وانت مطمن

وبجد هي من الاعضاء اللي لازم لمستهم في المنتدي

بيكهام

بيكهام باشا

ممكن اخد بيكهام من كذا جانب وممكن نطول شويه في شخصيته لانه من اكتر الاعضاء كنت اعرفه هنا

في المنتدي اول ما دخلت

ونقسم بيكهام لاتنين بيكهام اللي في المنتدي و احمد اللي في الكليه

لاني شايفه ان في اختلاف بين الشخصيتين – وده انا قولتهاله في الكليه –

نتكلم الاول علي بيكهام العضو في المنتدي – لان ده اول واحد اتعرفت عليه قبل احمد اللي في الكليه-

بيكهام بجد شخصيه حاسه انها ملتزمه جدا و صاحب صاحبه اوووووي و ممكن يفضل صاحبه علي نفسه و مثقف و بيعرف يوزن الامور بجد و جدع جداااااااا و بجد ممكن يدي من غير ما يستني مقابل

وده لان حصل موقف كده ايام امتحاناتي بتاعت الترم الاول وبجد انا باشكره عليه ومش هنساه

وكان في ماده علم الاجتماع – اكيد فاكر- ( انا الماده ديه بجد مكنتش فتحتها خالص طول السنه وده حال الكل مش انا بس المهم كانت ليله الامتحان وكانت الساعه 9 ونص 10 كده وبجد كنت فقدت الامل وقولت انا شايلاها ف مش هذاكرها ولما قولتله لاني فتحت المنتدي علي امل مفيش مذاكره بجد لاقيت منه كل تشجيع انه ادخل اذاكرها رغم اني مكنتش فاهمه من كلامها حاجه و حسسني انها ماده سهله و انه هجيب فيها تقدير باذن الله وفعلا قومت وذاكرت الماده ديه في ساعتين ونص تلات ساعات وفعلا الحمد لله ربنا اكرمني فيها

وجبت فيها 74 ) وبجد انا باشكره علي موقفه معايا وده ان دل يدل علي انه بجد شخصيه خدومه جداااا

وخصوصا انه كان لسه ميعرفنيش وكنت لسه في بدايات دخولي وتعرفي عليكم علشان كده بيكهام هو من اول الناس اللي عرفتهم واللي كنت ممكن ادبسه في اي موضوع وعارفه انه مش هيزعل من تصرفي علي

غير اعضاء تانيه مكنتش لسه اخدت عليهم

وبجد انا احب اشكر بيكهام هنا قدام الكل علي كل نصيحه وموقف كان واقف جنبي فيه

ننتقل لشخصيه احمد اللي في الكليه

بصراحه انا اول ما شوفت احمد في الكليه حسيت انه مختلف خالص عن شخصيه بيكهام اللي كنت متوقعاها

وده بجد قولتهوله بس هو برر ده علي انه بيعرف يعبر اكتر من الكلام

بس انا حاسه او شايفه انه لا

انا شايفه انه ممكن يكون في الكتابه او علي المنتدي بيقدر يوزن الكلام بجد قبل كتابته يعني بيعرف عايز يكتب ايه و ايه اللي ممكن يزعل حد و ايه اللي يمسحه ومش يكتبه

اما علي الطبيعه ف هو بيقول الكلام اللي علي سجيته علي طول مش بيلحق يفكر في كلامه كويس

وده انا حسيته او اخدت بالي لو عملت مناقشه طويله مع احمد علي الطبيعه ف علشان كده قولت هما

شخصيتين مختلفتين ( بس ده مش عيب فيه لان كتييير مننا لما بيكتب بيبقي بيركز اكتر في كل حاجه بيقولها بس برده مش في كل الاوقات)

لكن المشكله بقي اني حسيت في احمد علي الطبيعه ومن الكام مره اللي قعدت فيهم معاه

انه بيحب دايما يعرفنا انه مثقف ( ده ممكن يكون عادي ومن حقه لكن من وجهه نظري انا شايفه انه زياده شويه لاني اصلا بكره القرايه و خصوصا ان كلنا عارفين من قبل كده ان احمد مثقف وربنا بياركله)

الي جانب ده حاسه انه ممكن يكون عنده حب حسن الظهور في الصوره ( وده لاحظته في كذا موقف لما كان بيحكي عنهم وكان بيجيب سيرة دوره كذا مره في الموقف )

واللي اكتشفته لما نزل علي الكرسي انه مجامل لابعد درجه وده من وجهه نظري

وانا قولت الصفه ديه في جانب احمد علي الرغم من انها المفروض تكون في جانب بيكهام لانها خاصه بالمنتدي بس بجد الاجابات لما حسيت بمجامله وانه مش عايز يزعل حد حتي في توزيع الورد ابسط حاجه وديه قولتهاله في الكليه وضحى كانت واقفه معانا ساعتها

علشان كده قولت احمد لاني كنت متوقعه من بيكهام انه يقول اجابات غير ديه_( وديه طبعا حريه شخصيه هو حر فيها انا بس بقول وجهه نظري)_

وعلي فكره ده مش عيب فيه لان اكيييييد في كتير مننا كده وبيبقي الواحد مش واخد باله انه كده اللي بيلاحظ ده اللي قاعدين معاه مش هو

ووالله يا احمد انا مش سوسه ولا ذكيه ومخبيه عليكو او مش عارفه اني ذكيه

بس ممكن زي ما قولت " ان قمه الذكاء غباء " ووالله مش غباء هنا كلمه وحشه او معناها الحرفي

لكن بمعناها المعنوي يعني ممكن من قمه الذكاء غيرك يعرف انت تقصد ايه من كل اللف والدوران اللي انت بتعمله بسهوله وعلي فكره شرح الجمله مش معناها شرح شخصيتك ده شرح الجمله بس

بس احلي حاجه بجد انه الجانب العاطفي في بيكهام هو هو اللي في احمد وده يمكن احسن عامل مشترك بين الاتنين

وبجد ارجو منه انه مش يزعل من اني قسمت الشخصيه

علي فكره ديه حاجه انا باعملها حتي مع قرايبي ساعات لما باوصفهم

سارة

حبيبه قلبي ساره بجد اقدر اقول انها اختي اللي مش من بابا وماما

يعني بجد هي الاخت غير الشقيقه ساره بجد حد نقي جدا وحبوب جدا و طيب اووووي

وهي بجد من احسن البنات اللي عرفتهم في الكليه وهي من البنات القليله اوووي اللي فتحتلهم قلبي

بكل سهوله و صراحه وده لانها بجد نقدر نقول بير كبير كاتم للاسرار كلها وبجد هي تؤم الروح اللي تحس بيكي وتتاثر بكل مشاكلك ومشاعرك وتفرح لفرحك وتزعل لزعلك وده بجد بيدل علي بنت جدعه و صديقه رائعه و تمتلك احساس وعاطفه وطيبه قلب مش في بنات كتيييير في زمنا

بجد ربنا يبارلك يا حبيبه قلبي يااااااااارب و نسمع عنك كل خير وفرح باذن الله

ده غير بقي ساره لما تتعصب انا سمعت عن العصبيه ديه – بس الحمد لله مش طلعت عليا او لما كانت هتتعصب عليا كانت بتقولي امشي ههههههه-

بس اللي انا متاكده منه ان قلبها الطيب يخلي عصبيتها عصبيه متجرحش حد ولا تجرح مشاعر حد

ده غير انها عضوه مميزه و من غيرها المنتدي اكيييييييد يتاثر بيغيابها علشان كده بقولها وحشتينييييييييييييييييييييييييييييييييييييييييي

وبجد لو عندك سر او مشكله او مضايق او فرحان ف ساره هي العنوان

اية

ايه بجد من البنات اللي بتعجبني حاجات كتيييييير في شخصيتها في انها ممكن تبان متماسكه جدا قدام الغريب

- الغريب هنا يعني ممكن اللي اول مره تشوفه او الاولاد- وده بجد حاجه عجباني اوووي في شخصيتها –

وميزه لازم تكون في شخصيه البنت و بجد هي شخصيه جدعه جدا و صاحبه صاحبتها اووووي

وخي بجد من الشخصيات اللي باحس انها مش بتسكت علي حقها و لا بتعدي اي رد او كلمه بسهوله

وبتعرف تاخد حقها كويس اوووي ومش بتخاف من اللي قدامها يعني لو ليها حق بتاخده حتي لو في بيت السبع زي ما بيقولو

وهي بجد عضوه مواضيعها بتتمز بطابع خاص لانها بتعرف تنزل الموضوع امتي و انهو موضوع بالضبط

وده بيدل علي انها بنوته ذكيه

يعني بجد ايه = بنوته عسوله ذكيه حبوبه طيوبه صدوقه

وفعلا حاسه انها ممكن تدافع عن صديقاتها بنفس القوه اللي ممكن تدافع بيها عن حقها

يعني لو واقع في مشكله ومش عارف تحلها ف ايه هي اللي تروحلها

ضحي

ضحي من الناس اللي جذبتني شخصيتها في المنتدي قبل ما اشوفها لالتزاماها دينيا و اخلاقيا وكنت متشوقه اني اشوف الشخصيه الرائعه ديه علي الطبيعه – ولو ان هي اللي اتعرفت عليا في الطبيعه –

وده ان دل يدل علي ان فيها طيبه وصدق نيه نادرين اووووي في زمنا ده

وبجد بيعجبني اوووي في ضحى رايها اللي بجد بيبقي نابع عن صدق واللي ممكن تاخد منها النصيحه وتنفزها علي طول لاني حاسه انها قبل ما تديك النصيحه بتحط نفسها في مكانك

وده اللي بيخلي اراءها تعجبني اوووي وباكن لها كل الاحترام

وبجد ضحى من الشخصيات اللي تجبرك علي احترامها وعلي انك تبقي حريص علي انك تحافظ علي صداقتها

وياااااااااااااارب تفضل فاكراني ونفضل علي اتصال دايما يارب باذن الله

ترنيم

ترنيم من الناس اللي جذبت الكل من اول طريقه دخولها وتعرفها علينا ومن اول موضوع عملته

و للاسف مش قابلتاه علي ارض الواقع

بس اللي اقدر اخمنه في شخصيتها انه ذكيه و بتحب التحدي ومش بتسكت علي حقها ولا بتتنازل عن موقفها

و رايها بسهوله ومش بتآمن لحد ولا تسلمه دماغها بسهوله مطلقا

وبجد حاسه انه من ردودها وعدم سكوتها علي حقها انها فيها شبه كتيييييييير مني خصوصا انه بيكون اكتر

التحديات مع اعضاء المنتدي الذكور وده الاختلاف انه خناقاتي بتبقي مع قرايبي الولاد لكن عرفت سببه

من اجاباتها لما نزلت علي الكرسي وطلع السبب فعلا زي ما توقعت انها ااخر العنقود و انه فعلا اخوها الكبير

كان اقرب صديق ليها ربنا ياااارب يخليكو لبعض

وده اللي اكدلي شكي في تشابه الشخصيه في الاخد بالطار

ده غير بقي المقالب وانتو ادري في ده

فاطمة

فاطمه بجد من اول ما عرفتها في الكليه قبل المنتدي

وانا حاسه انها بنوته رقيقه جدا وطيبه جدا

وبجد اللي يشوف فاطمه في تعاملها معاه لاول مره يفتكر انها شخصيه جاده جدا غير لما يعرفها بجد

ويقرب منها هيعرف اد ايه هي حبوبه و محترمه و جدعه جدااااااا و اخت بمعني الكلمه

وبجد ده ميزه في البنت انها لازم تكون جاده مع الغريب و حبوبه ومرحه مع القريب

وديه بجد ميزه ربنا يباركلك فيها ياااااااااارب

واللي الكل يتفق عليه اد ايه فاطمه حساسه وبتتاثر بسرعه

وبجد انتي عمله نادره جداااااا دلوقتي

عادل

عادل بجد من الشخصيات اللي لفتت نظري في المنتدي اول ما دخلت و لفتته اكتر لما قابلته علي الطبيعه

رغم اني مكنتش باشوفه كتير ولا بيدخل دلوقتي كتير بس بجد من الكام مره اللي قابلته فيهم

اقدر اقول ان عادل شخصيه مرحه جداا و محترم جدا و بيتقي ربنا في معاملته مع زميلاته في الكليه

وهو بجد شخصيه مش ممكن تستغني عنها او تزهق منها

كازانوفا

بصراحه معرفش مين كازانوفا

بس هو لو احمد حسن فهو موجود اسم احمد حسن ولو بيكهام ف برده موجود اسم بيكهام

اما لو شخص تاني يقولي اسمه الحقيقي ايه وانا لو اعرفه اكييد هاكتب اسمه وانزل وجهه نظري ولو معرفهوش بجد بلييييييييز مش يزعل مني بس انا حاسه انه يا احمد حسن يا بيكهام

احمد حسن

احمد حسن بجد من الشخصيات اللي بيفركني بواحد قريبي علي طول يناكف فيا

بس للاسف انا مش باخد علي الناس بسرعه ومش باتقبل الهزار الكتير ف ممكن يكون

ردوده بتنرفزني و بتعصبني جدا خصوصا اني باحب احط لنفسي حدود مع الزمايل اللي بره عيلتي

علشان كده يمكن كنت باقفش لو رد رد مش فاهمه معناه او هو يقصد بيه ايه

لكن غير كده اقدر اقول انه شخصيه بتعرف ازاي تكسب حب الناس وتاخد عليهم بسرعه

خصوصا انه كسب صداقة اغلب الاعضاء رغم انه في كليه مختلفه

وانه شخصيه عندها كبرياء وكرامه بجد بيعرف يحافظ عليهم ومش بيرضي حد انه يجرحه بكلمه

او انه يقلل من شأنه وديه حاجه بجد احيه عليها لانها مهمه اوووي في شخصيه الولد

وبجد احنا اسفين اننا بدأنا الكرسي في غيابك وربنا معاك في الامتحانات يااااااااااارب

ويكرمك باذن الله

والله حسيته من معاملتك مع الناس في الطبيعه انك طيب اوووي وقلبك ابيض ومش بتعرف تزعل

من حد ولا تشيل منه

ف ياريت مش تزعل من كلامي ولا تزعل اننا فتحنا اللعبه وكلملنا الكرسي لاني متاكده انك هتقدر

ده وهتقدر اننا كلنا سياحه وخلصنا

وانت كده مش هيكون فاتك حاجه خصوصا انه مع قرار تحديد الاسئله

وانه اللي اختار بس هو اللي يسئل يبقي انت من حققك تختار عضو نزل قبل كده

واحنا في انتظارك لما تخلص امتحاناتك باذن الله

بسنت

بوسي بجد بنوته رقيقه و عسوله اوووي

وبرضه للاسف مش قابلتها علي الطبيعه بس باذن الله ربنا يسهل ونتقابل

وبجد هي من الشخصيات اللي تحب تفتحلها قلبك علي طول اول ما تعرفها

وبجد هي صديقه بمعني الكلمه وده اللي حسيته من كذا موقف منها

و تحسي فيها بالرومانسيه و للاسف بجزء من الحزن اللي مستحيل حد يدخله ويعرف

اسراره بس بجد هي حد لما بيدي بيدي كتييييييير ومش بيستنا حتي القليل

وبيفرح لفرح الغير حتي لو كان قلبه بيبكي من الحزن

وديه صفه تدل علي طهاره قلب وصفاء نيه في بنوته تحمل كل معاني الاخلاق

والاحترام والتقدير للغير

وهي بجد من الشخصيات اللي لازم الواحد يكن لها كل الاحترام والتقدير

ايمان

اوشين
بجد من البنات اللي كسبت صداقتهم اول ما عرفتها
وهي بجد شخصيه رقيقه جدا و رومانسيه جدااااا
وبجد بتاخد علي الناس بسرعه و بحسن نيه و بصدق و بجد هي حساسه جدا و محبوبه

من كل اللي حواليها وبجد تستاهل كل الحب ده
وربنا ياااااااااااااارب يقدملها كل خير باذن الله في حياتها

اودي

اودي بجد من الشخصيات اللي تاخد عليها بسرعه ومش تندم ابدا علي صداقتهم

وبجد هو من اكتر الشخصيات اللي احترمتهم واخد عليهم بسرعه في حياتي

وممكن من تاني مره تشوفه تحس انك تعرفه من زمان والاحسن من الاحساس ده

ان هو مش بيحرجك ومن طريقته معاك فعلا بيحسسك بالاحساس ده

وبجد ربنا ياااااااااااارب معاه في امتحاناته يارب

وبجد تحس انه انسان عل طبيعته طول الوقت وده اللي بيخليه قريب من الكل

وبجد هو من غير ما تقرب منه تحس انه شخصيه كامله الاوصاف

وانه بجد بيعرف يحترم ويحافظ علي الناس اللي معاه

ايمي

(ايمي هي ايمان اللي معايا في سنه اولي)

بجد بنوته دلوعه و حبوبه ومحبوبه من كل اللي حواليها و تاخد علي الناس بسرعه

واللي في قلبها علي لسانها

وبجد هي بنوته لايق عليها الدلع اوووي

ادهم

من الشخصيات اللي باخد الحذر الشديد وانا بارد علي ردودهم (لنفس الاسباب بتاعت احمد حسن)

واللي بجد باخد الهزار علي محمل الجد وده يمكن لانه بياخد علي الناس بسرعه وبيبقي الهزار علي

طول

بس بجد ساعات باحس في مواقفه في بعض الردود انه عقلاني جدا

وانه بجد ساعة الجد بميت راجل زي ما بيقولو

وبجد الشخصيه ديه بتعجبني انه يبقي بيحب الهزار وراجل وقت الجد

بس للاسف انا مش باعرف افرق بين الهزار والريقه ف باخد كل الكلام علي محمل الجد

ولو ان ردوده وهزاره بيعجبني وبيشدني ساعات كتييييييير الي اني ارد علي االهزار واعدي بعض المواقف

اللي ممكن تتعدي وباحس انها بجد هزار

يعني بجد اقدر اقول انه بيبقي هزار بعقلانيه

ده غير انه راجل بجد زي ما قولت وده لاحظته علي الطبيعه لما كنت باشوفه و باشوف تصرفاته مع زمايله

ومما لا شك فيه طبعا انه ممثل رائع

عبد القوي

عبد القوي من الشخصيات اللي للاسف متعاملتش معاها علي ارض الواقع

بس من كلامه في موضوعاته حاسه انه مثقف وبيعرف يكتب الكلمه و الجمله في مكانها

وحاسيت بصراحته من اول اجاباته علي الكرسي

و ده ان دل بيدل علي انه راجل منذ الصغر زي ما بيقولو

ده غير انه شهم جدا وده لاحظته في موقف حصل قدامي لاني اعرفه شكلا بس للاسف

محمد الفيومي

محمد باشا

محمد بجد من الناس اللي مشفتش منهم غير كل خير وبجد هو من اخ من اخواتي اللي عرفتهم

هنا في المنتدي وبجد هو انسان نظيف اوووي من جواه وبجد اللي يعرفه بجد يعرف انه شخصيه

بجد صعب انك تلاقي زيها في زمنا ده

وهو بجد اسان مرح و طموح و راجل بجد

وبجد ربنا يااااااااااااااااارب يباركلك في كل اللي انت ناوي عليه يااااااااارب و يقدملك كل خير

ومش تبقي تغيب عننا كده

وللاسف برضه هو من الاعضاء اللي مش قابلتهم علي ارض الواقع

سكاي

سكاي بجد من ساعه ما شوفته وانا حاسه انه مثقف ومحترم و بجد يعرف ربنا كويس

وجد و حد بجد طموح ربنا ياااااااااارب يقدمله كل خير و يكرمه احسن كرم باذن الله

وده لاني شوفته مره اول السنه قبل ما اعرفه هنا في المنتدي

وبجد ان شاء الله ليه مستقبل باهر باذن الله هيوصله بتصميمه وطموحه اللي اتمني انه

ميفقدش اي امل في تحقيقه تحت اي ظرف

مادو

مادو بجد هو اول واحد عرفته في الكليه كلها من المنتدي التاني ولكن للاسف

معرفتهوش علي ارض الواقع الا عن طريق المنتدي هنا

وبجد من اول ما عرفته وهو حببني في الكليه اكتر ما انا كنت حباها

ومش قلقنا خالص من الانتر فيو ولا من الدراسه وبجد ربنا يااااااارب يجازيه كل خير علي

اللي عمله معانا في اول السنه

وبجد لما عرفته علي الطبيعه لاحظت انه بجد شخصيه مره وقت المرح و جد جدااا وقت الجد والشغل

وديه حاجه حلوه اووووي في الشاب انه يكون بيعرف يفصل بين العمل والدراسه والمرحوربنا ياااااااااااارب يوفقه هو و فريق الكورال

سالي

سالي برضه للاسف من الناس اللي مقربتش منهم علي ارض الواقع اوووي

لكن اللي حاسه انه بنوته طيوبه اوووي و حلوه اوووي من جوه وبتفرح لفرح الكل

وحساسه وعاطفيه وربنا يااااااااارب يقدملها كل خير باذن الله

و اخيرا العبد لله

واخيرا وليس اخرا

ايهاب باشا طبعا

بجد انت من الشخصيات اللي بتعرف تقول وجهه نظرك بكل سلاسه و بتتقبل الحوار

وبجد جميع الحوارات والمناقشات اللي دارت بينا ان دلت علي شئ تدل علي انك

بجد تقدر اللي قدامك و بتتفهم وجهه نظره و بتعرض وجهه نظرك وبتتقبل راي الغير

وبتتناقش بكل هدوء واحترام

حتي هزارك بيبقي في ميعاده اي بيقي في وقت الهزار و مواضيع الهزار هزار والجد جد

وديه حاجه بتدل علي انك بتحب المرح و بتتمتع بفكر متفتح

وبجد الصفات ديه نادره في زمننا انه يكون الولد مستعد للنقاش بتفتح وعدم انحيازيه

حتي لقضايا المرأه

وبجد بيعجبني اوووي طريقتك في التعبير عن وجهه نظرك وعرضك لمواضيعك

يعني بجد انا من غير ما اعرفك شخصيا

حاسه انك بجد شخص مرح و محترم و متفتح ذهنينا و ملتزم و راجل بمعني الكلمه

ومش عارفه بقي بس طريقتك في المناقشه بتحسسني انك مش بتتعصب بسرعه يعني

ممكن تاخد وتدي في الحوار بدون تعصب وانك ممكن تفهم وجهه نظر الغير

و تعرض وجهه نظرك وتتناقش بكل حضاريه و سلاسه

وده للاسف علشان احكم عليها لازم اكون عرفتك وجها لوجهه

لكن لو بجد الصفه ديه فيك ف بجد انت تخاف علي نفسك كده لانك بجد هتبقي من الشخصيات النادره

وبعدين لو انا مدافعه عن حقوق المرأه ف انت طلعت مؤسس جمعيه يا رجال العالم اتحدوا هههههههه

ومعلش هاضيف اسم
عمرو عرابي
بجد من الشخصيات اللي بجد كسبت كتيييييييير لما اتعرفت عليهم
وهو بجد ونعم الاخ والصديق والزميل وراجل جداااا في جميع المواقف اللي تقصده فيها
وبجد صاحب صاحبه جدا
وبجد عنده حس فكاهي ربنا انعم عليه بيه بيخلي الناس تاخد عليه بسرعه
وهو بجد شخصيه محترمه جدا و راجل اوووي
بس بيتاخر شويه علي محاضراته وده اللي لاخظتها فيه
و فيه جزء في شخصيته غامض لبعض الناس لانه مش بيبقي كتاب مفتوح لكل الناس الا اللي هو عايز يكون كتاب مفتوح قدامهم لكن بحسه الفكاهي واخده علي الناس بسرعه يخلي الناس تفتكر انها قربت منه وفهمته لكن هو بيقرب اللي عايز يقربه وديه ميزه حلوه اوووي في الرجل علي فكره
وده مش يقين ولكن احساسي
وبجد هو شخصيه مميزه بجد

و في النهاية..كلمة بتوجيها لاعضاء المنتدي....

بجد نفسي محدش يزعل مني خالص من الاعضاء لو كانت اجابتي زعلته

انا فعلا باحترم الاعضاء كلها واظن ان اختلاف الراي لا يفسد للود قضيه

و كلمة بتوجيها للعبد لله؟

بجد ميرسي انك نزلتني علي الكرسي

وفعلا كان انتقام لذيذ

وياااااااااااارب متكنش زعلت مني في اي اجابه

ومكنش طولت او رخمت علي الكرسي

(طبعا غير حسبي الله و نعم الوكيل عشان حجم الاسئلة)

لا متقلقش مش باتحسبن علي حد

وبجد كانت اسئله جميله وفتره لذيذه

وبكده ابقي خلصت الاجابات كلها
مع اخر جزء من الاجابات
و ياااااااارب مكنش طولت علي الكرسي او يكون حد
زعل من اي اجابه
وبجد زي ما قولت في الاول اختلاف الراي لا يفسد للود قضيه
وده من وجهه نظري واللي طبعا محتمل او تكون غلط

الله ينور يا لمياء
اللى انا شفته فى اجاباتك انك صريحه اوى ومش مجاملة وواضحه فى الرد على الاجابات
بجد عرفت لمياء اكتر وشفت حاجات مش كنت شايفاها
شكرا ليكى لمياء وكنتى ضيفة سريعه على الكرسي
احب اشكرك على الكلام اللى قلتيه عليا
وفعلا انا كنت عايزة اتعرف عليكى بشده وسالت فاطمه عليكى ويوميها شاورتلى عليكى وجيتلك مخصوص علشان اتعرف عليكى وشفتك هااادية اوى غير ما كنت متوقعاكى فى المنتدى بس لما قعدنا مع بعض اكتر عرفتك اكتر
وان شاء الله نتقابل على طول ويستحيل انساكى بس انا زعلانه منك لانك مش جيتى قعدتى معانا اخر يوم لينا فى الامتحانات بس انا مسمحاكى بجد كنت عايزة اشوفك واسلم عليكى بس اكيد حنشوف بعض كتير
شكرا لمياء

الله ينور يالميا اجابات جميلة جدا
وميرسى اووووى على الكلام اللى انت قولتية عنى

يعني لو واقع في مشكله ومش عارف تحلها ف ايه هي اللي تروحلها
هههههههههههههههههههه
سوبر اية
الله ينور يالولو

بادئ ذي بدء
بحب احييكي جدا علي الاجابات الرائعة جدا اللي بجد بعتبرها من احسن الاجابات اللي اتجاوبت علي الكرسي
اما فيما يخصني
انا فعلا بشكرك جدا علي كل الكلام الرائع ده عني
واشكرك اكتر علي اي تحفظ ابديتيه نحوي

وبخصوص موضوع تقسيمي لسشخصينين ده
فهو اكتر حاجه مفرحاني وده بيدل فعلا علي ذكاءك الشديد
لان مفيش غير 2 بس عالمنتدي ده اتكلموا في الموضوع ده انتي واحده منهم
واسمحيلي اوضح بعض النقط - ده طبعا بعد اذنك - انتي قلتيها عني في رايك ؟\:
نبدا بالتحفظات :
بصراحه انا اول ما شوفت احمد في الكليه حسيت انه مختلف خالص عن شخصيه بيكهام اللي كنت متوقعاها

وده بجد قولتهوله بس هو برر ده علي انه بيعرف يعبر اكتر من الكلام

بس انا حاسه او شايفه انه لا

وجهة نظر تحترم جدا
المشكلة يا لميا ان انا تلقائي شوية في الكلام ومش بفكر وانا بتكلم زي مانتي قلتي :
اما علي الطبيعه ف هو بيقول الكلام اللي علي سجيته علي طول مش بيلحق يفكر في كلامه كويس

وده انا حسيته او اخدت بالي لو عملت مناقشه طويله مع احمد علي الطبيعه
هو ده فعلا
انا وانا بتكلم ممكن كتير قوي اوصل المعلومة للي قدامي بطريقة مش اقصدها او ممكن حد يا خد انطباع مش صح 100 % عني
خصوصا لو هو مش يعرفني كويس
وبالتالي باضطر اقعد احاول من جديد اوصل وجهة نظري بالراحه وممكن توصل وممكن مش توصل
شخصيتين مختلفتين ( بس ده مش عيب فيه لان كتييير مننا لما بيكتب بيبقي بيركز اكتر في كل حاجه بيقولها بس برده مش في كل الاوقات)
متفق معاكي في موضوع انقسام الشخصيات ده
بس ياريت ييجوا علي قد شخصيتين بس
هههههههههههههههههههههه
وانا علي فكرة كنت بتكلم مع ايه الدالي عن موضوع الشخصيات ده
بس بكرر تاني ياريت ييجوا علي قد اتنين او حتي تلاته

لكن المشكله بقي
اه ياني
اني حسيت في احمد علي الطبيعه ومن الكام مره اللي قعدت فيهم معاه

انه بيحب دايما يعرفنا انه مثقف
والله مش كده
رجعنا تاني لمشكلة ان انا مش بعرف اعبرعلي ارض الواقع عن اللي اقصده
انا في طبيعتي وانا بتكلم بحاول اوضح وجهة نظري بمعلومات او حاجات جديده ممكن يكون اللي قدامي ميعرفهاش
ببقي احيانا كتير اقصد ده علشان اقدر اقنع اللي بيناقشني بوجهة نظري واظن ده حق شرعي
لكن عشان مشكلة التعبير دي
ممكن اللي بيسمع او بيراقب الموقف في بعض الاحيان ممكن يحس اني بتمنظر بشوية معلومات عندي
ووالله مش ببقي اقصد كده
وعارفين يا جماعه :
فيه شخصين في المنتدي ممكن يحسوا جدا يالكلام اللي بقوله ده وهم ايهاب وعبد القوي
لانهم بجد شخصيات مثقفه جدا
واكيد في وقت من الاوقات ممكن يواجهوا نفس اللي انا بواجهه دلوقت

ده ممكن يكون عادي ومن حقه لكن من وجهه نظري انا شايفه انه زياده شويه لاني اصلا بكره القرايه
ههههههههههههههههههههههههه
هو ده السبب يا استاذه
بهزر طبعا
بس بجد القراية دي من احلي الحاجات اللي في الدنيا
جربيها ومش هتندمي

الي جانب ده حاسه انه ممكن يكون عنده حب حسن الظهور في الصوره
حلو جدا الاكسبريشن ده
حب حسن الظهور في الصورة
حلو جدا
انا اسمع كتير عن حب الظهور في الصورة
لكن حب حسن الظهور في الصورة ده تعبير جديد
بس ليه لا
اكيد كل انسان بيبقي حريص ان يبقي شكله كويس قدام الناس
اظن دي ميزه مش عيب

واللي اكتشفته لما نزل علي الكرسي انه مجامل لابعد درجه وده من وجهه نظري

والله انا احترت معاكم
ناس تقولي مش بتعرف تجامل
وناس تقولي صريح زياده عن اللزوم
وناس تقول دبلوماسي
وادي راي جديد انضم للقائمة
علي العموم هي وجهات نظر

ده بالنسبه للتحفظات
اما الايجابيات بقي:
بيكهام بجد شخصيه حاسه انها ملتزمه جدا و صاحب صاحبه اوووووي و ممكن يفضل صاحبه علي نفسه و مثقف و بيعرف يوزن الامور بجد و جدع جداااااااا و بجد ممكن يدي من غير ما يستني مقابل

ربنا يكرمك يا رب
بجد مش عارف اقول ايه علي الكلام الحلو ده

وده لان حصل موقف كده ايام امتحاناتي بتاعت الترم الاول وبجد انا باشكره عليه ومش هنساه

وكان في ماده علم الاجتماع – اكيد فاكر- ( انا الماده ديه بجد مكنتش فتحتها خالص طول السنه وده حال الكل مش انا بس المهم كانت ليله الامتحان وكانت الساعه 9 ونص 10 كده وبجد كنت فقدت الامل وقولت انا شايلاها ف مش هذاكرها ولما قولتله لاني فتحت المنتدي علي امل مفيش مذاكره بجد لاقيت منه كل تشجيع انه ادخل اذاكرها رغم اني مكنتش فاهمه من كلامها حاجه و حسسني انها ماده سهله و انه هجيب فيها تقدير باذن الله وفعلا قومت وذاكرت الماده ديه في ساعتين ونص تلات ساعات وفعلا الحمد لله ربنا اكرمني فيها

وجبت فيها 74 ) وبجد انا باشكره علي موقفه معايا وده ان دل يدل علي انه بجد شخصيه خدومه جداااا

وخصوصا انه كان لسه ميعرفنيش وكنت لسه في بدايات دخولي وتعرفي عليكم علشان كده بيكهام هو من اول الناس اللي عرفتهم واللي كنت ممكن ادبسه في اي موضوع وعارفه انه مش هيزعل من تصرفي علي

غير اعضاء تانيه مكنتش لسه اخدت عليهم

لاشكر علي واجب يا لمياء
ده اللي كان اي حد المفروض انه يعمله
انتوا بجد اخواتنا الصغيرين
اللي بنعزكم ونخدمكم بعنينا

وختاما
ميرسي جدا علي الكلام الجميل
وميرسي جدا علي النقد البناء اللي اتمني ان الجميع يحذو حذو لمياء فيه
شكرا جزيلا علي الاجابات المميزه
وربنا يرضي عليكي

ضحي و ايه بجد ميرسيييييي كتيييييييييير علي الكومنات
والله ينور عليكو انتو بجد

بيكهام باشا بجد شكرااااا علي تفهمك و تقبلك
الاجابات والنقد في بعض الحالات
وبجد فعلا عندك حق ووجه نظرك صحيحه وفعلا انت كده
صححت الجزئيات اللي انا فاهماها غلط
وشكراااااااا علي التشجيع والدعم
وهي ديه رده الفعل بجد اللي كنت متوقعاها منك
واللي كنت اتكلمت عنها
ربنا يارب يباركلك ويقدملك كل خير

و اخيرا العبد لله

واخيرا وليس اخرا

ايهاب باشا طبعا

بجد انت من الشخصيات اللي بتعرف تقول وجهه نظرك بكل سلاسه و بتتقبل الحوار

وبجد جميع الحوارات والمناقشات اللي دارت بينا ان دلت علي شئ تدل علي انك

بجد تقدر اللي قدامك و بتتفهم وجهه نظره و بتعرض وجهه نظرك وبتتقبل راي الغير

وبتتناقش بكل هدوء واحترام

حتي هزارك بيبقي في ميعاده اي بيقي في وقت الهزار و مواضيع الهزار هزار والجد جد

وديه حاجه بتدل علي انك بتحب المرح و بتتمتع بفكر متفتح

وبجد الصفات ديه نادره في زمننا انه يكون الولد مستعد للنقاش بتفتح وعدم انحيازيه

حتي لقضايا المرأه

وبجد بيعجبني اوووي طريقتك في التعبير عن وجهه نظرك وعرضك لمواضيعك

يعني بجد انا من غير ما اعرفك شخصيا

حاسه انك بجد شخص مرح و محترم و متفتح ذهنينا و ملتزم و راجل بمعني الكلمه

ومش عارفه بقي بس طريقتك في المناقشه بتحسسني انك مش بتتعصب بسرعه يعني

ممكن تاخد وتدي في الحوار بدون تعصب وانك ممكن تفهم وجهه نظر الغير

و تعرض وجهه نظرك وتتناقش بكل حضاريه و سلاسه

وده للاسف علشان احكم عليها لازم اكون عرفتك وجها لوجهه

لكن لو بجد الصفه ديه فيك ف بجد انت تخاف علي نفسك كده لانك بجد هتبقي من الشخصيات النادره

وبعدين لو انا مدافعه عن حقوق المرأه ف انت طلعت مؤسس جمعيه يا رجال العالم اتحدوا هههههههه

ههههههههههه

من مؤسس جمعية يا رجال العالم اتحدوا
الي رئيسة الجمعية العامة للدفاع عن حقوق المرأة

أولا..وقبل كل شئ

أحب أقولك ان طريقة و اسلوب اجاباتك علي الكرسي من احسن الاجابات و اكثرها سلاسة و منطقية و اقناعا

و كمان أكثرها سرعة...
لأن احنا خلصنا الكرسي بحجم الاسئلة دي في زمن قياسي(يومين و نصف)

و بجد انتي فعلا شخصية ذكية و متميزة و تجيد قراءة الاخرين بطريقة تحسدين عليها

أما بعد
انا مش عارف اقولك ايه بجد علي الكلام الرائع اللي انتي قولتيه عليا دا

انا و الله مش كل دا
انا ابسط من كدة بكتير

انتي و الله اللي شخصية حبوبة و طيبة و بتحب الناس كلها

ربنا يخليكي يا لمياء
و ميرسي اوي علي ذوقك العالي

و نصيحتي ليكي زي بيكهام

القراية من امتع الاشياء في الحياة

جربي.مش حتخسري حاجة

~*كرسى الاعتراف*~

~كرسى الاعتراف~