~كرسى الاعتراف~

تذكير بمساهمة فاتح الموضوع :

لالالالالالالالالالالا
حرام والله
قرعة اية
انت كنت عايز كدة من الاول
طيب والنبى الرحمة عشان عندى امتحانات
وشكرا على الاختيار الفظيع دة

Beckham كتب:: اولا : بالنيابة عن اعضاء المنتدي بشكرك جدا يا احمد يا حسن علي مجهودك
ثانيا : بيتهيالي ان رغبة الاعضاء او معظمهم علي الاقل بتقول ان يتريت مدة الكرسي تكون اطول من كده شوية وان تنحصر المده في اسبوع باقصي تقدير
وياريت بما اني عارفك مؤمن جدا بالديموقراطية تعمل توبيك للتصويت علي هذة الرغبه ال شبه جماعيه
ثالثا: بالنسبه لعدد الاسئله فاحنا قتلنا الموضوع بحثا وتم الاتفاق علي ان الاسئله ان تتعدي ال 30 سؤال مع بعض التجاوزات البسيطه من باب روح القانون
ولا انت عايزز تقللها عشان انت قربت تقع في فخ الكرسي
ههههههههههههههههههههه
رابعا : ولكم بالك يا معلم
خامسا : الدنيا نجاح اليومين دول
ففكها كده عشان ربنا يفكها عليك وتنجح كده بجيد جدا ان شاء الله
سادسا : بيس الكلام ده يا ميدو ولا؟
سابعا: سلاموز بالموز والجوافه كمان عشان انا كمان بحبها
ههههههههههههههههههه

ماشى اكلمك بصفتى عضو مش مشرف الكلام ده رغبة صبرى مش رغبتى و لانى حد ما فى المكان ده طلب من ان انقل الكلام ده

علشــــــــــــــــــــــــــــــــــــــــــــان انتوا بتزودها الصراحة

اما موضوع اقع يا سيدى لو حصل حخلصهم فى يوم

عودة الرسميات

موضوع 30 ده استحالة و ملطق و الحد الاقصى و بقرار رسمى هو الا يزيد عن 20 و لا تزيد المدة عن 2 يومان و لو تجاوز اليومان يلغى ما لا يقم باجابته ول للعضو الحق فى مد الفترة و لكن باستذان رسمى بالرساله الخاصة

عودة الفريحيات

يا رب تنجح يا تتح استر يا رب الترم على بعض

االدنيا نجاح على وزن الدنيا ربيع

سلاموز دى بتاع محدش ييبتقاله عليا علشان ما ليمونش عليه لانه حيلاقى نفسه فجأة اتبلح و بقى شبه التين الشوكى (بحبه موححححححححححححححححححح)

عودة الى الرسميات

الاجتماع القادم يوم الخميس سنأخذ برأ الاغلبية و محاول التوصل الى حلول ترضى جميع الاطراف

ولكم عودة فروم اسرائيل افتر القيام ب ميشن ارهابيه اين قطاع تلهافيف

بسم الله الرحمن الرحيم

شكرا يا احمد علي التوضيح و نقل الرسالة

بس انت نسيت تنقلينا سبب تحديد مدة الكرسي من الاساس

انا شايف انه مفيش داعي من الاساس لتحديد مدة الكرسي

لان في ناس عندها ظروف و متبقاش موجودة خاصة ان احنا في مصيف زي ما انت عارف و اكيد كله بيخرج و يصيف

عشان كدة زي ما انت شايف المنتدي في كتير من اعضاؤه مبيدخلوش

و نفترض انه تم تحديد مدة الكرسي...يبقي الذاي و باي منطق يعني تكون يومين؟

دا علي اساس ان انا بقي مواريش غير الكمبيوتر طول النهار؟

و ليه كمان تم تحديد الاسئلة..

ليه بنمشي الموضوع كدة

ما كل اللي عايز يسال اسئلة و يسألها

و العضو يجاوب براحته

مفيش ما يستدعي العجلة

خاصة ان مفيش غيرك انت و نجم بس اللي منزلتوش

يعني تعرف تقولي بعد ما نخلص رباب و ان شاء الله تنزل انت و نجم

هنعمل ايه في موضوع كرسي الاعتراف؟

اكيد هنشوف أفكار تانية

و لحين هذا الوقت..مفيش اي داعي للعجلة و السرعة

و لا بقي للتحديد و لا عدد الاسئلة يبقوا كام؟

لان انا ممكن اه التزم باطار ال20 سؤال

بس اخلي كل سؤال جواه 50 سؤال

يا ريت تبلغنا سبب القرار دا ايه يا احمد

و لو اني علي يقين انه بسببي

عشان اتأخرت في الاجابة..بس زي ما انت عارف دا مكانش بايدي

لاني كنت بشتغل

و عايز اعرف قصدك ايه.باننا بنزودها

اظن انت كنت حاضر زمان و شفت الكرسي كان بيخلص في قد ايه

دلوقتي الكرسي مبيعديش بالكتير 4 او 5 ايام

معتقدش انه قرن من الزمان يعني

و نصيحة ليك يا ابو حميد....

خليك ايزي احسن..بلاش اللهجة دي..لانها مش لايقة عليك

احنا عارفينك طول عمرك شخصية بتحب الهزار

شكرا

و منتظر ردك............ان وجد

18-اول انطباع الناس بيخدوه عنك

اول انطباع " انطوائيه " و هاديه و بتعود علي الناس بسرعه رهيبه بس مش اي حد

ومش عارفه هو السؤال ده يشبه اوي السؤال اللي قبله وانا عارفه انه فيه فرق بس

ياريت انتوا اللي تقولولي وبصراحه شديده أول انطباع أخدتوه عني

انا عن نفسي اول انطباع اخدته عنك انك هادية و دمك خفيف

و لفت نظري انك عايزة تموتي شهيدة

بس انا يمكن اخنلف معاكي من زاوية معينة

طبعا لا شطك ان دي غاية عظيمة يسعي الانسان لتحقيقها

بس برضو مفيش اي انسان بيسعي انه يموت حتي و لو شهيد

لو ربنا اختارنا ان احنا نكون شهداء

بس المطلوب مني اني اركز في الدور اللي ربنا خلقني عشانه

(عمارة الارض و عبادة الله)
و الله انا ساعات كان بيجيلي افكار زي دي
بس افكار سيئة

و كانت دايما من الشيطان الرجيم

و هي اني كان دايما بيبقي عندي اعتقاد باني هموت مقتول

و منكرش ان الافكار اللعينة دي سيطرت عليا لةقت كبير

بس دا يمكن عشان كنت بعيد عن ربنا

بس لما انتظمت في الصلاة
و قربت اكتر من ربنا

كل الهواجس دي ذهبت الي غير رجعة

فخلاصة القول

الموت شهيد.يبقي شئ عظيم
بس يستحسن اني مفكرش فيه و اخليه يسيطر عليا و يبعدني عن دوري الرئيسي في الحياة
و اللي لفت نظري اكتر
ان الرغبة دي جاتلك و انتي في ابتدائي!!!!
هل قريتي قصة او كان مدرس او حاجة هو اللي كان السبب في دا؟

الله ينور علي الاجابات الخفيفة و الطريفة و الواضحة

و جامد الموقف بتاع النادي دا

بس مقلتليش...ايه سر نظرتكم مرة واحدة و في نفس الوقت لهذا الشخص؟

نيههههههههههههههههههههههههههها

ننتظر البقية
الله ينور

متشكره جدا جدا يا ايهاب علي رأيك ده

انا عن نفسي اول انطباع اخدته عنك انك هادية و دمك خفيف

ربنا يخليك ده بس من ذوقك

و لفت نظري انك عايزة تموتي شهيدة

بس انا يمكن اخنلف معاكي من زاوية معينة

طبعا لا شك ان دي غاية عظيمة يسعي الانسان لتحقيقها

بس برضو مفيش اي انسان بيسعي انه يموت حتي و لو شهيد

لو ربنا اختارنا ان احنا نكون شهداء

بس المطلوب مني اني اركز في الدور اللي ربنا خلقني عشانه

(عمارة الارض و عبادة الله)
و الله انا ساعات كان بيجيلي افكار زي دي
بس افكار سيئة

و كانت دايما من الشيطان الرجيم

و هي اني كان دايما بيبقي عندي اعتقاد باني هموت مقتول

و منكرش ان الافكار اللعينة دي سيطرت عليا لوقت كبير

بس دا يمكن عشان كنت بعيد عن ربنا

بس لما انتظمت في الصلاة
و قربت اكتر من ربنا

كل الهواجس دي ذهبت الي غير رجعة

فخلاصة القول

الموت شهيد.يبقي شئ عظيم
بس يستحسن اني مفكرش فيه و اخليه يسيطر عليا و يبعدني عن دوري الرئيسي في الحياة
و اللي لفت نظري اكتر
ان الرغبة دي جاتلك و انتي في ابتدائي!!!!
هل قريتي قصة او كان مدرس او حاجة هو اللي كان السبب في دا؟

أنا معاك في كل كلمه قلتها طبعا الموت شهيد ما أعظمه من موت

بس ده كان زمان زي ما قلت من إبتدائي كانت فكره الجهاد في سبيل الله مسيطره عليا

من قصص الانبياء ومن اللي كنا بنشوفه وبنسمعه من ضرب وموت وتخريب واكيد من الاغاني الحماسيه زي " الحلم العربي " وكثره الشهداء.

بس دلوقتي أكيد الحمد لله دلوقتي كمان انا قريبه من ربنا وكل التفكير ده راح لحاله

المقصود من كل ده اني بدعي من ربنا أنه يرزقني حسن الخاتمه وبس

الله ينور علي الاجابات الخفيفة و الطريفة و الواضحة

ده نورك والله متشكره جدا

و جامد الموقف بتاع النادي دا

بس مقلتليش...ايه سر نظرتكم مرة واحدة و في نفس الوقت لهذا الشخص؟

نيههههههههههههههههههههههههههها

هههههههههههههه والله مش عارفه كنا بنفتكره هيسألنا علي حاجه الساعه كام مثلا

متشكره جدا ليك يا ايهاب وانا خلاص خلصت الاجابات

وجااااااااااري وضعها

ادهم

شخصيه غريبه ما تتفهمش بسرعه
بس هو عكس اللي ظاهر في المنتدي
انسان طيب ودمه خفيف وسبحان الله تتعود عليه بسرعه
بيحب اصحابه اوي وبيحب الهزار

ياراجل يعنى بيبان عليا ف المنتدى شرير؟؟؟
لو اه
قولى
عشان اغير طريقتى مع الاعضاء الجدد

أدهم
لأ طبعا مش شرير ولا حاجه بالعكس أنا ما اقصدش كده خالص
أنا اقصد إنك غريب بطريقه ردودك يعني بترد علي أي موضوع بدون أهميه بس بخفه دم
لكن في الحقيقه أقصد علي الطبيعه إنسان عادي جدا
يعني لا تغير من أسلوبك ولا حاجه خليك علي طبيعتك
أوك واوعي تكون زعلت
ثاااااااانكس يا ادهم

وده اخر جزء من الاجابه الحمد لله خلصت

23-كيف تنظرين الي المستقبل..و هل تخافين من المجهول؟

انظر للمستقبل بأمل ممزوج بالخوف ، يعني إن شاء الله هيبقي مستقبل مشرق بس الحرص واجب فيه طبعا وانا قلت قبل كده ان انا نفسي ابقي انسانه يبقي ليها بصمه مش عارفه إزاي بس ربنا يكرم إن شاء الله .

أما بالنسبه للخوف من المجهول

اكيد طبعا بخاف من المجهول لاني بطبيعتي بخاف من اي شئ جديد . فما بالكم بالمجهول

بس زي ما قلت ان شاء الله خير وكل واحد بياخد نصيبه اللي ربنا كاتبهوله.

24 - أكثر حديث عن الرسول-صلي الله عليه و سلم- تأثرتي به ؟ و ما هي السورة القرانية التي تحرصين علي قرائتها؟

أكيد كل احاديث الرسول "صلي الله عليه وسلم" بتأثر بيها ومنها الحديث اللي كلنا عارفينه

" حب لأخيك ما تحبه لنفسك "من أكثر الاحاديث المحببه إلي قلبي واللي الحمد لله بداوم علي العمل بيه لاني بجد مش بحب أظلم ولا أجرح حد ولا ازعل حد مني لأني ببقي واثقه ان الايام هتدور وهيتعمل فيا اللي كنت بعمله في الناس .

أما السوره القرانيه

اللي بحرص علي قرائتها أكيد سوره "الكهف" يوم الجمعه وان شاء الله ادعولي ان اداوم علي قرائتها

[size=18]أما السوره اللي بحبها أوي سوره "مريم" و "يوسف" ...

[/size]25_أفضل خبر سمعتيه في حياتك
علي المستوي الشخصي
و علي المستوي العالمي؟

أفضل خبر علي المستوي الشخصي

أكيد خبر نجاحي كل سنه لأني ببقي حاسه إن مجهودي ما ذهبشي هباءا .

ويوم ما عرفت إن مريم زميلتي هتبقي معايا في المجمع .

ممكن تكون الاخبار دي صغيره . بس يمكن افضل خبر في حياتي لسه وقته ما جاش.

أفضل خبر علي المستوي العالمي

مش هقول احداث 11 سبتمر لانهم صعبوا عليا لان معظم اللي ماتوا مالهومش ذنب

هقول يوم ما بوش اتضرب بالجذمه ههههههه كنت فرحانه أوي اوي مش عارفه ليه كان نفسي انا اللي اضربه . وبردوا إن شاء الله افضل خبر نفسي اسمعه لما ربنا يخسف باليهود الارض ويسيبوا العرب في حالهم .
26- اكتر موقف جريء عملتية ؟أكيد طبعا بما إني خوافه بعض الشئ ، ومتهيألي إني أكتر موقف جرئ بالنسبالي هيكون أقل موقف بالنسبالكم .

فلو تسمحولي إني أؤجل هذا السؤال لحد ما يحصلي موقف جرئ وأنا بنفسي اللي هحكيهولكم

أوك .

27-حدث مضحك يجعلك تبتسمين كلما تذكرته ؟

اولا هههههههههههههههه

الحدث ده كان اول وان شاء الله اخر مره يحصلي في حياتي وهو ينفع قصه والله

كان تاني يوم عيد الفطر وكنت في أولي ثانوي وكنت انا ومريم زميلتي رايحيين نخرج ولسه هنحود من الشارع بتاعنا بنبص لاقينا حصان بس كبيييير اوي اللي يشوفه يقول جمل مش حصان وكان الحصان للاسف مش مربوط وكان سادد الشارع هو والعربيه بتاعته وواضح انه وقع في غرامي من اول نظره ولسه هنرجع تاني علشان نروح من طريق اخر لاقيناه جي ورانا وايه بيجري طبعا بما اني بخاف من الصرصار فما بالكم بالحصان أكيد طبعا قعدت اجري وهو ورايا انا مع إن مريم وقفت علي جنب لكنه اتبعني انا وانا عماله أبكي وأصرخ لغايه ما لقيت بيت دخلت فيه والحمد لله كان بابه بيتقفل ولكن الحصان لم ييأس وفضل واقف قدام الباب لحد ما صاحبه شافه وراح علشان يمسكه قام رايح ناحيه مريم وفضل يجري وراها وانا طبعا بعد ما كنت ببكي قعدت اضحك لأن من ستر ربنا إن محدش شافني بس مريم صاحب الحصان شافها وهي بتجري.

وبس ... أسفه لو كنت طولت عليكوا .

28- اذا لم يكن هناك غد !!! ماذا ستفعلين اليوم ؟

لو كان مافيش بكره ، هحاول لو في حد زعلان مني إني أصالحه ، ولو عليا دين لحد اكيد هسدده لو قدرت او هطلب منه انه يكون مسامح فيه . بس واكيد طبعا هصلي و هدعي ربنا أنه يدخلني الجنه برحمته ومش بعملي لأن رحمه ربنا وسعت كل شئ .

29- لو حكمتي العالم ليوم واحد ياتري هتعملي ايه؟

تاني إذا كان الوزاره واستقالت أمال العالم هعمل ايه

أولا هشيل إسرائيل من علي الخريطه دي لو كان ليها مكان اصلا

ثانيا هوحد الامه العربيه و أجعل لها خليفه أو رئيس واحدوداخل الدولهعين زي المحافظين دلوقتي بوظيفه الرؤساء بس الكلمه الاولي والاخيره لرئيس الامه العربيه
ثالثا هسهل السفر والانتقال بحريه داخل الدول العربيه بعضها لبعض

واكيد ان شاء الله هعمل حاجات كتير.

30--مثلك الاعلى في الحياة ؟ ولماذا ؟

أكيد طبعا مثلنا الاعلي وقدوتنا الذي لابعده قدوه هو سيدنا محمد " ص" . لانه هو خير الناس علي وجه الارض ، مش عارفه أقول ايه ولا ايه مهما قلت مش هيكون حاجه جنب افعاله

يا حبيبي يا رسول الله.

- وبردوا نفسي أبقي زي الداعيه "مصطفي حسني " بجد ما شاء الله عليه شخص بجد بيوصل المعلومه بسهوله ويسر ، وكمان بيحبب الناس فيدينهم مش متعصب من الاخر.

- كل الشباب بتحبه وانا بحبه في الله . وبحس فيه بأخلاق المسلم واللي نفسي شريك حياتي يبقي زيه تماما .

- اخر قدوه كانت مدرسه عندنا اسمها "ساميه سعيد" بردوا كانت بتعمل ندوات دينيه وبتعلمنا كتير في اصول ديننا فنفسي إن شاء الله أعمل زيها .

31- عندما تكونين وحيدة، ما الذي تفعلينه لتبددين وحشة الوحدة ؟

وحيده من ناحيه ايه اصلها في نظري نوعين

1_اني أبقي وحيده وما فيش حد معايا في الحاله دي عادي بتفرج علي التليفزيون أو بقعد علي الكومبيوتر بس عمري ما أنام وانا عارفه إن مافيش حد موجود في البيت.

2_أما النوع التاني وهو إني أبقي وحيده وانا بين عائلتي أو وأنا حواليا ناس كتير بس حاسه بالوحده في صميمي ده شعور صعب أوي أوي وبحس بيه كتير جدا ، انا من النوع اللي بيرتاح لما بيبكي ، بعد ما أخلص الدموع اللي عندي ، بحاول انسي لأن ما فيش حاجه تستاهل كل ده. بس في الاخر بلجأ لربنا بأنه يهديني وبعد كده ما بيبقاش في وحده خالص.

32-هل فكرتي في الموت من قبل..و اذا كانت الاجابة نعم..هل اثر هذا عليكي؟

نعم ، بس ما تأثرتش طبعا لاني حسيت اني لسه ما عملتش رصيد من الحسنات اللي تأهلني لدخول الجنه. والتفكير ده كان في ثانوي بس مش فاكره ليه كانت عقولنا صغيره أوي

وكانت المدرسه بتاعتنا تقولنا ان التفكير في الموت حرام وعلشان يبقي حلال بنغيره لدعاء وهو " يارب لو كان في الموت راحه ليا فأرحني به "

بس دلوقتي أدركت ان ده غلط وانه تفكير الناس الضعيفه المستسلمه ... وبس

33_ كلمة تحبى تسمعيها دائما ؟ ومن مين تحبى تسمعيها ؟

الكلمه هي الدلع بتاعي " روبي " وبحب اسمعها أوي اوي من بابا لانها بطلع منه غير اي حد يعني هو مبسوط مني.

وكلمه تانيه بس من غير ما تضحكوا كلمه " اسمالله عليكي " وبحب اسمعها من جدتي .

34_أصعب قرار أخذتيه فى حياتك؟

إني بعد ما كنت علمي في تانيه ثانوي حولت أدبي في تالته ، طبعا علشان مجموعي في سنه تانيه اللي لحد دلوقتي مش عارفه الغلط كان منين . لأني بعد ما حولت ادبي غيرت مسار حياتي وأتبدلت أهدافي وطموحاتي بعد ما كان نفسي أدخل كليه الصيدله سبحان الله بقيت دلوقتي أداب فلسفه

بس أرجع وأقول اكيد ربنا شايف اللي انا مش شيفاه. الحمد لله علي كل شئ .

35_هل انتي مع مقولة ان الحب الاول وهم كبير؟

مش عارفه بس كل واحد ليه وجهه نظره

يعني بيبقي وهم كبير للي بيحب في سن صغير يعني مالهوش تجارب سابقه فبيكون بيحب بكل قوته وشعوره عفويا يعني، وبعدين يفاجئ بإنه لوحده وإن الطرف الاخر يقوله بعد كل ده انه وهم كبير وإننا لسه صغيرين علي الكلام ده .

أما لما يكون الحب الاول هو الحب الاخير فما اجمله واطهره من حب إن يكون ولائك وحبك لشخص واحد طول العمر فاكيد في الحاله دي بيكون مش وهم ولا شئ من هذا القبيل .

و هل تؤمنين بنظرية الحب من اول نظرة؟

الحب من اول نظره ، لأ . انا ممكن أسميه اعجاب ثم بعد ذلك يتحول إلي حب .

إزاي افرض اللي عيني وقعت عليه وحبيته طلع متزوج ولا خاطب ولا حتي ممكن يطلع يهودي

هو ده رأيي اللي أنا شيفاه .

36- شئ او شخص غير مجرى
حياتك؟؟

هو ممكن يكون شخص ، وهي تبقي مريم زميلتي . سبحان الله مع إنها بنت زيي بس بتخاف عليا

لدرجه إن أختي بتقولي محسساني إنكم مخطوبين لبعض . يعني تعتبر بمثابه الرقيب علي أفعالي

بتحاول تخليني ما أتنازيلشي عن حقي وإني أكون جريئه شويه . وبتخفف عني كتير مهما قلت مش هوفيها حقها ربنا يخليها ليا يا رب وميحرمناش من بعض أبدا .

37-لو معاكي الفانوس ابو 7 طلبات ايه ال7 طلبات اللي هتقولي للعفريت عليهم؟

العفريت بقه هيبقي زي بتاع زمان اللي بيقول شبيك لوبيك عبدك وبين إيديك

ولا زي عفرتو ويكون مش بيعرف يعمل حاجه يقولي لاتطلب الصحه ولا النيسكافيه ههههههههه

لو الاولاني بتاع زمان هطلب

1. إن الزمان يرجع لوراء ويجيب امتحان ثانويه عامه سهل وأدخل كليه الصيدله ، وأكيد بالطلب ده هحل مشكله جيل يعني اللي كان عايز يدخل إعلام أو ألسن يدخل .

2. إن بابا يبقي عنده شركه سياحه وممكن أبقي أقوله يشوفلك شغل يا إيهاب هههههههه أنا بهزر طبعا وأنت عارف .

3. وأنه يبني مدينه من المدن الجديده للناس اللي محتاجين منازل لأنهم بيصعبوا عليا اوي وبأجور رمزيه اللي عايزين يدفعوه ، واللي يتحصل من الفلوس يتبرعوا بيه لمستشفي الاطفال 57357 . وعلي الحال ده كل شهر إن شاء الله .

4. إني أغير منطقه سكني وأسكن في منطقه كويسه ، مش لازم فيلا طبعا لاني بخاف من الفيلل بحس إن ما فيهاش أمان ، لكن الشقه بابك مقفول عليك وبتبقي مطمئن .

5. أكيد بقه هنتجه للطلبات الماديهيعني أكيد هطلب المال وبواسطته هعمل حاجات كتير.

6. هبني مجمع خيري يكون فيه " مسجد ، مستشفي ، مدارس ، وطبعا دار تحفيظ القران "

7. هسيب رقم سبعه ده للمستقبل أكيد هحتاجه في يوم من الايام .

أنا كنت بقترح إنك تخليهم 3 طلبات بس يا أيهاب 7 كتييييييير أوووووي .

38-هل ممكن تغيري من نمط شخصيتك او طريقة تعاملك مع الناس نتيجة لموقف معين؟
ايوه ممكن ووارد جدا إني أغير من نمط شخصيتي أو طريقه تعاملي مع الناس تتيجه موقف معين

بس أكيد بردوا إن التغيير ده هيبقي للأحسن بالنسبالي.

وبعدين الناس هي اللي بتجبر الواحد علي انه يغير من أسلوب تعامله معاهم لان الانسان بيتعامل بسجيته وبطبيعته لكن معظم الناس أفعالها مصطنعه بقت افعالهم علي حسب الموضه يعني لو كدب كله يقلد ويكدب ولو قله احترام بردوا بتتقلد وهكذا.

بس أنا لما اغير من طريقه تعاملي هتبقي حسب الموقف وتبعا للشخص اللي حصل معاه الموقف وأكيد هفضل بطبيعتي مع الاخرين.

معلش يا جماعه اضطريت اقسم الاجابات علشان تكفي وده بجد اخر جزء

39- حلم لاتستطيعين
تحقيقه؟؟

إني كان نفسي أطلع دكتوره صيدله بس طبعا ولا حياه لمن تنادي خلاص الحلم ده أصبح سراب بالنسبالي .

بس الحمد لله علي كل شئ أكيد ربنا أختاري الاحسن .
40-اسم
butter_fly

ايه السبب في اختيارك ليه؟
الصراحه أنا كنت بدور علي اسم أعمل بيه ايميل لغايه ما سألت يعني ايه فراشه بالانجليزي وعرفت انها butterflyوبعدين عجبني الاسم أوي وخصوصا اني بحب الفراشات جدا

بحس انهم عايشين بحريه . من الاخر بحس انها في اطوار حياتها مثلي , بمعني أنها في اول حياتها بتبقي دوده قز لا حول لها ولا قوه وبعدين بتنسج الحرير اللي بتعمل منه شرنقه لغايه ما ربنا يفرج عنها وتبقي فراشه وتعيش بحريه.

اما بقي بالنسبه لي إن أنا لاحول لي ولا قوه ومحبوسه بردوا في شرنقه لكنها من حريروإن شاء الله هييجي الوقت اللي اعيش فيه بحريتي ... وبس

اكتر سؤال عجبك و اكتر سؤال اتضايقتي منه في الاسئلة
و سؤال كان نفسك تتسأليه و مجاش
و سؤال كنتي خايفة منه و مجاش
أكتر سؤال عجبني

هو السؤال بتاع الوزاره لإني اتخيلت نفسي قبل كده في المنصب ده من ساعه ما اتفرجت علي برنامج " وزاره ما تمت " .

أكتر سؤال اتضايقت منه

لأ ، هو ما فيش سؤال اتضايقت منه ولا حاجه . هو بس ممكن اكون اتحرجت من السؤال بتاع أكتر موقف محرج. أو اتضايقت من السؤال بتاع أكتر موقف جرئ لأني للأسف مافيش موقف جرئ عملته . وبس ...

سؤال كان نفسي أتسأله ومجاش هو

لو عرفت إن في دعاء مستجاب ممكن أدعيه ؟ إيه هو ؟ وتدعيه لمين ؟ وليه؟

_ الدعاء هو " يارب هب لخالتي من لدنك ذريه صالحه إنك سميع الدعاء "

_أدعيه لخالتي الوحيده

_والسبب إن ربنا لسه ما أرادشي إنه يرزقها بالذريه الصالحه .

سؤال كنت خايفه منه ومجاش

لأ ، هو اللي خايفه منه موجود في الاسئله يعني مثلا السؤال بتاع علاقتك بأفراد أسرتك

والسؤال بتاع الحب . بس الحمد لله جاوبت عليهم بدون خوف.

و في النهاية..كلمة بتوجيها لاعضاء المنتدي....

أحب أقولهم أنتوا أجمل ناس انا قابلتهم في حياتي ، وإن ده أجمل منتدي انا أشتركت فيه من ناحيه أعضاؤه واصدقائه . إن أنا كان نفسي من زمان يكون ليا أصحاب كتير والحمد لله لقيتهم خلاص

وأخــــــــيــــــــــرا أقولهم " أنا بحبكم أوي " .

و كلمة بتوجيها للعبد لله؟

أولا ما تخافش مش هقولك حسبي الله ونعم الوكيل ، بالعكس أنا قلتلك قبل كده متشكره انك أختارتني عالكرسي ، بقولك ميرسي أوي علي الاسئله الجميله والمتنوعه دي.

وأنا بحمد ربنا إني أتعرفت علي شخصيه زيك ،وبتمنالك النجاح العاجل يا رب .

بتمني إني ما كنتش ضيفه تقيله علي الكرسي ، وإني أكون عند حسن ظنكم بي .

ودلوقتي أقوم من علي الكرسي واسيبه للضحيه القادمه . مع السلام عليكوا.

detective_h كتب:: بسم الله الرحمن الرحيم

شكرا يا احمد علي التوضيح و نقل الرسالة

بس انت نسيت تنقلينا سبب تحديد مدة الكرسي من الاساس

انا شايف انه مفيش داعي من الاساس لتحديد مدة الكرسي

لان في ناس عندها ظروف و متبقاش موجودة خاصة ان احنا في مصيف زي ما انت عارف و اكيد كله بيخرج و يصيف

عشان كدة زي ما انت شايف المنتدي في كتير من اعضاؤه مبيدخلوش

و نفترض انه تم تحديد مدة الكرسي...يبقي الذاي و باي منطق يعني تكون يومين؟

دا علي اساس ان انا بقي مواريش غير الكمبيوتر طول النهار؟

و ليه كمان تم تحديد الاسئلة..

ليه بنمشي الموضوع كدة

ما كل اللي عايز يسال اسئلة و يسألها

و العضو يجاوب براحته

مفيش ما يستدعي العجلة

خاصة ان مفيش غيرك انت و نجم بس اللي منزلتوش

يعني تعرف تقولي بعد ما نخلص رباب و ان شاء الله تنزل انت و نجم

هنعمل ايه في موضوع كرسي الاعتراف؟

اكيد هنشوف أفكار تانية

و لحين هذا الوقت..مفيش اي داعي للعجلة و السرعة

و لا بقي للتحديد و لا عدد الاسئلة يبقوا كام؟

لان انا ممكن اه التزم باطار ال20 سؤال

بس اخلي كل سؤال جواه 50 سؤال

يا ريت تبلغنا سبب القرار دا ايه يا احمد

و لو اني علي يقين انه بسببي

عشان اتأخرت في الاجابة..بس زي ما انت عارف دا مكانش بايدي

لاني كنت بشتغل

و عايز اعرف قصدك ايه.باننا بنزودها

اظن انت كنت حاضر زمان و شفت الكرسي كان بيخلص في قد ايه

دلوقتي الكرسي مبيعديش بالكتير 4 او 5 ايام

معتقدش انه قرن من الزمان يعني

و نصيحة ليك يا ابو حميد....

خليك ايزي احسن..بلاش اللهجة دي..لانها مش لايقة عليك

احنا عارفينك طول عمرك شخصية بتحب الهزار

شكرا

و منتظر ردك............ان وجد

بحكم منصبى و هو بالاساس اشراف فتعملنا ان نفرق بين الشغل و بين الهزار و اسف يا ايهاب ده قرار متخذ من المدير العام و مصدق من المشرف العام و قضايه

اجابات جامده يا رباب موقف الحصان ده لذيذ يعنى انتى بتقوليه بضحك دلوقتى بس اكيد وقتها كنتى مرعوبه هههههههههه ربنا يخليكوا لبعض انتى وصاحبتك وربنا يرزق خالتك ان شاء الله واسمالله عليكى يا رباب اجابات جميله هههههههههه

ههههههههههههههههههههههه
ربنا يخليكي يا ساره انت اللي ردك أجمد والله
أكيد طبعا وقتها كنت هموت من الرعب
امين يا رب العالمين
ميرسي جدا ليكي يا ساره ياقمر

أفضل خبر علي المستوي العالمي

مش هقول احداث 11 سبتمر لانهم صعبوا عليا لان معظم اللي ماتوا مالهومش ذنب

هقول يوم ما بوش اتضرب بالجذمه ههههههه
عشان كدة و هو طالع من البيت الابيض لموا كل الاحذية من المواطنين الامريكيي
و الولايات المتحدة كلها كانت حافية في اليوم دا
كنت فرحانه أوي اوي مش عارفه ليه كان نفسي انا اللي اضربه . وبردوا إن شاء الله افضل خبر نفسي اسمعه لما ربنا يخسف باليهود الارض ويسيبوا العرب في حالهم .

مش امنياتك لوحدك يا رباب
بس للاسف مش بالكلام و لا بالدعا عليهم

لكن بالعمل و تشغيل الدماغ
و توحيد مواقف العرب جميعا ضد العدو المشترك
26-
اكتر موقف جريء عملتية ؟

أكيد طبعا بما إني خوافه بعض الشئ ، ومتهيألي إني أكتر موقف جرئ بالنسبالي هيكون أقل موقف بالنسبالكم .

فلو تسمحولي إني أؤجل هذا السؤال لحد ما يحصلي موقف جرئ وأنا بنفسي اللي هحكيهولكم

أوك

the great escape .
بس كنا عايزين نعرف ايه هو الموقف يا رباب حتي لو انتي مش معتقده انه جرئ

خلاص..سماح المرادي
نيهههههههههها
27-حدث مضحك يجعلك تبتسمين كلما تذكرته ؟

اولا هههههههههههههههه

الحدث ده كان اول وان شاء الله اخر مره يحصلي في حياتي وهو ينفع قصه والله

كان تاني يوم عيد الفطر وكنت في أولي ثانوي وكنت انا ومريم زميلتي رايحيين نخرج ولسه هنحود من الشارع بتاعنا بنبص لاقينا حصان بس كبيييير اوي اللي يشوفه يقول جمل مش حصان وكان الحصان للاسف مش مربوط وكان سادد الشارع هو والعربيه بتاعته وواضح انه وقع في غرامي من اول نظره ولسه هنرجع تاني علشان نروح من طريق اخر لاقيناه جي ورانا وايه بيجري طبعا بما اني بخاف من الصرصار فما بالكم بالحصان أكيد طبعا قعدت اجري وهو ورايا انا مع إن مريم وقفت علي جنب لكنه اتبعني انا وانا عماله أبكي وأصرخ لغايه ما لقيت بيت دخلت فيه والحمد لله كان بابه بيتقفل ولكن الحصان لم ييأس وفضل واقف قدام الباب لحد ما صاحبه شافه وراح علشان يمسكه قام رايح ناحيه مريم وفضل يجري وراها وانا طبعا بعد ما كنت ببكي قعدت اضحك لأن من ستر ربنا إن محدش شافني بس مريم صاحب الحصان شافها وهي بتجري.

وبس ... أسفه لو كنت طولت عليكوا

نيهههههههههههههههههههههها
لا ابدا بالعكس

الله يكون في عونك صراحة في اليوم دا
بس اكيد الحصان زي ما انتي قولتي وقع في الحب من اول نظرة
نيههههههههههههههههههههها .

29- لو حكمتي العالم ليوم واحد ياتري هتعملي ايه؟

تاني إذا كان الوزاره واستقالت أمال العالم هعمل ايه

أولا هشيل إسرائيل من علي الخريطه دي لو كان ليها مكان اصلا

ثانيا هوحد الامه العربيه و أجعل لها خليفه أو رئيس واحدوداخل الدولهعين زي المحافظين دلوقتي بوظيفه الرؤساء بس الكلمه الاولي والاخيره لرئيس الامه العربيه

تقريبا نفس نظريتي عن الجيش العربي الموحد في اجاباتي عالكرسي
بصرة تالتة كدة
ثالثا هسهل السفر والانتقال بحريه داخل الدول العربيه بعضها لبعض

واكيد ان شاء الله هعمل حاجات كتير.

37-لو معاكي الفانوس ابو 7 طلبات ايه ال7 طلبات اللي هتقولي للعفريت عليهم؟

انا كنت ناوي اجيب 3
بس بعد ما دخلت فيلم طير انت قولت خليهم 7
نيهههههههههههها
العفريت بقه هيبقي زي بتاع زمان اللي بيقول شبيك لوبيك عبدك وبين إيديك

ولا زي عفرتو ويكون مش بيعرف يعمل حاجه يقولي لاتطلب الصحه ولا النيسكافيه ههههههههه

لو الاولاني بتاع زمان هطلب

1. إن الزمان يرجع لوراء ويجيب امتحان ثانويه عامه سهل وأدخل كليه الصيدله ، وأكيد بالطلب ده هحل مشكله جيل يعني اللي كان عايز يدخل إعلام أو ألسن يدخل .
قول للزمان ارجع يا زمان
2. إن بابا يبقي عنده شركه سياحه وممكن أبقي أقوله يشوفلك شغل يا إيهاب هههههههه أنا بهزر طبعا وأنت عارف .
لا..انا مكان شغلي معروف زي ما كان شريف منير بيقول
في جهة امنية
نيههههههههها
3. وأنه يبني مدينه من المدن الجديده للناس اللي محتاجين منازل لأنهم بيصعبوا عليا اوي وبأجور رمزيه اللي عايزين يدفعوه ، واللي يتحصل من الفلوس يتبرعوا بيه لمستشفي الاطفال 57357 . وعلي الحال ده كل شهر إن شاء الله .
احييكي و الله انك بتفكري بالطريقة دي
و كمان نخلي العفريت يشوف حل لمشكلة اطفال الشوارع
4. إني أغير منطقه سكني وأسكن في منطقه كويسه ، مش لازم فيلا طبعا لاني بخاف من الفيلل بحس إن ما فيهاش أمان ، لكن الشقه بابك مقفول عليك وبتبقي مطمئن .
خلاص
تحبي تسكني فين و انا اكلم العفريت بتاعي
انا عندي عفاريت من كل دول العالم
امريكي..ايطالي...فرنسي...صيني سا هونج فو...روسي..
و عندي عفاريت من شرم و مارينا و الغردقة و ابو خروف
نيههههههههههههها

5. أكيد بقه هنتجه للطلبات الماديهيعني أكيد هطلب المال وبواسطته هعمل حاجات كتير.
هتطلبي كام؟

6. هبني مجمع خيري يكون فيه " مسجد ، مستشفي ، مدارس ، وطبعا دار تحفيظ القران "
الله يباركلك يا فالانتينو

7. هسيب رقم سبعه ده للمستقبل أكيد هحتاجه في يوم من الايام .
محدش عارف المستقبل مخبي ايه؟

أنا كنت بقترح إنك تخليهم 3 طلبات بس يا أيهاب 7 كتييييييير أوووووي
نيهههههههههههها

لا 7 عشان يبقي زي فيلم طير انت

بحييكي علي اجاباتك الرائعة و الجميلة و الظريفة جدا يا رباب
و كان كرسي لذيذ و الله
و انا عن نفسي استمتعت باجاباتك الجميلة
شكرا ليكي علي جلوسك علي الكرسي و اهتمامك بالاجابات
و اتمني انك تحققي كل امنياتك اللي بتحلمي بيها
و ربنا معاكي و دائما الي الامام

امضاء
detective-hopa
تحريرا في
5-8-2009
في تمام الساعة
03:54 am

.

ماشاء الله عليكي
اجاباتك بتوضح قد ايه انتي شخصية جميله وبتتعاملي مع الحياه بمنتهي البساطه
بجد انا استمتعت جدا باستعراض اجاباتك
وبقوللك ميرسي علي كرسي الاعتراف الجميل ده
وشكرا

إيهاب

بشكرك جدا علي ردك الجميل ده في كل حاجه الصراحه

أفضل خبر علي المستوي العالميمش هقول احداث 11 سبتمر لانه مصعبوا عليا لان معظم اللي ماتوا مالهومش ذنب
هقول يوم ما بوش اتضرب بالجذمه ههههههه
عشان كدة و هو طالع من البيت الابيضلموا كل الاحذية من المواطنين الامريكييو الولايات المتحدة كلها كانت حافية فياليوم دا
كنت فرحانه أوي اوي مش عارفه ليه كان نفسي انا اللي اضربه . وبردوا إن شاء الله افضل خبر نفسي اسمعه لما ربنا يخسف باليهود الارض ويسيبوا العرب في حالهم .
مش امنياتك لوحدك يارباب بس للاسف مش بالكلام و لا بالدعا عليهم لكن بالعمل و تشغيل الدماغ و توحيد مواقف العرب جميعا ضد العدو المشترك

أكيد طبعا زي ما أنت بتقول ، بس احنا ما نملكش غير الدعاء وانا عارفه إنده أضعف الايمان

بس صدقني لو قدامي فرصه إني أعمل أي حاجه هعملها إن شاءالله

26- اكتر موقف جريء عملتية ؟أكيد طبعا بما إنيخوافه بعض الشئ ، ومتهيألي إني أكتر موقف جرئ بالنسبالي هيكون أقل موقف بالنسبالكم .فلو تسمحولي إني أؤجل هذا السؤال لحد ما يحصلي موقف جرئ وأنا بنفسي الليهحكيهولكمأوك

the great escape
.بس كنا عايزين نعرف ايه هو الموقف يا رباب حتي لو انتي مش معتقده انه
جرئ خلاص..
سماح المرادي نيهههههههههها

صدقني مش هروب ولا حاجه انابجد متهيألي إني ما عملتش موقف يطلق عليه لفظ الجرئ قبل كده

وانا كنت بقول انه الموقف قليل بالنسبالكم علي سبيل المثال والتوضيح مشأكتر

ومتشكره جدا لكرمك أنك سامحتني هي دي أخلاق المحققين

هههههههههههههههههه

وبالنسبه لموقف الحصان الحمد لله إن ربنا كان في عوني

وفعلا عندك حق الحصان وقع في غرامي من أول نظره

هههههههههههههههههه

اه والسؤال بتاع احكم العالم ده

تقريبا نفس نظريتي عن الجيش العربي الموحد في اجاباتي عالكرسي
بصرة تالتة كدة
والله جايباه بمجهودي ومغشيتشه هههههههههههه

كويس ان في بصره تالته والله

37-لو معاكي الفانوس ابو 7 طلبات ايه ال7 طلبات اللي هتقولي للعفريتعليهم؟
انا كنت ناوي اجيب 3
بس بعد ما دخلت فيلم طير انت قولت خليهم 7
نيهههههههههههها

أوك ، بس أكيد احمد مكي عرف يستغلهم كويس في الفيلم لكن لو في الحقيقه أكيد هيحتار حيرتي

العفريت بقه هيبقي زي بتاع زمان اللي بيقول شبيك لوبيك عبدك وبين إيديك

ولا زي عفرتو ويكون مش بيعرف يعمل حاجه يقولي لاتطلب الصحه ولا النيسكافيه ههههههههه

لو الاولاني بتاع زمان هطلب

1. إن الزمان يرجع لوراء ويجيب امتحان ثانويه عامه سهل وأدخل كليه الصيدله ، وأكيد بالطلب ده هحل مشكله جيل يعني اللي كان عايز يدخل إعلام أو ألسن يدخل .
قول للزمان ارجع يا زمان

اه والله عنك حق ، انت بتحب ام كلثوم زيي؟؟؟
2. إن بابا يبقي عنده شركه سياحه وممكن أبقي أقوله يشوفلك شغل يا إيهاب هههههههه أنا بهزر طبعا وأنت عارف .
لا..انا مكان شغلي معروف زي ما كان شريف منير بيقول
في جهة امنية
نيههههههههها

طيب ، كويس إنك لاقيت شغل ، والنبي تبقي تشوفلي وظيفه خاليه عندك

إن شاالله زي سحس بومب ههههههههههه
3. وأنه يبني مدينه من المدن الجديده للناس اللي محتاجين منازل لأنهم بيصعبوا عليا اوي وبأجور رمزيه اللي عايزين يدفعوه ، واللي يتحصل من الفلوس يتبرعوا بيه لمستشفي الاطفال 57357 . وعلي الحال ده كل شهر إن شاء الله .
احييكي و الله انك بتفكري بالطريقة دي
و كمان نخلي العفريت يشوف حل لمشكلة اطفال الشوارع

يارت والله ، بس متهيألي إن المشكله دي حتي العفاريت مش هيقدروا يحلوها

4. إني أغير منطقه سكني وأسكن في منطقه كويسه ، مش لازم فيلا طبعا لاني بخاف من الفيلل بحس إن ما فيهاش أمان ، لكن الشقه بابك مقفول عليك وبتبقي مطمئن .
خلاص
تحبي تسكني فين و انا اكلم العفريت بتاعي
انا عندي عفاريت من كل دول العالم
امريكي..ايطالي...فرنسي...صيني سا هونج فو...روسي..
و عندي عفاريت من شرم و مارينا و الغردقة و ابو خروف
نيههههههههههههها

ههههههههههههه ، لأ خلاص أنا راضيه بنصيبي لسه هننقل وكده . لأ كده مستريحيين

5. أكيد بقه هنتجه للطلبات الماديه يعني أكيد هطلب المال وبواسطته هعمل حاجات كتير.
هتطلبي كام؟

يعني ، اكيد مبلغ محترم حوال 150 جنيه كده ههههههههه
6. هبني مجمع خيري يكون فيه " مسجد ، مستشفي ، مدارس ، وطبعا دار تحفيظ القران "
الله يباركلك يا فالانتينو

أوك يا بوحه ، بس انا والله مش بهزر

7. هسيب رقم سبعه ده للمستقبل أكيد هحتاجه في يوم من الايام .
محدش عارف المستقبل مخبي ايه؟

ربنا وحده اللي يعلم

أنا كنت بقترح إنك تخليهم 3 طلبات بس يا أيهاب 7 كتييييييير أوووووي
نيهههههههههههها

لا 7 عشان يبقي زي فيلم طير انت

بحييكي علي اجاباتك الرائعة و الجميلة و الظريفة جدا يا رباب
و كان كرسي لذيذ و الله
و انا عن نفسي استمتعت باجاباتك الجميلة
شكرا ليكي علي جلوسك علي الكرسي و اهتمامك بالاجابات
و اتمني انك تحققي كل امنياتك اللي بتحلمي بيها
و ربنا معاكي و دائما الي الامام

ربنا يخليك يارب الشكرلله

وانا كمان بتمنالك الخير في كل اللي بتتمناه

ميرسي جدا ليك يا ايهاب وانا كان ليا الشرف إني أتعرفت بيكوا والله

أحمد

ماشاء الله عليكي اجاباتك بتوضح قد ايه انتي شخصية جميله وبتتعاملي مع الحياه بمنتهي البساطه بجد انا استمتعت جدا باستعراض اجاباتك وبقوللك ميرسي علي كرسي الاعتراف الجميل ده وشكرا

ربنا يخليك يا أحمد يارب

والله مش عارفه أقولك ايه علي الكلام الجميل ده

علي رأيك أنا كده هتغروالله ههههههههههه

لا شكر عليواجب

متشكره جدا علي ردك وانا مبسوطه إنه عجبك

ثاااااااااااااااانكس

رباب
اجابات جميلة
وانتى بجد مااشاء الله عليكى
باين انك شخصية جميلة جدا
وربنا يوفقك دايما يارب

ربنا يخليكي يا ايه يا رب
ده بس من زوقك
ده انتي الاجمل والله يا قمر
امين يا رب ويوفقك انتي كمان في كل اللي بتتمنيه
ثاااااااااااااااانكس يا ايويه

احمد حسن
مفتكرش ان موضوع يومين كحد اقصى للاجابة دة قرار صح
يومين لية والمنتدى كلة اصلا مش مكمل 10 اعضاء واحنا فعلا مشرفين نفسنا
ومفتكرش ابدا ان الموضوع معقد اوى كدة فى المنتدى عشان نبقى رسمى وقرارت وشغل
هما فين اصلا عدد الاعضاء الكبير اللى محتاجين مدير ومشرف عام ومشرفين تحتية دة واحد بس ممكن يقوم بكلة
وواضح من كلامك ان دة اصلا مش رأيك وسواء انت او مدير المنتدى فاحنا اصلا مش بنشوفكم كتير على المنتدى ورغم كدة الموضوع ماشى كويس
فبلاش نعقد الموضوع على الفاضى

يا ايه ...المفروض اللى بتقليه ده يتوجه لصبري مش لاحمد

الا اذا كان احمد هو صاحب القرار مش زى مقال ............ايييييه الكلام يا ابو حميد

انا اصلا مش عايزة اوجة لحد بس انا قلت احمد لان احمد اللى كان كاتب الكلام
وكل اللى عايزة اقولة ان الموضوع ابسط من كدة بكتير

حركات سورى مش حقدر اتكلم معاك بالفاظ حركات وبطحة والحاجات دى
وعموما اتشال ماتشالش ميهمش بس هو اتشال وردى عليك اتشال رغم انة مكانش فية كلمة غلط
وميهمنيش انى احط الرد تانى مش محتاجة اصلا

مبررررررررررررروك

ايه الكلام اللى مش مفهوم ده

~*كرسى الاعتراف*~

~كرسى الاعتراف~