~كرسى الاعتراف~

تذكير بمساهمة فاتح الموضوع :

لالالالالالالالالالالا
حرام والله
قرعة اية
انت كنت عايز كدة من الاول
طيب والنبى الرحمة عشان عندى امتحانات
وشكرا على الاختيار الفظيع دة

27-احكيلنا علي اكتر موقف محرج حصلك و كنتي نفسك يكون في بحر تحتك عشان تغطسي فيه من كتر الاحراج؟
ياااااااااااااااااه

المشكله اني انا اللي بحرج الناس يعني انا اللي باحطهم في مواقف محرجه

واكتر موقف محرج بجد مش هاقدر احكيه _علشان ليه علاقه بحياتي الشخصيه اوووي _

بس انا دلوقتي فاكره موقفين بجد احرجوني اووووي وفعلا كنت عايزه الدنيا تتشق وتبلعني زي ما بيقولو

1- مره كنت طالعه السلم بتاع بوابه العماره بتاعتنا انا وجارتي اللي ساكنه فوقي وكان في ولاد جرانا _منهم اخو صاحبتي _ وولاد من الشارع ومنهم كانو معايا ف المدرسه

المهم وانا لسه باطلع اول سلمه وقعت حته وقعه علي وشي علي السلالم وكانو كل الولاد دول واقفين

المشكله اني لما دخلت البوابه و قولت لصاحبتي طلعت بره وقالت للولاد مين اللي ضحك لما لمياء وقعت هنا

ضحكوا من كلامها وقالولها مفيش حد ضحك فينا علي لمياء وانا طبعا كنت واقفه في البوابه بموت من الكسوف

2- اما الموقف التاني هو مره كنا في مطروح مع اولاد عمي الولاد

ف كنا مخنوقين اوووي وكانت الساعه 1 او 2 بالليل ف اخدنا العربيه وقولنا نتمشي

المهم انه كان ابن عمي الكبير بيسوق واختي جنبه وانا وابن عمي الصغير كنا قاعدين ورا ( مع العلم ان اولاد عمي الاتنين اكبر مننا في السن )

المهم كنا ماشين بالليل بالعربيه و معلين كاست العربيه علي الاخر مصيف بقي

المهم ومن غير سابق انذار اذ اننا نجد عسكري المرور بيوقف ابن عمي وبيقوله رخصك

ف عطاله الرخص و العسكري سئل ابن عمي مين البنتين دول عليا انا واختي

ف ابن عمي الصغير رد بسرعه وقاله احنا منعرفهمش دول بنتين لسه متعرفين عليهم هنا علي البحر

وقلنا نمشيهم بالعربيه ف وافقوا وركبو معانا

طبعا انا واختي وشنا احمر وجاب كل الوان الطيف وابن عمي الكبير قام مزعق لابن عمي الصغير

و قال للعسكري متسمعش كلامه دول بنات عمنا ونازلين نتمشي عادي ده مصيف

المهم العسكري مقتنعش لان ابن عمي الصغير قاله احنا منعرفهمش دول مش قرايبنا

ف ابن عمي الكبير رد عليه وقاله اتلم بقي لاننا ممكن نروح القسم دلوقتي بسبب كلامك ده

المهم قام قايله لا دول بنات عمنا بجد طبعا العسكري مقتنعش و لحظنا الاسود المقلم باسود ان مفيش حد

فينا كان معاه بطاقه او اثبات شخصيه غير ابن عمي الكبير بس

ف ابن عمي كلم عمو في الموبيل وجه عمو ومعاه البطايق و كلم العسكري

وروحنا بس ايه ابن عمي الصغير اترفع لما روحنا البيت

28-علاقتك بأفراد اسرتك...ايه نظامها؟هو انا مش باحب اي حد يعرف اي حاجه عني

وكاتم اسراري الوحيد هو قريبي و هو الوحيد اللي يعرف مفاتيح لمياء

وكل حاجه عنها

لكن انا مع اسرتي تمام

مفيش حاجه باخبيها علي ماما خالص مهما كانت ولا اختي ولا بابا

يعني انا حياتي في البيت مفتوحه في كل تصرفاتي واصدقائي

لكن الاسرار ف بابا وماما واختي عارفين ان قريبي عارف كل حاجه عني

يعني لو يوم محكتش وكنت مضايقه ماما ممكن تكلم قريبي تسئله انا مالي

كده يعني وعلي فكره الحمد لله ان ديه ميزه انا شايفاها في عيلتنا كلها

يعني الكل صحاب بعض وكاتمين اسرار بعض وده يمكن اللي مخليني

مش ليا اصحاب كتيير بره العيله

ربنا يااااااااااارب يخليهموملي كلهم

29-ايه رأيك في الحب...و هل بتحبي دلوقتي...و هل حبيتي قبل كدة؟
لو اه..كم مرة...و كم مرة من طرف واحد

جينا للسؤال اللي كنت خايفه منه

الحب هو الاوكسجين عندي ييعني هو حياتي و احساسي اني في حبيب بيخاف عليا

وانه ورايا في كل حاجه وانه في حد اقدر اعتمد عليه وارمي عليه كل همومي

احساس رائع بيكون سببه الحب

وطبعا العكس احساسي اني اهم حاجه في حياه شخص و انه لو حصله اي حاجه

انا اول واحده بيجي يحكلها ويضعف قصادها

اظن انه احساس مش ممكن يتقال عليه غير انه الحب الحقيقي

والحب في راي بدام في النور واهلي عارفين كل خطوه فيه وبحدود طبعا

يبقي مستحيييييييييل اعيش من غيره

باحب دلوقتي : اه (بس للاسف طلع مجرد اعجاب و انبهار بالشخصيه)بس

حبيت قبل كده : هي نفس المره ديه يعني مكنش في حب قبل كده
كم مره من طرف واحد : ولا مره ( ولو ان المره ديه بدأت بطرف واحد بس الطرف التاني عرف علي طول )

30-هل لو فعلا أعجبتي بشخص ما...بس هو مش حاسس بالاعجاب دا...و انتي فعلا بتحبيه جدا...هل ممكن تقوليليه بحبك؟لا . طبعا لاني مستحييييييييل احط نفسي في الموقف ده

وممكن احاول ابينله اعجابي ولو حسيت انه مش مهتم يبقي هانساه اكييد ومش هافكر فيه

بس ممكن لو لاقيت اعجاب من ناحيه وانه شخص موثوق فيه واهلي علي علم طبعا

ف انا ممكن اللي ابدأ واقوله بحبك بس اكون متاكده انه معجب بيا علي الاقل وفي بوادر حب حقيقي

لانه ممكن يكون مش بيعرف يعبر عن مشاعره بالكلام ولكن بالفعل

31-كيف تنظرين الي المستقبل..و هل تخافين من المجهول؟
انظر للمستقبل علي انه حاجه حلوه في اخرها بس لازم ها امر بمشاكل علشان اوصلها

و اه طبعا اكيييييييييييييد بخاف وخايفه من المجهول

لاني مش باحب المفاجأت وعلي طول باتوقع الوحش علشان لو حصل

وده اللي بيخلي بعض الناس تقول اني متشائمه

32-عبرة " و " ابتسامه " و " نظرة شفقه " لمن تهديها؟
عبره ديه بمعني نصيحه صح

لو كده يبقي ل 2 قرايبي بنات

ابتسامه ل بابا وماما واختي وكل اللي حواليانظره شفقه لحال مصر وحال شبابها

34-مش عارف عندي احساس ان لمياء بتشتغل في جمعيات حقوق المرأة...ايه رأيك؟هههه
ههههههههههه

هو مش جمعيه حقوق المرأه

بس حاسه ان المراه مش اخده حقها شويه مع الرجل الشرقي

وانه لسه حاسس انه احسن منها وان هي جزء مش كل

بمعني انه لسه في زمنا ده الراجل فاهم ان المرأه ديه كائن ميقدرش يعيش من غيره

مع اني مختلفه معاه في الرأي تماما خصوصا ان دلوقتي هي تقدر تستغني عنه بسهوله مش العكس

وان الراجل مش بيقدر شغلها و ارتباطها ببتها و تربيتها اطفالها و واجبها نحوه

لكن علي طول شايف انها مقصره و انها لازم تعمل كل ده و تكون كمان طيبه وحنينه وتعوض دور الام

وتكون علي طول متفهمه ل عصبيته لو زعق معاها وانها متزعلش ولازم تسامح حتي لو وصل لخيانه

لكن هو مبيعملش غير انه يشتغل بس ....

وحتي في المقابل صعب يبقي رومانسي صعب يخفف عنها حمولها لو عمل كده يبقي بيقفد جزء من رجولته

انما هي لو عملت كل ده يبقي واجب عليها

ونادر لما تلاقي رجل متفهم لحقوق المراه وبيعاملها صح

وعلي فكره هو ده سبب هجوم الشباب والرجال لشخصيه مهند

وانا هنا باتكلم من منظور دنيوي يعني مش دخلت الدين في الموضوعلان لو دخلت الدين يبقي عايزين وقت كبييييييييير

وبكده اكون خلصت الجزء التاني من الاجابات
يااااااااارب اكون عند حسن ظنكم
وان شاء الله كل ما اخلص جزء من الاجابات هانزله علي طول
دعاوتكم معانا

حلو اوي الموقف اللي حصل معاكي دا
و احمدي ربنا ان عمك رد عليكم من الموبايل..و كان موبايله مفتوح
و الا اذا,,,هههههههههههههه

29-ايه رأيك في الحب...و هل بتحبي دلوقتي...و هل حبيتي قبل كدة؟
لو اه..كم مرة...و كم مرة من طرف واحد

جينا للسؤال اللي كنت خايفه منه

الحب هو الاوكسجين عندي ييعني هو حياتي و احساسي اني في حبيب بيخاف عليا

ممممممممم..يا عيني عليك يا أكسجين يا جامد

-مش عارف عندي احساس ان لمياء بتشتغل في جمعيات حقوق المرأة...ايه رأيك؟ههههههههههههههه

هو مش جمعيه حقوق المرأه

بس حاسه ان المراه مش اخده حقها شويه مع الرجل الشرقي

وانه لسه حاسس انه احسن منها وان هي جزء مش كل

بمعني انه لسه في زمنا ده الراجل فاهم ان المرأه ديه كائن ميقدرش يعيش من غيره

مع اني مختلفه معاه في الرأي تماما خصوصا ان دلوقتي هي تقدر تستغني عنه بسهوله مش العكس

وان الراجل مش بيقدر شغلها و ارتباطها ببتها و تربيتها اطفالها و واجبها نحوه

لكن علي طول شايف انها مقصره و انها لازم تعمل كل ده و تكون كمان طيبه وحنينه وتعوض دور الام

وتكون علي طول متفهمه ل عصبيته لو زعق معاها وانها متزعلش ولازم تسامح حتي لو وصل لخيانه

لكن هو مبيعملش غير انه يشتغل بس ....

وحتي في المقابل صعب يبقي رومانسي صعب يخفف عنها حمولها لو عمل كده يبقي بيقفد جزء من رجولته

انما هي لو عملت كل ده يبقي واجب عليها

ونادر لما تلاقي رجل متفهم لحقوق المراه وبيعاملها صح

وعلي فكره هو ده سبب هجوم الشباب والرجال لشخصيه مهند

وانا هنا باتكلم من منظور دنيوي يعني مش دخلت الدين في الموضوعلان لو دخلت الدين يبقي عايزين وقت كبييييييييير

كما توقعت...دا انتي كمان طلعتي رئيسة الجمعية
و مش عارف ليه حاسس اني بتكلم مع والدتي بالضبط

و الله العظيم المفروض في زماننا دا الاية تتعكس
المفروض يبقي في جمعية اسمها حقوق الرجل

قانون الاحوال الشخصية دلوقتي بقي بنسبة 99 في المية بجانب المرأة
و اسألي محامي المنتدي و هو يقولك

دلوقتي الواحدة تتجوز و تخلف عيل حصل طلاق مثلا
الزوج برا الشقة
مع انها بتكون بتاعته و بأسمه(و مشارك علي الأقل بنص الاثاث)
لحد ما الطفل يبلغ 15 سنة

كل دا عشان الأم هي الحاضنة
و هو برا ينام علي الرصيف؟؟؟

شوفي بقي كمان السلاح الخطير اللي مع اي امراة متزوجة

النفقة...و قضية تبديد المنقولات

و كمان العذاب اللي بيشوفه الرجل في قضايا الرؤية و الاطفال

و بعدين مع احترامي لكلامك يا لمياء احكامك علي الرجل عامة اوي و مطلقة

لان في ستات كتير مطلعين عين اجوازهم

و اقري بريد الجمعة و اريد حلا و انتي تعرفي

و راعي كمان ان الرجل بينكسف يكتب عن مشاكله و ينشرها في الجرايد بعكس المرأة

يعني كمان الحالات اللي حتقريها مش معبرة غير عن جزء بسيط جدا عن الواقع

و الله و في رجالة كتير رومانسيين..و بيحبوا زوجاتهم..و بينفذوا اي شئ يطلبوه
(و يا ريته عاجب)
و طبعا برضو في العكس

يبقي هنا مفيش قاعدة عامة في مجتمعنا..بتقول ان المراة مظلومة و لا حاجة

يمكن الكلام دا كان موجود في اواخر التسعينيات و اوائل القرن الحالي قبل التعديلات الهائلة اللي حصلت في قوانين الاحوال الشخصية(و اللي كانت مجحفة للرجل)

هههه
و انتي جاية تقوليلي مهند..........
ههههههههههههههههه
و انتوا فاكرين ان مصر كلها مهند

علي العموم
الله ينور
...شكراااااااااااااا جزيلااااااااااااا
علي الاجابات الرائعة و السرعة في الاداء

منتظرين الجزء الاول من الاجابات
ربنا معاكي

هايل يا لمياء
بجد الله ينور
ردودك واضحه ومش ملتوية
ربنا معاكى فى باقى الاسئلة
ربنا يوفقك يارب
وكان نفسى اشوفك اخر يوم فى الكلية بس اكيد حنتقابل تانى يا لمياء وتبقى اسألى
بانتظار باقى الاجابات

احنا مش قلنا حنتيل نوقف لحد ما اتهبب و اخلص ده الحاجات اللى تخلى الواحد يخرج عن شعورة كده

يا عم حاسب بس علي نفسك
بالراحة...في شوجر منتشر و احنا عايزينك

يا عم احنا بننجز بسرعة زي ما انت شايف...و باقي اجابات جزء صغير و يبقي اسرع كرسي اعتراف في التاريخ

مستنينك ترجع و تنور المنتدي يا ابو حميد

ميرسي كتيييييير علي الردود الجامده ديه
وانا هانزل دلوقتي جزء تاني من الاجابات

6-لو تقدري تكوني شخصية معينة لمدة اسبوع .... تكوني مين ؟؟؟ وليه ؟؟؟
هاكون اوباما .... علشان اقعد في مصر مده اطول يمكن انظفها و اصلح حالها

او اني اكون حد من الصحابه .... علشان اعدل حال شباب مصر يمكن ساعتها نبقي

احسن ونتقدم ويبقي الشاب راجل من صغره يقدر يتحمل مسؤليه زي قياده الجيش

ايام الصحابه ونقدر نمشي بامان في بلدنا

لاني اظن ان الشباب عندهم الاستعداد بس مستنين التوجيهه

وحال باقي البلاد العربيه يمكن نقدر نرجع دوله واحده اسلاميه قويه زي زمان

7-لو قالولك اختاري وزارة تمسكيها لمدة اسبوع ؟؟؟ تختاري وزارة ايه؟ وليه ؟ وهتعملي ايه في الاسبوع ده؟
هامسك رايس الوزراء ..... علشان اقدر اتحكم في كل وزارات مصر و نتقدم للاحسن

لان من وجهه نظري مينفعش تكون في وزاره قويه و الباقي ضعفاء ده مش هيقدي لتقدم

لكن لما كل الوزارات تمشي صح وف مصلحه مصر وشعبها بجد اعتقد اننا ساعتها هنبقي

دوله ليها مكانها وسط العالم واحترامها

شكلك ناوي علي سجني

واول قرار هاخلي وزير السياحه يطالب ب هدم مبني سياحه اسكندريه و يعملنا مبني

نظيف لينا و يكون ب باب و يكون مخصص لسياحه بس

وهانقله من المجمع و هاوديه سموحه علشان يبقي قريب من بيتي اصل الوزراه اسبوع مش هتدوم

8-رأيك في بلدك..عيوبها..مميزاتها...الوسيلة المناسبة عشان تكون دولة متقدمة؟

انا شايفه ان عيب بلدي هو عدم وجود ضمير في شعبها كله بدون استني بصراحه

يعني لو كل واحد بجد يتقي ربنا في عمله هنتصلح ونبقي بلد بجد ليها كيانها

لكن احنا مشين بمبدأ انا ومن بعدي الطوفان

العيوب

قله الضمير

قله الثقافه العامه

قله الاحترام

واخيرا وليس اخرا انعدام الاخلاق ( سواء في الحرم الجامعي او حتي في الشارع المصري)

وده اللي مخلي ان البنت واهلهاا لازم يخافو عليها حتي في طريقها للجامعه ووهي داخل الحرم نفسه

يعني البنت بتبقي نازله في زمنا من بيتها ومش ضامنه انها توصل سليمه لاخر الشارع بتاع بتها حتي

مش انها ترجع بعد ما تروح الكليه

يعني باختصار الشاب المصري بدل ما كان مصدر امان للبنت في الشارع بانه هيخاف عليها زي اخته

بقي مصدر قلق بتدعي ربها في سرها وهي ماشيه شارع فيه ولاد انها تخرج منه سليمه

وللاسف ده حال مصر الان

وده طبعا ميمنعش ان في بنات تستاهل اللي بيحصلها لكن انا شايفه ان البنت ديه لو لاقت الولد

بيصدها وبيحافظ عليها حتي لو هي مش كويسه هتبقي كويسه غصب عنها

لكن مستحيييييييييل يكون العكس بدليل الحوادث اللي بتحصل حتي للمنقبات و كبار السن

المميزات

ان شعبها طيب اوووي يعني علي طول تلاقي اللي راضي بقليله وحامد ربنه

ان ليها موقع و اثار و خيرات بجد لو استغلو صح هنبقي البلد الاولي في العالم من كل شئ

الوسيله المناسبه علشان تكون متقدمه

هو حاجه من اتنين

1- يا يتصلح حال شعبها و الكل يبقي شبعان علشان يقدر يدي بضمير( اكيد فاهمين قصدي)

2- يا يجي طوفان او حاجه تشيل كل الناس العايشه ديه ويجي جيل جديد يعيش ويعمر من جديد ( وده حل انا خايفه منه لاني عاوزه اعيش واكمل تعليمي و اشوف المستقبل )

4-يوم في حياتك من الاول للاخر في الاجازة

يوم ايه بالضبط يعني في المصيف ولا في البيت

بص هو لو في البيت يبقي اغلب الوقت عندنا قرايبنا بيتين عندنا

احنا نقول لو هما قاعدين معانا لان لما بيبقو مش معانا اليوم بيبقي ممل جدا

ف احنا مش بنام يعني بنطبق للصبح يا بنلعب الصراحه يا بنك الحظ يا الشايب

نفضل كده لحد الفجر نصليه و ممكن نتفرج علي فيلم اجنبي ( وطبعا الاختيار بيبقي برأي

الاغلبيه رعب ) ف طبعا بيكون الشروق طلع لاني مستحييييييييل بعد الفيلم انيم حد فيهم

لاني بخاف جدااا ف نستني الشروق ونصلي الصبح و يكن بابا وماما وعمو الناس الكبيره يعني

صحو من النوم هنا بقي يجي دورنا في اننا ندخل ننام

ونصحي قبل العصر اجباري علشان نصلي الظهر وبصراحه ساعات مش بنقدر نقوم و بنجمع الاتنين (الظهر و العصر ) المهم نصحي و بعدين باوامر عليا ناكل وبعدين ننزل بقي نشوف هنروح فين لو الكبار ( بابا وماما و...) رايحين يزورو حد من قرايبنا بنروح معاهم و بعدين بنخرج احنا بنقابل قرايبنا تانين غير اللي بايتين معانا و بنروح السينما و نتفسح ونتعشي بره و طبعا بما ان بيبقي معانا قرايبنا الولاد الاكبر مننا في السن ف وعربيه ف بيبقي مسموح اننا نتاخر شويه حتي لو ممكن مش يبقي معانا العربيه

يعني بنقضيها خروجات و نرجع ناخد شاور ونصلي اللي فاتنا و العشا ونقعد بقي للصبح حكاوي و العاب يعني نكرر اليوم

مع اختلاف بقي في الخروجه او مقالب اللي بنعملها في بعض بالليل و افتكر انه مره ابن عمتي و اختي اتفقو

يخوفوني وعملوا عفاريت بعد ما ابن عمي فرجني علي فيلم رعب انا طبعا بدوري صوت وقلبت الدنيا

ولما عرفت انهم قعدنا نضرب في بعض لحد ما بابا وماما وعمتو والكل حصو واكتشفنا ان الساعه كانت 4 الفجر و طبعا اخدنا دش ساقع منهم

بس الحمد لله الجيران عندنا مش بتشتكي لان اصلا هما كمان بيبقو سهرانين خصوصا انهم يعرفو قرايبي

وفي سنهم حتي الشباب

وده يبقي شبه ايام الاجازه بتاعتي حتي في المصيف لو طلعنا مع بعض

وطبعا بيبقي النت و التليفزيون ملهمش وقت لما بنبقي مع بعض وده اللي بيخلي الايام ممله

ايام الدراسهوياااااااارب مكنش طولت

5-الاهتمامات

الهوايات........مشاهده التليفزيون و القاعده علي النت طبعا

والكلام مع قرايبي ( علي نت – في ارض الواقع – التليفون)

هي ممكن تكون هواياه غريبه بس انا فعلا باحب اقضي اغلب وقتي كله

معاهم باي طريقه من اللي فاتو ومش بنزهق من الكلام خالص

اصل انا بصراحه مليش في قرايه الكتب (انا اصلا مش بقرأ الكتب الدراسه )

مليش طاقه لقرايه كتاب باتخنق منه بسرعه................

اللون المفضل........الاسود او الكحلي.........

المكان المفضل)......المصيف او الرحالات لما بيكونو مع قرايبي او اصحابي...........

المطرب المفضل......عمرو دياب و محمد منير طبعا...........

المطربة المفضلة.........مفيش واحده معينه هو علي حسب الحاله المزاجيه بتاعتي (بس ممكن نقول

دلوقتي شريط جنات الجديد ).............

الاغنية المفضلة...........كتيييير لاني عامله لنفسي اغاني معينه حسب كل حاله

( بس ممكن نقول دلوقتي اكتر اغنيه باشغلها انا دنيته جنات و بخاف منير و سرحت فيك عمرو مصطفي )...............

مطرب اجنبي مفضل....enrique iglesias w masari.....

مطربة اجنبية مفضلة..... shakira w cilene dion..

أغنية احنبية مفضلة...somebody's me , hero ..

الممثل المفضل............عادل امام و احمد عز..............

الممثلة المفضلة...............عبله كامل و منه شلبي.............

الفيلم المفضل......رمضان مبروك ابو العالمين حموده و حسن ومرقص و مسجون ترانزيت.........

الممثل الاجنبي المفضل...orlando bloom , tom cruise , Leonardo dicaprio ...

الممثلة الاجنبية المفضلة.....sandra bullock.......

الفيلم الاجنبي المفضل... titanic ,iam sam.و , twilight......

العطر المفضل.............Rémy..............

المسلسل المفضل............samurai girl.............

القناة التليفزيونية المفضلة.......mbc 2 , mbc max.........

الكتاب المفضل.............القرآن الكريم................

الصديق المفضل .......قريبي.....

الصديقة المفضلة ......ماما و اختي .....

الحيوان المفضل......القطه او الكلب الصغيرين ( علشان بخاف منهم لو كانو كبار

او لو كان بيتقالهم هش ومش بيتهشو ) ...............

الطائر المفضل......العصافير و الحمام....................

وبكده اكون خلصت الجزء ده
وان شاء الله اول ما اجهز الجزء الفاضل هانزله علي طول

-رأيك في بلدك..عيوبها..مميزاتها...الوسيلة المناسبة عشان تكون دولة متقدمة؟

انا شايفه ان عيب بلدي هو عدم وجود ضمير في شعبها كله بدون استني بصراحه

يعني لو كل واحد بجد يتقي ربنا في عمله هنتصلح ونبقي بلد بجد ليها كيانها

لكن احنا مشين بمبدأ انا ومن بعدي الطوفان

العيوب

قله الضمير

قله الثقافه العامه

قله الاحترام

واخيرا وليس اخرا انعدام الاخلاق ( سواء في الحرم الجامعي او حتي في الشارع المصري)

وده اللي مخلي ان البنت واهلهاا لازم يخافو عليها حتي في طريقها للجامعه ووهي داخل الحرم نفسه

يعني البنت بتبقي نازله في زمنا من بيتها ومش ضامنه انها توصل سليمه لاخر الشارع بتاع بتها حتي

مش انها ترجع بعد ما تروح الكليه

يعني باختصار الشاب المصري بدل ما كان مصدر امان للبنت في الشارع بانه هيخاف عليها زي اخته

بقي مصدر قلق بتدعي ربها في سرها وهي ماشيه شارع فيه ولاد انها تخرج منه سليمه

وللاسف ده حال مصر الان

وده طبعا ميمنعش ان في بنات تستاهل اللي بيحصلها لكن انا شايفه ان البنت ديه لو لاقت الولد

بيصدها وبيحافظ عليها حتي لو هي مش كويسه هتبقي كويسه غصب عنها

لكن مستحيييييييييل يكون العكس بدليل الحوادث اللي بتحصل حتي للمنقبات و كبار السن

المميزات

ان شعبها طيب اوووي يعني علي طول تلاقي اللي راضي بقليله وحامد ربنه

ان ليها موقع و اثار و خيرات بجد لو استغلو صح هنبقي البلد الاولي في العالم من كل شئ

الوسيله المناسبه علشان تكون متقدمه

هو حاجه من اتنين

1- يا يتصلح حال شعبها و الكل يبقي شبعان علشان يقدر يدي بضمير( اكيد فاهمين قصدي)

2- يا
يجي طوفان او حاجه تشيل كل الناس العايشه ديه ويجي جيل جديد يعيش ويعمر من
جديد ( وده حل انا خايفه منه لاني عاوزه اعيش واكمل تعليمي و اشوف
المستقبل )

اجابات موفقة كالعادة
و متفق معاكي في كل كلمة قلتيها
و دي تقريبا نفس العيوب اللي شايفها و متفق عليها الجميع

بس مقلتليش اشمعنا اوباما يعني؟
و انتي فاكرة ان اوباما حيصلح العالم؟
معتقدش
و حتي لو دي نيته

البيت الابيض مش حيديله فرصة

و انا حاسس_ لا قدر الله_انه ممكن يتقتل زي جون كيندي

شكرا علي الاجابات
و منتظرين الجزء اللي عمالة تهربي منه

ههههههههه
عارفه قصدك علي الجزء ده
بس هو مش باهرب منه لكن هو عايز وقت كبير في تحليل الشخصيه

واوباما مش علشانه هو لا
علشان مصر نظفو الشوارع اللي هيمشي فيها
يعني اقعد اسبوع الف مصر كلها
علشان يسفلتو الشوارع كلها و يغسلو المجمع زي ما عملو
هي ديه فكره اختياري ل اوباما
اننا نفوق ونهتم ببلدنا ونظفها وننشر فيها الامن

مطرب اجنبي مفضل....enrique iglesias w masari.....

مطربة اجنبية مفضلة..... shakira w cilene dion..

أغنية احنبية مفضلة...somebody's me , hero ..
الممثل الاجنبي المفضل...orlando bloom , tom cruise , Leonardo dicaprio ...

الممثلة الاجنبية المفضلة.....sandra bullock.......

الفيلم الاجنبي المفضل...titanic ,iam sam.و , twilight......

يا لعبك...لا دا انتي طلعتي جامدة في الاجنبي
و لا مش جامدة بس
استاذة و رئيسة قسم

و بالنسبة لاوباما

هو انتي فاكرة انهم بينضفوا الشوارع عشان اوباما بس؟

دا اي مسئول في اي حتة في اي مكان في اي حاجة لما بييجي مكان معين الناس مبتعرفش تمشي او تتحرك من مكانها و بيعملوا حظر تجول
و يحطوا ورد و زرع و يفرشوا الارض رمل
و الناس هي اللي بتدفع الثمن

اللي بيقف تحت كبري 5 ساعات
و اللي ميعرفش يركب مواصلته
و اللي يقولك ممنوووووووووووع يا سيد المشي هنا

انتي مبتشوفيش المكتبة لما حد بييجي يزورها..المنطقة بتبقي عاملة الذاي؟

اهي دي برضو من ضمن عيوب المحروسة

منتظريييييييييييييييييين باقي الاجابات
thanks alot

ههههههههههه
ايه رايك في الاجنبي بقي
علشان تعرف بس
هههههههههههه
وعندك حق هي ديه المحروسه

بسم الله ماشاء الله
اجابات جميله جدا
ومنمقة
وراااااائعة جدا
تجبر حتي اللي مختلف معاكي في بعض الاراء
انه يحترم ارائك بشده
جميل جدا يا لميا
بانتظار المزيد

ميرسييي كتيييييييييييير احمد علي المرور
وعلي الكومنت الرائع ده

انا دلوقتي هانزل الجزء القبل الاخير ان شاء الله
وبجد من غير زعل
انا باحب الاعضاء كلهم و لولا كده مكنتش هابقي في المنتدي لدلوقتي
بلييييييييييييييييز محدش ياخد رايي او كلامي لو دخلت من رد سؤال علي حاجه تانيه عليه
انا فعلا باحبكم وباتحترم ارائكم كلها و هاتقبل اي تعليق
واختلاف الرأي لا يفسد للود قضيه

ومع الجزء التالي من الاجابات

3-هذه الكلمات علي من تنطبق؟

عضو توقيعه روعه..
ايهاب والبروف

الكلام اللي بيكتبوه في التوقيع بتاعهم بيبقي في حالات كتير

متوافق مع حالتي النفسيه و في ميعاده

عضو غامض....
البروف

عضو رومانسي
بوسي كات

عضو دمه خفيف
ايهاب

عضو المنتدي من غيره يفقد الكثير.....
ساره

عضو نشيط...
ايه

عضو غير مفهوم...
بيكهام

عضو مفقود...
بوسيدن وحاليا ساره كمان حبيبه قلبي
اللي مش شفتها من ساعه ما رجعت المنتدي بعد الامتحانات

عضو تفرحي بوجوده ..
ساره

عضو تحسيه واثق من نفسه ...
بيكهام

عضو يغيظك ..
بيكهام – في بعض ردوده لاني ساعات بحس

انه بيرمي كلام او معني ورا الجمله اللي هو كاتبها_
وده احساس يعني مش يقين ومش قصدي حاجه والله

بس اصلي علي طول بقول " احذر فان قمه الذكاء غباء " والجمله ديه مش بمعناها

الحرفي لكن بمغزاها لاني اللي مخترعاها ومش سمعتها من حد قبل كده فوالله

مش اقصد بيها احمد شخصيا لكن هي جت في نص الحوار

كده وبجد من غير زعل لان المقوله ديه انا مقتنعه بيها و بقولها وبطبقها علي ناس كتير

حتي قرايبي و بتبقي صح مش عارفه بقي هل هي ذكاء مني ؟؟ولا فعلا المقوله صح؟؟

عضو تتمنى تلقتي به ...
بوسي كات

عضو مثقفالبروف و سكاي

عضو نفسك تغيري اسمه ...
عشماوي و كازانوفا و ابليس

عضو نفسك تعرفي معنى اسمه ...
بيهام

عضو تحسي انه مختلف...
ضحى

~*كرسى الاعتراف*~

~كرسى الاعتراف~