~كرسى الاعتراف~

تذكير بمساهمة فاتح الموضوع :

~*كرسى الاعتراف*~
طن طن طاااااااااااااااااااااااااااااااااااااان

متخدوش بالكوا دى موسيقى تصورية بس مش اكتر

اللعبه دى هدفها الاول اننا نتعرف على بعض من خلال الاساله اللى بنسالها للى اعد على الكرسى
شرح اللعبه
اللعبه عبارة اننا هنعد من 1 ل7 واللى يقول رقم 7 يختار واحد يعد على الكرسى
ويساله 14 سؤال الحد الاقصى للاساله ولما يجاوب نبدا نعد من الاول هى سهله جدا ولذيذة اووووووووووووى

انا هبدا 111111111111111111111111111111111111111111111111111
يلا بينا نشوف اول ضحيه على كرسى الاعتراف ومين هيسال

تمام يا بروف .......الاسئلة من داخل المنهج و من دليل الوزارة..... و بالنسبة لسارة ربنا معاكي و حجيبلك الحاجة الساقعة اللي طلبتيها مني علي الكرسي عشان تعرفي تجاوبي.....ههههههه

يلا ياسارة ربنا معاكى
منتظرين اجابتك بقى
ربنا يوفقك

عايزين سارة
عايزين سارة
عايزين سارة
فين الاجابات ؟
we are waiting........

الله ينور ياصبرى
يلا ياسارة جاوبى بسرعة
مستنينك

ربنا معاكي يا ساره يا اختي
وفي انتظار الاجابه
والشعب كله في انتظار النتيجه
وان شاء الله ناجحه بتفوق كمان

بسم الله الرحمن الرحيم

انهرده ان شاء الله حنزل اجابه القسمين الاول والتانى

ياريت ماكونش ضيفه ممله واتمنى انى مازعلش حد

لانى اتكلمت بصراحه تامه

ويارب اكون عند حسن ظنكم

بسم الله الرحمن الرحيم

اجابه القسم الاول:الاسئله الشخصيه
1_- تحدثى عن بيانات بطاقتك الشخصيه والعائليه
الاسم:ساره محمد مهلل احمد
طالبه بكليه السياحه والفنادق جامعه الاسكندريه
الفرقه الثالثه
قسم الدراسات السياحيه
عندى اخت
نهى عندها 24 سنه
من خريج كليه التجاره جامعه الاسكندريه

2- ماهى ايجابياتك ؟ وما هى السبيات ؟ وكيف تعرف سلبياتك ؟ وماذا تفعلى لتغيرى منه؟
انا السؤال ده المفروض مش انا الى اقدرا جاوبه بتهيألى الى يعرفونى هما الى يجاوبوا
عشان كده سألتهم وقالولى:
ايجابياتى:1_انى كاتمه اسرار
2_صديقه بمعنى الكلمه

سلبياتى:1_مش فاهمه نفسى
2_مش محدده هدفى
3_بزعل بسرعه
4_بفكر فى الى حواليا ومشاكلهم اكتر من نفسى
5_التأخير
6_الكتمان

وطبعا انا ناقللكم كلامهم بالظبط
وده حقيقى على فكره انا شايفه كده

لكن ازاى بقا انا بحاول اغير فيهم بأنى احاول افكر فى انى اعرف نفسى كويس اوى وشخصيتى وانى احدد اهدافى لان الحياه مش بتمشى كده وخلاص
وانى احاول افهم واستوضح الصوره قبل ما ازعل واتأمص وانى اعطى نفسى مساحه فى تفكيرى فى نفسى وانى ما اتعمقش واشيل هم الغير اكتر منهم شخصيا
انا بحاول اعمل كل ده بس مش عارفه النتيجه ياريت اقدر اقلل السلبيات دى كلها وبالذات التأخير لكن الكتمان ده ماعتقدش يعنى انى حتغير فى انى ماكنش كتومه فى مشاكلى انا ديما بشكى همى لنفسى او بحاول حتى مافكرش فى نفسى عشان مازعلش ومش باخد على الناس بسرعه

وواقعيه مش عارفه ده ايجابى ولا سلبى

- ما هو أكثر عضو تحبين كتآبآته؟و ما هو العضو الذي لآ ترغبين برؤية اسمه فيموآضيعك؟
ضحى
مفيش لان كل حد بيدخل ويساهم بيفيدنا بحاجه
وكل واحد له الحق انه يوافق على موضوع او يشوفه غلط وانه مش مفيد وده لازم طبعا يقول لكن بأحترام للشخص الى كتب الموضوع لان مهما كان الموضوع فالى كتبه اكيد خد من وقته ومجهوده
لكن انا بحترم اراء الكل

4- القسم المحبب لدى سارة القاضى؟ وما هى مآركة عطرك المفضله؟
قسم حربوقراط:عشان بيعرض قضايا بيهمنا او مقولات فعلا انا بستفاد منها فى حياتى وفى مواضيع بنتحاور فيها

العطر المفضل:مش عطر معين بس اى حاجه تكون هاديه

5- الاكله التي لآ تقآومين رآئحتهآ؟ وما هو لونك المفضل؟ مآهي رؤيتك لفآرس احلآمك؟ومآهي موآصفآته؟
الاكله المفضله:مكرونه بالبشاميل
لونى المفضل:بينك

مواصفات فارس وشريك حياتى:
انه يكون متدين واخلاقه عاليه ويحبنى اوى ويفرض احترامه على الاخرين ويحب الخير للغير وطموح واجتماعى ودمه خفيف
طماعه طبعا ههههههههههههه

اجابه القسم التانى:اسئله عامه

1- تكلم عن الاعضاء الاتيه من وجهه نظرك فيما لا يقل عن 3اسطر
صبرى:شخص طموح وطيب وبيتحمل مسؤليات كتير وشخص يعتمد عليه بجد وخدوم وبيدى النصيحه للى يلجأله لكن انا بحسه شخص متناقض يعنى رغم انه عنده خبرات عاليه فى التعامل مع الاخرين الا انه بيزعل بسرعه رهيبه وعنيد جدا

مادو:انا ماعرفهوش شخصيا لكن من كلامه لما نزل على كرسى الاعتراف ابديت اكون صوره عن شخصيته انه متحمل مسؤليه ودمه خفيف لكن انا ماعرفهوش للاسف شخصيا

فاطمه:شخصيه محترمه ومؤدبه ورقيقه جدا ومن ابتسامتها بحس ان فى امل فى الحياه وهاديه بس حاسه انها رومانسيه بس معرفش ده حقيقه ولا لأ لانى ماعرفهاش غير قريب

ضحى:شخصيه متدينه وطيبه اوى اول ماتكلمت معاها كأنى اعرفها من زمان زى اختى لما اكلمها وبجد بحس وانا بكلمها انها كاتمه للاسرار ومثقفه وخدومه وبثق فيها

ايمى البدرى:للاسف مش اعرفها خالص لكن لما بتساهم بحس انهاشخصيه جميله والكل بيحبها لكن ماتشرفتش بمعرفتها واتمنى انها تتفاعل معانا فى المنتدى

امنيه:انا معرفهاش كويس لكن من مواضيعها حساها صريحه وجريئه فى ردودها وصديقه بجد لناس كتير

ترنيم:بنت اجتماعيه اتأقلمت معانا بسرعه وجريئه وبس ياريت ترجع تنور المنتدى من تانى

سالى:بنت طموحه وواثقه من نفسها وطيبه وخدومه والكل بيحبها

ادهم:انا بلاقى ردوده غريبه الى فى المنتدى لكن لما شفته اتضحلى انه شخص طيب ودمه خفيف اوى واجتماعى

اوشين:بنت عاقله وهاديه تميل للانطوائيه ومش بتتأقلم مع الناس بسهوله وديما حسه نفسها وحيده رغم ان حواليها صحاب وناس بيحبوها كتير لكن بتقرر كل قرارتها من دماغها شويه وده لانها ديما حسه انها لوحدها وتقللى العصبيه وماتحاوليش تبقى لوحدك ديما قربى من الى بيحبوكى وماتداريش حبك وحنانك للى بيحبوكى

ايه الدالى:صديقه بجد انا لسه متقربه منها السنه دى لكن هى بتخاف على صحابها اوى بتحب تدى النصيحه لكن هى صريحه اوى عشان كده ممكن الى مايعرفهاش يزعل منها لكن هى بنت حساسه وبتحاول توسطن بين قلبها وعقلها مع انها اصغر منى لكن بحسها اكبر منى بس ياريت تقلل من عصبيتها شويه وتسرعها فى اتخاذ قرارتها وبنت خدومه ودمها خفيف جدا وزكيه

جهاد:شخصيه اجتماعيه بتاخد على الناس بسرعه دمها خفيف لكن مع ذلك بتصعب عليها نفسها كتير وديما حزينه وبتعيط كتيررررر لكن خدومه اوى وده

حتى لو على حساب نفسها وده بيضرها كتير عشان كده نفسى تحبى نفسك لانك تستاهلى الخير والحب ده لنفسك وماتاخديش على الناس بسرعه لان فيهم الى ممكن يضرك والناس فيهم الكويس والحلو واحنا نقرب من الى يكون كويس معانا بس

انجى:قلبها فى حنيه الدنيا كلها وصريحه مش بتعرف تبين غير الى جواها وده عيب وميزه بس بحس انها شخصيه نقيه جدا بريئه وبتسامح بسرعه بس لما بتحب حد بيبان عليها ولما تكره حد بيبان عليها لكن هى مش بتعرف تكره بحس انها طفله رغم انها اكبر منى بس بحس انها عايزه الى يهتم بيها وينصحها وديما بيتخاف عليها لانها بتتعامل بطبيعتها وبقلبها الصافى لكن الحياه مش فيها الناس كلها لازم تأمنى بالى بجد يستحق انه يكون موثوق فيه ماتتعامليش بطيبه مع الكل لان فى منهم ممكن يستغل كده بجد بحبها جدا وربنا يديم الحب والصداقه ويخليكى ليا

عمرو عرابى:شخصيه مجنونه جدا رغم انه بيضحك مع الكل وبيهزر الا انه من جواه شخص حزين جدا وعمرو طموح ومش بيحب يشوف حد زعلان غير لما بيحاول يطلعه من الى هو فيه بس هو مزاجى ومتقلب الشخصيه شويتين ديما بتيجى الدنيا معاه بالعكس وبيزعل بسرعه جدا بس بيرجع يتكلم تانى عادى مش بيشيل لكن مش بيثق فى حد بسهوله ابدا وديما متأخر

بيكهام:شخص طموح طيب بيحب اجتماعى كنت فاكراه فى الاول اول ماشفته انه انطوائى لكن اثبتلى العكس تماما انا شايفه انه متردد ومش واثق من نفسه بالقدر الكافى رغم انه شخص كويس صديق فعلا واخ وخدوم وجتماعى وبيحب يتعرف على شخصيات جديده ويتكلم وبيحاور فى مواضيع كتير شايفه مذيع شاطر اوى لانه عارف شخصيبات ياما وبيعرف يحاورهم وبيثق فيه بجد

لمياء:بنوته زى العسل طيبه اوى بس ماشيه باحساسها وده تاعبها وتاعب الى حواليها وصريحه وده ممكن يزعل منها ناس كتبير بس بشوفها زكيه ودمها خفيف ومخاطره بس بلومها انها بتحاول ماتبينش زكائها ده مش عارفه ليه هى بتعمل كده ده زكاء منها برضه وانها مش بتثق فى حد بسهوله غير ناس قليله وطبعا هما اهلها والى يعرف لمياء الحقيقيه هو حد بس وهو( قريبها
)وسريعه البديهه

رشا:انا معرفهاش شخصيا لكن من ردوده هى بنت واثقه من نفسها ومن ان صحابها بيحبوها وصريحه يعنى بشوف رأيها بيكون ياما بالرفض لموضوع وبتفيدنا فيه او بالرفض وبحس انها شخصيه قويه ومتفائله

2_هذه الكلمات لمن تهديها من اعضاء النتدى

صداقه:بيكهام
اخوه:عمرو عرابى
زماله:صبرى
حب:كل اصحابى
عشره عمر:جهاد
طيب:ضحى
حنون:انجى
رقيق:فاطمه
رجوله:عبد القوى
مثقف:بسنت
دلوع:لمياء
دماغ:ادهم
غامض:احمد حسن
ذكى:رشا
عاقل:اوشين
رومانسى:ايه الدالى
حبوب:ايه الدالى

ماذا تعنى لك هذه الكلمات

الحب:اغلى ما فى الحياه
الكره:ابغض شئ
القلم:صديق
الورقه:خواطر
الام:عطاء
الاب:سند وظهر
الاخ:؟؟؟
الاخت:توأم الروح
البحر:حياتى
السماء:نقاء
السحب:ايامنا الى راحت والى جايه
الحياه:عاشينها
الخيانه:دمار
المرأه:روح المجتمع
الصداقه:مرايا
الدمعه:ألم وفرحه غاليه
الشعر:احساس
الرجل:عماد المجتمع
الصلاه:قرب من الله
النميمه:شر

النفاق:كدب ووسيله سيئه
القلب:ضعف وقوه
العقل:فكر
الليل:الوحده
النهار:تفاؤل
الحزن:ألم
الفرح:سعاده
الامل:فرص للحياه
الشمس:اشراقه امل
الموت:نهايه كل شئ لا مفر منه
سارة القاضى:؟؟؟؟؟؟؟؟؟؟؟

3 - ساعات بييجى على الانسان لحظات بيكدب فيها حتى لو هو مش كداب ايه هى اللحظات اللى مريت فيها واضطريت انك تكدب؟

انا طبعا مش حقول انى مش كدابه وكل ده لانى بكره الكدب وسيرته بس فعلا فى لحظات بنضطر للكدب انا حاولت واللهى افتكر مش لاقيه غير موقف حصل الترم الاول كنت قاعده جنب انجى فى محاضره وطبعا ضحكتنى كالعاده والدكتوره شافتنى وقالت الى لابسه اسود فى اصفر تقف(حسستنى انى تاكسى اسكندريه ههههههههه)المهم وقفت وسألتنى انتى بتضحكى على ايه انا شايفاكى بتضحكى كتير سكت وابتسمت لانى باكل لبانه ولو هى شافتنى حروح فى داهيه لان الدكتوره دى معروفه طبعا ماتتوصاش المهم معرفش انا ببص كده على الديسك لقيت كتابها هو كان لسه نازل ساعتها وقلتلها اصل يا دكتور الكتاب ده نفس شكل ولون كتاب مادتك الترم الى فات عشان كده ضحكت يعنى واحنا ناجحين فى المده بالعافيه رغم ان الكل زاكره فهى استغربت والكل ضحك وقالتلى المهم مش الشكل المهم الكتاب نفسه وقالتلى اقعدى والكل طبعا شايف نفس الكلام الى بقوله على ان الكتاب مايفتحش النفس خالص فضحكوا وبكده ما اخدتش اسمى وماضيعتنيش بس طبعا علمت على شكلى وربنا يستر معايا الترم ده

3- جمل هديه حصلت عليها بحياتك ؟ ومن مين؟
كل هدايا صحابى حلوه وكل حاجه لها مكان فى قلبى ومفيش حاجه معينه خالص فى دماغى

معاك 5 وردات لمين تهديهم؟ وبماذا تقر وتعترف امامنا الان؟
انجى
جهاد
ايمان
ايه
لمياء

اقر بأنى بحبكم جدا وانتوا بجد احلى صحاب وانى بدخل المنتدى عشان بحس انى معاكم يا اجمد صحاب

واقر كمان ان بالرغم من اى خلافات مع اى عضو الا انى مش بتعامل مع كده داخل المنتدى لانه مش مكان لفض الخلافات والنوازع وربنا يهدينا اجمعين

4- اصعب موقف حصلك من يوم اما اتولدت وبسببه تقربت لربنا؟
توفى شخص عزيز عليا كان اخويا تقريبا واكتر وانا فى 3 ثانوى كان مهندى فى سان ستيفانو كان بيشرف على بناؤه وفى ليله العيد كان هناك ووقع من فوق البرج نفسه وعلى مواد البنء طبعا اهله كانوا بيدوروا عليه وليناه تانى يوم الصبح كان فارق الحياه بقاله 24 ساعه ومحدش حاسس بيه ولما تلقيت الخبر ما صدقتش وحتى الان يعنى انا طبعا عارفه انه كلنا حنموت وده قضاء ربنا لكن محدش اخذ جزاء والمحضر اتقفل وكأن شيئا لم يكن وانا طبعا بكره حاجه اسمها سان ستيفانو قلبى بيتقبض لما بعدى جنبه لانى مش بروحه طبعا ومن ساعتها وانا شايفه قد ايه ان النهايه قريبه وده كان شاب يعنى مش فكرت اننا صغيرين ولسه الحياه قدامنا نعيشها وفى الاخر نتوب
ربنا يرحمه ويرحمنا جميعا

اخر مره بكيت من قلبك ؟ وليه؟
من حوالى 4 ايام
كان كل الى حواليا والى بحبهم كانوا فتره طويله الكل متضايقه وانا بينت قويه وحاولت اهون عليهم فى الايام دى لكن فى الاخر ضاقت بيا انا وعيط لانى كنت على اخرى مش عارفه اعمل ايه لان كلهم كانوا فى نفس الوقت الكل متضايق ومخنوق وانا ديما مصدر القوه فلازم اهون عليهم لكن بعد ماهما قلوا الزعل وبقم كويسين الحمد لله شويه انا بقا الى كنت بعيط

وبكده خلصت اكبر قسمين الاول والتانى
وشكرا لاهتمامكم
وسورى للاطاله

ايه الصراحة دى
ميرسى يا سارة على اللى قولتيه عنى
و انتى عندك حق الى حد كبير
و ميرسى على النصيحة
هحاول اعمل بيها
بجد اجابات تحفة
بانتظار الباقى

اخيرا يا سارة..........
اجاباتك معتدلة و صريحة
الله يكون في عونك و الله ان انتي قعدتي تكتبي كل دا و ليكي حق تنزليهم علي يومين
بس نعمل ايه عندنا البروف مبيرحمش في الاسئلة
و علي فكرة نسيتي تقولي علي بيكهام انه من ابرز عيوبه انه زملكاوي.....ههههههه
في انتظار باقي اجاباتك و ربنا معاكي........[u]
ايها الباكى رويدا، لا يسد الدمع ثغرة
ايها العابس لن تعطى على التقطيب اجرة
لا تكن مرا و لا تجعل حياة الغير مرة
إن من يبكى له حول على الضحك و القدرة
فتهلل و ترنم ، فالفتى العابس صخرة

الله ينور يا سارة
ربنا معاكى وتكملى الكرسى على خير
بجد امتعتينا حتى الان با جاباتك
وبانتظار باقى الاجابات
وشكرا للكلام الجميل دا اللى قلتيه عليا
بجد مش عارفة اقولك دا كتير عليا

ربنا معاكى ويوفقك وتحققى كل اللى انتى بتتمنية
يلا شدي حيلك وبانتظار باقى الاجابات

انا عرف يا سارة مين الدكتورة اللي انتي بتقولي عليها
بس مش حقدر اقول اسمها عشان مروحش في ابو نكلة
لاني اكتشفت ان الدكاترة بيدخلوا علي المنتدي بتاعنا

ايه الدالى:صديقه بجد انا لسه متقربه منها السنه دى لكن هى بتخاف على صحابها اوى بتحب تدى النصيحه لكن هى صريحه اوى عشان كده ممكن الى مايعرفهاش يزعل منها لكن هى بنت حساسه وبتحاول توسطن بين قلبها وعقلها مع انها اصغر منى لكن بحسها اكبر منى بس ياريت تقلل من عصبيتها شويه وتسرعها فى اتخاذ قرارتها وبنت خدومه ودمها خفيف جدا وزكيه
رومانسى:ايه الدالى
حبوب:ايه الدالى

ميرسى اوووووووووى ياسارة على الكلام الجميل دة
وانتى بجد احسن صديقة عندى
وانا فعلا عصبية وبتمنى اقلل من دة
بس حكاية متسرعة فى اتخاذ القراارات دى مش اوى يعنى
ميرسى ياحبيبتى

اولا ايه الصراحه الجامده ديه يا احلي ساره
منوره الكرسي يا قمر

لمياء:بنوته زى العسل طيبه اوى بس ماشيه باحساسها وده تاعبها وتاعب الى حواليها وصريحه وده ممكن يزعل منها ناس كتبير بس بشوفها زكيه ودمها خفيف ومخاطره بس بلومها انها بتحاول ماتبينش زكائها ده مش عارفه ليه هى بتعمل كده ده زكاء منها برضه وانها مش بتثق فى حد بسهوله غير ناس قليله وطبعا هما اهلها والى يعرف لمياء الحقيقيه هو حد بس وهو( قريبها
)وسريعه البديهه

ميرسييييييي علي الكلام الجامد ده
وفعلا انتي عرفتي تحليلي حاجات كتييييير مني صح

دلوع:لمياء
ميرسيييي علي اللقب و الورده يا حبيبه قلبي

وربنا معاكي في باقي الاجابات
وفي الانتظار
وهو ده استمريىىىىىىىىى

شكرا سارة الاجاباتك التى تميزت بالرقى فى التعبيرات والدوبلوماسية فى الاسلوب والسياسة فى المواقف
وعلى ما اعتقد ان الدكتورة هى حنان العصار فى انتظار باقى الاجابات
اما بالنسبة لحديثك عنى فاذكرك براى بيكهام عنى فى كرسيه كما اذكرك ايضا بسياسة الحبل
مع التاكيد على المعلومة التى تنص على " ان الغموض سر من اسرار الحياة ونحن جزء من الحياة"

شكرا وفى انتظار الباقى

ايهاب ياريت تقولى مين اللى قالك ان فى دكاترة بتدخل ع المنتدى ومين هما الدكاترة شكرا

اجاباتك جميلة جدا ياسارة بجد وميرسى على الكلام اللى قولتيه عنى وانا بجد نفسى اقبلك فعلا واتعرف على الشخصية الجميلة دى بجد

وبخصوص اللى ايهاب قالوا عن ان الدكترة بيدخلو على المنتدى وانا اشك فى دا هما فاضين
حتى لو فى دكترة فاضية وسيبه الابحاث اللى بنهرى نفسنا طول النهار والليل نعملها واعدين على المنتدى بيقروا كتابتنا وضحكنا وحزننا ولعبنا وزعلنا فحنا مش بنقول حاجة غلط واحنا ناس محترمين مش بنتكللم على حد ظلم يعنى واللى ليه حق عندنا يجى ياخده ولا اية ياشباب

صداقه:بيكهام

بيكهام:شخص
طموح طيب بيحب اجتماعى كنت فاكراه فى الاول اول ماشفته انه انطوائى لكن
اثبتلى العكس تماما انا شايفه انه متردد ومش واثق من نفسه بالقدر الكافى
رغم انه شخص كويس صديق فعلا واخ وخدوم وجتماعى وبيحب يتعرف على شخصيات
جديده ويتكلم وبيحاور فى مواضيع كتير شايفه مذيع شاطر اوى لانه عارف
شخصيبات ياما وبيعرف يحاورهم وبيثق فيه بجد

ميرسي جدا جدا علي رايك الرائع ده يا سارة
وانا بجد يشرفني انك اختارتيني صديق ليكي
دي حاجه تسعدني جدا
بس انا مختلف معاكي في نقطة اني مش واثق من نفسي دي

ده انا من كتر مانا واثق من نفسي فيه ناس شايفاني مغرور
بس دي اول مره حد يشوفني العكس
بس علي العموم بجد مش عارف اشكرك ازاي علي الكلام الحميل ده
ويا رب دايما اكون عند حسن ظنك
وبخصوص موضوع المزيع ده ياريت تشوفيلي واسطة في التليفزيون ينوبك ثواب
ههههههههههههههههههه
ربنا يوفقك في الباقي

الي البروف و روشا
مش مصدقني .... طب و الله العظيم زي ما بقولكم كدة و (و تحديدا) هي دكتورة و هي اللي قالتلنا كدة في المحاضرة
بس هي بتهتم بس بتعليقات الاعضاء علي الدكاترة يعني مش مهتمة بكل حاجة زي ما انتي فاكرة يا روشا و انا لما اشوفك يا بروف حبقي اقولك هي مين........

ايها الباكى رويدا، لا يسد الدمع ثغرة
ايها العابس لن تعطى على التقطيب اجرة
لا تكن مرا و لا تجعل حياة الغير مرة
إن من يبكى له حول على الضحك و القدرة
فتهلل و ترنم ، فالفتى العابس صخرة

غامض:أحمد حسن

فعلا و ده اللى انا عاوزة مش عاوز حد يعرف حاجة غير اللى انا عوزة يعرفة
علشان انا من النوع الكتوم و بصراحة مش بقول كل حاجة بسهولة