~كرسى الاعتراف~

تذكير بمساهمة فاتح الموضوع :

لالالالالالالالالالالا
حرام والله
قرعة اية
انت كنت عايز كدة من الاول
طيب والنبى الرحمة عشان عندى امتحانات
وشكرا على الاختيار الفظيع دة

بلاش قرف

هههههههههههههههههههههههههه

القفش ابتدى

كنت لسه بتقول ان عيوبكانكبتقفش

وكمان اننته فقر يا احمد يا حسن
انته بترمى طوب مش بتتكلم

يا عم انت كمان
روح اقعد علي جنب بالعيل اللي شايله في ايدك دا

الله الله الله

طب والله لسلط عليك
تومكروز يهزئك

يا توم يا توم

ياااااا توووووووووووووووم

انت و توم كروز و هوليوود كلها

يا جماعة بالراحة شوية انا بقولكم اللى عندى و خلاص

ايهاب اجاباتك جميلة اوى وبحس انك بتتكلم قدامى وبتتكلم بوضوح وتلقائية
الله ينور وربنا يوفقك وتحقق كل اللى بتتمناه
ومتشكرة جدا على تحليلك لشخصيتى بجد كلام كتير عليا اوى
وربنا يعلم يا ايهاب انت من الشخصيات اللى اعتز بمعرفتها واتشرفت انى اتعرفت عليها
وربنا معاك ويوفقك واعذرنى لانى مش كنت متابعة بس كان غصب عنى بسبب النت والله
شكرااااااااااا كتير ياايهاب وبانتظار الباقى ان شاء الله

اجابات جميله يا ايهاب وارجو انك فعلا تحاول تقلل من عصبيتك والقفش لانه واضح انه لسه موجوده المشكله دى والشخص الى انت زعلان منه اوى ده قول بس حسبى الله ونعم الوكيل فيه لو ظلمنى بس ماتدعيش لان الدعوه بتترد عليك انت
بس اجابات جامده وفى انتظار باقى الاجابات ربنا يوفقك

ضحي...شكرا جزيلا علي ردك الجميل دا
وشكرا علي رأيك في الاجابات و علي رأيك في شخصيتي

دا بعض مما عندكم و الله

و متغيبيش عننا تاني
عشان المنتدي مش ناقص كل شوية
عضو من اعضاؤه المميزين ميدخلش

سارة...
شكرا ليكي علي اهتمامك و متابعتك للكرسي

اما بخصوص مشكلة القفش دي فهي مشكلة أذلية
و هي مش متعلقة بالشخص دا بس
و بعدين بس انا مش هدعي عليه..انا لو اطول اقطعه حتت..مش هتردد في ذلك

و شكرا علي مرورك و رأيك في الاجابات

فييييييييييييييييييييييييييييييييييييييييين باقي الاجابات يا برنس
انت مش ناوي تنزلها ولا ايه؟

اسف جدا علي التأخير يا جماعة
بس اعذروني و الله مش بايدي

انا هنزل جزء من الاجابات دلوقتي
و ان شاء الله هحاول اخلص الكرسي في الاجازة دي

20 – هل تؤيد الزواج العاطفي ام التقليدي؟؟؟؟ ولماذا ؟؟؟؟

انا مش هعمل فيها روميو و اقولك انا اؤيد الزواج العاطفي
انا هكون واضح و اقولك ان كل نوع ليه مميزاته و عيوبه اللي اكيد كلنا عارفيينها
بس انا عن نفسي..لو حبيت اتكلم فيما يتعلق بي
فانا أؤيد الزواج العاطفي
يعني لازم تكون شريكة حياتي انسانة بحبها و هي كمان بتحبني
لان انا شايف ان الزواج اللي مبني علي حب
و معرفة كاملة من الطرفين للاخر
سواء بالنسبة للمميزات أو العيوب
هو أفضل انواع الزواج

بس دا ميمنعش اني لو ملقيتش الانسانة دي
يبقي لازم هجرب الزواج التقليدي
و هختار الانسانة اللي استريحلها نفسيا
و يأتي الحب و الوفاق و التفاهم بعد الزواج او لا يأتي
فهي مسألة تخضع للظروف و طبيعتي و طبيعة هذه الانسانة

وهل يفكر الرجل في الزواج من اجل الاستقرار فقط وليس تتويج الحب؟؟؟

و الله لا يمكن اطلاق احكام عامة
بس فعلا معظم الرجال عندهم نظرية غريبة جدا
يعني ممكن يحب و يصاحب و يدخل كمان في اشياء اخري
و لما ييجي يتزوج يدور علي شخصية صفاتها متناقضة تماما عن الشخصية التي كان علي علاقة بها
يعني اختيارات ما قبل الزواج مختلفة عن اختيارات زوجة المستقبل
الصفات او الاشياء اللي كان معجب بيها في صديقته
لازم متبقاش موجودة في الزوجة اللي هيختارها
و دا صراحة يدخل تحت الازدواجية عند الراجل الشرقي
و اقدر اقولك ان 70 من الرجال ان لم يكن اكثر
يبحثون عن الاستقرار عند اختيار الزوجة
و ذلك طبقا لاعتبارات عديدة

وهل فعلا اذا اتجرح مره يجرح كتييير ؟؟؟

ويكون صارم في بيته وهذا ما يجعله

عديم الاحساس بالمرأه؟؟؟؟

لا برضو مش شرط
و الا يكون شخص غير سوي
لان مينفعش يكون الجرح العاطفي من شخصية
و اطلع دا علي شخصية اخري اللي هي غالبا هتكون زوجته

او حتي مينفعش اتجرح او اخد موقف من زوجتي نفسها
و اطلع دا عليها بعدين في صورة اشياء كثيرة اخري

لانه يا اما اواجه الموقف اللي تسبب لي في جرح او اهانة
مع صاحبة الموقف..و اعرف اخد حقي منها كويس و ارد اعتباري
يا اما اتناسي الموقف دا و مخليش فكرة الانتقام من النساء عموما تشغل بالي

لكن اني اهين او اعذب واحدة ملهاش ذنب في حاجة غير انها تكون زوجتي
او حتي لو كان الخطأ منها و اقعد بقي اعايرها و اقولها انتي عملتي و سويتي
و اعاملها معاملة سيئة نتيجة هذا

فهذا هو المرفوض تماما

و دا اللي ممكن يوصل الامور بينهم لطريق مسدود

و تنتنهي الحياة الزوجية بصور معروفة نراها و نسمع عنها كثيرا

21
الاهتمامات

برجك ايه .................................
الحوت و يقابله الثعبان في الابراج الصينية

الاكله المفضله ..............................
التونة
مش برج حوت بقي؟

العصير المفضل .............................
كوكتيل وصاية

الهوايات ......................................
الشطرنج
كرة القدم
القراءة
ممارسة لعبة البلياردو و البنج بطريقة اشبه الي الادمان
الاستماع الي الاغاني الاجنبي
مشاهدة الافلام الاجنبية
الجلوس علي الانترنت
حل السودوكو
محاولة حل الالغاز الصعبة

المطرب المفضل .........................
عمرو دياب

المطربه المفضله ..................................
أصالة

المطرب الاجنبي المفضل ...............................
enrique iglesias_backstreetboys

المطربه الاجنبيه المفضله .......................................
nelly furtado_jennifer lopez

الممثل المفضل ........................................
محمد سعد
و في القديم
عادل ادهم_عادل امام

الممثله المفضله ..........................................
مي عز الدين
و في القديم
ميرفت امين

الممثل الاجنبي المفضل ................................
jason stateham_clive owen

الممثله الاجنبيه المفضله .....................................

drew barrymore_naomi watts

الاغنيه المفضله ............................
غريبة الناس لوائل جسار

الاغنيه الاجنبيه المفضله ..................................
enrique iglesias_bailamos
susbages_too lost in you
و علي فكرة انا نزلت الاغنيتين دول عالمنتدي

الفيلم المفضل .............................

عمارة يعقوبيان
و بالنسبة للكوميدي

احترس من الخط

الفيلم الاجنبي المفضل ......................

يوووووووه..دول كتير اوي
بس هقولك افضل 10 افلام شفتهم
titanic
inside man
crash
little man
slumdog millionair
hard target
the passion of the christ
mask
transporter3
the italian jop

الصديق المفضل ...........................
عصام..بيكهام...دولة

الصديقه المفضله ............................
فاطمة...ضحي...علا

العطر المفضل.............................

blue

الرحله المفضله .........................
والله انا مش من هواة الرحلات اوي
و لما بطلع رحلة غالبا كانت بتكون في دريم بارك
القاهرة

بس انا نفسي فعلا ازور الاقصر و اسوان
و الغردقة

طبعا غير الاهرامات اللي للأسف حتي الان لم أذهب اليها

السنه الدراسيه المفضله ............................
سنتا السنوية العامة
2003-2004
2004-2005

و بالذات
2004-2005
و علي عكس ما قد يتخيل البعض ان سنوات الثانوية العامة
قد تكون من اصعب و اسوأ الستوات علي الطالب

الا ان الأمر كان مختلف معي

لأن بمنتهي البساطة كنت بحب المذاكرة جدا
و خاصة مواد العربي و الاحصاء و الرياضة 1 و الانجليزي
لدرجة اني مثلا بعد ما كنت بذاكر تاريخ او جيولوجيا
بدل ما اريح
كنت بقعد احل امتحانات رياضة في سنة2
و احصاء في سنة3
و كنت بحب المدرسة جدا
هه
أيااااااااااااااااااااااااااااااااااااااام
و دي يمكن اكتر فترة كونت فيها صداقات
و تعرفت علي اشخاص ما زالوا هم الاقرب لي حاليا

الهديه المفضله ...............................

ساعة خالتي جابتهالي في عيد ميلادي

انتظروا باقي الاجابات تباعا

بجد اجابات رووووووووووعه
وصريحه زي ما كنت متوقعه منك
وبجد معلش علي تاخيري ف الرد ..انت عارف بقي
وبجد واللهي داخله مخصوص النهارده علشان ارد علي اجاباتك
اما بخصوص
الاغنيه الاجنبيه المفضله ..................................
enrique iglesias_bailamos

الفيلم الاجنبي المفضل ......................
titanic
the italian jop
المطرب الاجنبي المفضل ...............................
enrique iglesias_backstreetboys

ف انت اللي طلعت رئيس قسم ياباشا
وبجد الاغنيه و الفيلمين دول
من اجمد الاختيارات
اقدر اقولك احسنت الاختيار فيهم وتستحق امتياز

بجد اجابات رااااااائعه وربنا معاك يااارب ف باقي الاجابات
وبجد انا مش ندمانه علي طول الاسئله -بعد موقف غرق المنتدي
وانك هتاخد كله رجاله اللي هما يقدرو يعموا- ماشي ماشي
ههههههههههههههه
لا بجد اجابات جميله و ف انتظار الباقي ان شاء الله
وان شاء الله هحاول ادخل تاني علشان ارد
بس لما تنزلهم بقي

يا بنى متكتب كله على بعض

انته حتحتكر الكرسي

دة الحمد لله انى مكنتش بتااابع الكرسي دة زمااااااااااااااااااااانن

لمياء...نورتي المنتدي و الله
و ايه الغيبة الطويلة دي
و لو اني عاذرك لان كلنا عندنا ظروف

و ميرسي جدااااااااااا علي رأيك في الاجابات و في اختيارات الاغاني

و شكرا علي دخولك المخصوص اوي
و يا ريت ترجعي تنورينا من تاني

وواضح ان لسة الحوار بتاع القارب معلم معاكي
هههههه
هو انا مقلتلكيش؟
مش دعوتكم طلعت مستجابة
و كلهم غرقوا
ما عدا العبد لله
لان انا اللي غرقتهم
يعني اللي عرف يعوم منكم و نجا بحياته
احسن من اللي جه معايا في القارب
شفتي بقي انا عندي بعد نظر الذاي
ههههه

شكرا جزيلا يا لمياء علي مرورك العطر

ادهم..امشي ياللا روح العب بعيد مع ابنك

اه صح..طعمته ضد شلل الاطفال و لا لسة؟
بدل ما يطلع لابوه
يتربي في عزك
اه صح سميته ايه؟
مخنوء..مكتئب..قرفان..كفران..تيتوس
قلنا..متخبيش علينا

هههههههههههههههههههههههههههههههههههههههههههههههههه

استظرافات متحري

شكرا يا ايهاب على اجاباتك الجميلة واللى استمتعنا بيها وياريت مش تتأخر علينا فى باقى الاجابات
وشكراااااااااااااااااااااااااااااا

ادهم...تصدق ياض ينفع اسم فيلم؟

الحقيقة وراء استظرافات متحري
الحقيقة وراء فيفا زلاطا
الحقيقة وراء تيتانيك

ههههه
شفتهم علي ميلودي؟
هههههههههههه

ضحي..شكرا جزيلا علي رأيك في الاجابات

و ان شاء الله هخلص الكرسي كله الليلادي

ياللا...استعنا علي الشقا بالله

اوك يا ايهاب
نحن في انتظار الاجابات
وربنا معاك
وبجد كان كرسي لذيذ واللهي بصراحه اجاباتك
ولو انه طول شويه
بس ولا يهمك يا باشا
انت كنت قدها وقدود
هههههههههه
ربنا معاك يا اخويا يااااااااارب
cheers

لمياء..شكرا علي مرورك و علي رايك في الاحابات و علي تشجيعك

انا دلوقتي هنزل جميع الاجابات
و اخيرا هتخلصوا مني
هههههههه

ياللا زغرط يا عم أدهم

22- يوم في حياه ايهاب في الاجازه من الاول للاخر ؟؟؟؟؟

بما انه في الاجازة
حاليا
كل الناس اللي في الشقة اللي احنا قاعدين فيها في القاهرة
بيصحوا الساعة 7
و كأننا راحين نبيع لبن
المهم
بعد كدة بننزل الموقع
و نقف في الشمس لحد ما الواحد يشم ريحة شعره و هو بيتحرق
طبعا غير كمية الرمل و التراب اللي بنشمها
في درجة حرارة 42
و بنتعامل مع اسوا انواع البشر
و لازم الواحد يطلع نوع تاني من الشخصيات
عشان يعرف يسلك مع الناس دي
و الشخصية دي معتقدش انكم شفتوها فيا قبل كدة خالص
بس لازم الواحد يتلون و يتكيف مع الاوضاع المحطة
و نفضل علي هذا الوضع المزري عربيات داخلة و عربيات طالعة
و عمال داخلة و عمال طالعة
الي ساعة الغدا
اللي بتكون الساعة 1
الساعة 2 بننزل الموقع تاني
و الشغل بيكون اخف
لانه بيكون حسابات و محاسبة سواقين العربيات
لحد ما الواحد دماغه بتقف من كتر الارقام و الحسابات
بعدين نرجع من الساعة 3و نص لحد 5
علي نفس الموال بتاع الصبح
نروح الساعة 5
و احنا مروحين بيكون الواحد مش طايق نفسه و عامل زي ما يكون وقع في شكارة جير او جبس
بعد الغدا بتيجي الساعة 7
و هنا يأتي الجزء الممتع
اتعرفت علي مهندس هناك
ساكن معانا في الشقة بقعد انا و هو نلعب شطرنج لحد الساعة 11 بالليل
و ممكن نقعد في الدور ساعتين
لانه بصراحه اذكي واحد لعبت معاه في حياتي
هو صحيح19_15
ليه..بس هغلبه برضو
بعد ما اخلص شطرنج ممكن اتفرج علي اي فيلم اجنبي شوية
او اجيب قناة ميلودي تونز
و غالبا بنام سطيحة قدام التليفزيون
و مبحسش غير تاني يوم علي صوت البطيخة اللي جاي يصحيني
اللي بتمني اني اقوم اطبق في زمارة رقبته
من كتر ما بكون عايز انام
و تبدأ المعاناه هي هي تاني
اما في الايام العادية
فانا مبصحاش قبل الساعة 2
و بعد كدة اقعد اغلس هلي كل اللي في البيت
لحد ما افوق
لو جابوا جرنال بقراه..لو مفيش فعالتليفزيون عدل
و غالبا بتكون افلام اجنبي او مطشات كورة لو في دوري انجليزي او ايطالي او شئ من هذا القبيل
و ساعات بتطلب معايا
discovery science
بعد كدة افضل مقضيها عالنت
و بعدين انزل علي محل البلياردو اللي عندنا و ممكن اقعد فيه ساعتين 3
و بعدين اخرج مع اصحابي و لو مفيش خروج بنقعد مع بعض او بنتمشي عالبحر في ابو قير
و بعدين ارجع البيت الساعة 3 الصبح اقضيها ساعة او ساعتين نت
و بعدين اذهب لسريري العزيز

بس يا عم الحج..هي دي قصة حياتي

23-

رايك في المنتدي بصراحه ؟؟؟؟

انا اعلنتها في اكثر من مناسبة ان هذا المنتدي في حاجة الي شكل جديد اكثر تنظيما مثله مثل المنتديات الكبيرة الاخري
و تقسيم افضل للاقسام و تقليل عدد المشرفين عن هذا العدد
لان المشرفين اكثر من الاعضاء انفسهم
و المنتدي نفسه في حاجة الي نوعية اخري من الموضوعات غير تلك اللي بقت مسيطرة علي منتدانا
و لو ان الحق يقال في بعض الاعضاء الجدد ليهم نوعية جديدة من الموضوعات
زي حودة..و امال
الا ان المنتدي في المجمل جيد الي حد كبير
لكنه ما زال ينقصه الكثير
حتي في الالوان و الصور و الخلفيات

لكن اكثر ما يعجبني في هذا الموضوع..
هو عمود الموضوعات الاخيرة
الذي يظهر علي يمين الصفحة
و اكثر ما لا يعجبني فيه
هي الاغنية الاجباري
اللي بنسمعها كل ما بندخل المنتدي و كل ما بننتقل من موضوع للاخر
و اللي بتسببلي تهنيجة جامدة جدا في الريال بلاير و حتي في الويندوز ميديا بلاير

ارجوك يا بروف شوف حل للمشكلة دي

و من اكثر الصفات المميزة لمنتدانا هو مدي الترابط و الصداقة و الحب بين اعضاؤه

24- رايك في بلدك ؟؟؟؟

بلادي..بلادي لكي حبي و فؤادي
مصر بلد كبير مساحته مليون كم مربع
مصر بلد لها العديد من المميزات سواء طبيعية او مناخية او سياحية
مصر عدد سكانه ليس مليار و 400 مليون مثل الصين
و لا عدد سكانه مليار و 175 مليون زي الهند
مصر عدد سكانها 83 مليون نسمة
المشكلة ليست مشكلة سكانية
او مشكلة قلة موارد
لان دولتين زي الهند و الصين و خاصة الصين
بقوا قوي من اكبر القوي الاقتصادية في العالم دلوقتي
و هما عندهم اضعاف اضعافنا من السكان
المشكلة هي عملية فساد اداري
و سوء استغلال الموارد
و عدم التعامل معها التعامل الامثل
مشكلة تواكل و افتقاد الرغبة في العمل و الانجاز
مشكلة انعدام اخلاقيات و انعدام ضمير
لان في بلاد اقل مننا بكتير من نواحي كتير بس عرفت
تستغل اليسير و تحوله الي وفير
بلد زي اليابان تربتها بركانية غير صالحة للزراعة
بلد فيها زلازل و براكين قد ايه
بلاد عرفت تخلق لنفسها مغريات سياحية مستحدثة
و للاسف بقي عدد السياح لديها اكبر مننا
بس يالعلم و التكنولوجيا و تشغيل الدماغ عرفوا من اين تؤكل الكتف
احنا الحمد لله معندناش المشاكل دي
بل بالعكس عندنا عكسها تماما..
و مع الاسف واقفين محلك سر
معدل نمو بعد ما وصل 7 و 8 في المية
رجع وصل 2.3 في المية
و ان كان يمكن لينا عذرنا بسبب الازمة الاقتصادية العالمية
بس دا مش مبرر لكل التراجع دا..لان عندنا المسئولين طلعوا عندنا و بكل غباء و استهانة بعقول الناس
و قالوا ان مصر مش هتتأثر بالأزمة و كأن مصر احسن من الصين و امريكا و اليابان و روسيا و ايطاليا و انجلترا
اللي الازمة فيهم الان طاحنة ووصلت حتي للاندية الكروية فيها
و ادينا شايفين انعكست الازمة في كل حاجة
بدءا من نسب الاشغال في الفنادق و الاماكن و الشواطئ السياحية
مرورا بانخفاض المرتبات
و التسريح الجماعي للعمال
و اعلان عدد كبير من الشركات افلاسها

لازم الجميع يبحث عن الصالح العام و ليس الصالح الخاص
لازم نركز في المشروعات الاستثمارية اللي تزود الناتج القومي علي المدي الطويل و ليس المشروعات اللي تخدم اصحابها فقط
لازم يتم وضع ضوابط و قيود علي عملية الاقتراض من البنوك
لان مش كل واحد ياخد 10 20 مليون و يهرب بيهم
و هما عالم ولاد كلب سارقين فلوس الناس الغلابة و اللي هربان في لندن
و اللي هربان في باريس
يبقي تغتكروا طول ما مصر كدة ..هل ممكن تتقدم و تطلع من مرحلة الدول النامية؟

لا بد من تغيير الدماء

وحال شبابها ؟؟؟؟
للاسف كل ما بيتقدم بنا الزمن
حال الشباب بيزداد سوءا
و دا انعكاس للوضع العام في المجتمع

الشباب اصبح تافه..سطحي...منحرف..لا يعرف شئ في اي شئ
سواء عن بلده او تاريخ بلده او عن دينه او عن وضع بلده او عن العالم الخارجي

سوري في اللي هقوله
(هستعير اسلوب بلال فضل في الكتابة)
كل اللي يعرفه
قرش الحشيش بيتلف الذاي
الذاي تضرب جوينت معتبر
الذاي تقل ادبك علي اهلك
الذاي تتبلطج عالناس في الشارع
الذاي تعاكس البت اللي معدية
الذاي تحرء دم اللي خلفوها و تخليها تلعن اليوم اللي عدت من الشارع اللي انت واقف فيه
الذاي تسقط البنطلون
الذاي....و لا بلاش

طبعا مش كل الشباب كدة
الكلام دا منتشر اكثر في الطبقة او الشريحة العليا في المجتمع
او من الاخر الناس اللي معاها فلوس مش عارفة توديها فين
الشباب اللي مفيش عليهم اي نوع من انواع الرقابة من الاهل

او منتشر في الطبقة الدنيا من المجتمع
اللي ميعرفوش الفرق بين الصح او الغلط
اللي اتربوا بطريقة غلط
اللي برضو ملقوش حد يوجههم

طبعا ارجع و اقول تاني ان دي مش قواعد عامة
بل في كتير من الشباب الملتزم دينيا و اخلاقيا
اللي فعلا بيضرب بيهم المثل في اشياء كثير
بس احنا لما بنيجي ننقد دايما بنتكلم عن الجزء السئ اللي يجب معالجته
لأنه للأسف استفحل في مجتمعنا

و زي ما قلت ان كل دا انعكاس للوضع العام في مجتمعنا

وبناتها ؟؟؟

زي اي مجتمع فيهم الكويس و فيهم الوحش
و الحمد لله في مصر الي حد ما البنات ملتزمات دينيا و اخلاقيا
و برضو فيها من المنحرفات عن هذه القاعدة الطيبة الكثير و الكثير
و صنف كلمة منحرفات دي بمستوياتها المختلفة
بدءا من اللبس و الشخصية و السلوكيات و الافعال و ال.......الخ الخ

و يمكن التشدد اللي بيكون من قبل الاهل بيؤتي في ثماره ان البنت تكون محترمة
ملتزمة دينيا و اخلاقيا
لكنه برضو بيسببلها نوع من انواع العقد النفسية
و يربوها من صغرها علي ان الجنس الاخر دا جنس متوحش
كل همه في الحياة انه يؤذي البنت
مش عارف انا ايه النظرة المتخلفة دي
تطلع البنت ملهاش شخصية
كل حاجة..لا ..حرام..عيب

طب ما تديها ثقة في نفسها
حسسها انها مسئولة
عرفها الصح فين و الغلط فين
فهمها الحدود و الخطوط الحمراء التي لا يمكن تجاوزها
لكن للاسف البنت دلوقتي _و برضو مش الكل_ بتطلع منعدمة الشخصية
متعرفش تاخد قرار من غير ما ترجع للاخرين
مش مهتمة بتنمية عقلها و لا ثقافتها
و دا بسبب ان بتكوت تربيتها منغلقة شوية يمكن اكتر من الولد
و صراحة مبتاخدش الحرية اللي الولد بياخدها

و للاسف طريقة تربية البنت بترجع لطبيعة اهلها
لان في بعض الناس و احنا في 2009 مجرد ما بيعرف انه خلف بنت
بيحس انه عنده مصيبة
او ابتلاء من الله و بيربيها علي نظرية اكسر للبنت ضلع يطلعلها
24
مش هطول اكتر من كدا عشان انتم اكيد عارفين الخط اللي انا ماشي فيه

والتعليم فيها ؟؟؟؟
ههههههههههههههههههههههههههههههههههههههههههههههههه
هههههههههههههههههههههههههههههههههه
هههههههههههههههه

سلمليي علي التعليم!!!!!!!!!!!
هو بقي في حاجة اسمها تعليم
الله يرحمها وزارة التربية و التعليم دي
هما لسة معملوش لها جنازة
وصلنا لزمن بقي الطالب بيضرب فيه المدرس..و بتسأليني عن رايي في التعليم؟؟
وصلنا لبعبع اسمه الثانوية العامة بيسبب سنويا حالات اغماءات و انتحارات و خراب بيوت و حرئة دم و ضغط عصبي طول السنة
و كانه مشروع قنبلة نووية مش مجرد سنة دراسية في اخرها امتحان؟
و بتسأليني عن رايي في التعليم؟؟
و صلنا لزمن اهملت فيه جميع الانشطة الرياضية و الفنية و العلمية و الثقافية من المدارس اما بسبب اهمال القائمين علي ادارة المدرسة او
بسبب ان محدش بيحضر اساسا من الطلبة؟
و بتسأليني عن رايي في التعليم؟؟
وصلنا لنظم تعليم عقيمة اهملت حتي تدريس مادة التربية الدينية للطلبة و جعلتها من المواد الاختيارية التي لا يفتحها الطالب سوي ليلة الامتحان
وصلنا لزمن احشي و احفظ و خلي دماغك تفرقع من الحفظ لحد ما تكون مثل الحمار الذي يحمل اسفارا
و زمن اهمل فيه القدرات الابداعية و اهمل فيه الفهم و الانشطة العلمية
حتي في الكليات العملية نفسها؟؟
و بتسأليني عن رايي في التعليم؟؟
وصلنا لزمن بقي التعليم العالي و الجامعي مجرد بزنس بين الطالب و دكتور المادة اللي لازم تشتري كتاب بالشئ الفلاني
حتي لو مش هتفتحه..بس لازم تشتريه عشان تنجح
و بتسأليني عن رايي في التعليم؟؟
وصلنا لزمن اهمل فيه قطاع مهم من التعليم و هو التعليم الصناعي و الفني و الدبلومات اللي بتؤثر في قطاع كبير من العمالة المتوسطة
و بتسأليني عن رايي في التعليم؟؟
ههههههههههههههههههههههههههههههههههههههههههههههههههههههههههههههههههههههههههههههههههههههه
علي رأي ام كلثوم قول للزمان يرجع يا زمان

25-
حكمه تؤمن بها ؟؟؟؟

كن كالنخيل عن الاحقاد مرتفعا...يرمي بحجر فيلقي اطيب الثمر

دع الامور تجري في اعنتها...و لا تبيتن الا خالي البال
ما بين طرفة عين و انتباهتها....يغير الله من حال الي حال

الضربة التي لا تقتلني تقويني

الحب في الارض بعض من تخيلنا....لو لم نجده عليها لاخترعناه

إذا لم يكن المال خادمك صار سيدك

الحق كالزيت يطفو دائما

الانسان يري القشة في عيون الاخرين.., لا يري الخشبة في عينه
بمعني انه ناصح جيد للاخرين لكنه لا يري عيوبه و مشاكله الشخصية

26- لو يعود بك الزمن تحب يعود كام سنه ؟؟؟؟ وتغير ايه ؟؟؟؟

يعود بيا لزمن الدولة العثمانية في عصرها الذهبي
ناس نشرت الاسلام في كل بقعة من بقاع العالم
ناس فتحت القسطنطينية التي استعصت علي العصور السابقة
عن طريف السلطان محمد الفاتح
فعلا امبراطورية حكمت المسلمين في مشارق الارض و مغاربها
لولا بعض مظاهر التفكك و الضعف و التخلف
جعلت الدول الاوروبية تنال منها و تفككها جزءا بعد الاخر لحد ما سموها رجل اوروبا المريض
و لحد ما جي واحد حقير زي مصطفي كمال اتاتورك
فكك الدولة
و نفي اخر سلاطينها
ووضع قيود و ضوابط حقيرة علي المسلمين
و فصل الدين عن الدولة و هذا ما يسمي بالعلمانية
و جعل الادان باللغة التركية بعد ما كان بالعربية
و غير الابجدية التركية لحروف لاتينية
و شنق جميع معارصيه و في ميادين عامة بتلفيق تهم غير حقيقية لهم
و اعدم كل من كان يحاول رفع الادان باللغة العربية
منع الحجاب عن المراة في تركيا
فلو يعود بيا الزمن للوراء
هعمل حاجة من اتنين
يا اما كنت هحاول اقوي الدولة و اعمل علي تقدمها و تامينها من الاخطار الخارجية
يا اما كنت هقبض علي واحد زي مصطفي كمال دا و اعدمه في ميدان عام
للاسف ما ذكرته عنه نبذة في تاريخه القذر
و الذي لا يسعني المجال هنا للتحدث عنه

27- احساسي بانك فعلا مهتم بقضايا الرجل فهل انت متفق مع تحرير المرأه؟؟؟

و لا مهتم بقضايا الرجل و لا حاجة
بس زي ما قلت ان في زمننا دا و بعد التعديلات الهائلة اللي شهدها قانون الاحوال الشخصية لصالح المراة
يبقي المفروض في جمعية للدفاع عن الرجل
جمعيات حقوق المراة مارست ضغط غير عادي علي مجلس الشعب
و علي المشرعين
لتعديل القانون في صالحها
لان المراة فعلا كان القانون السابق ظالم ليها

دلوقتي الواحدة تتجوز و تخلف عيل حصل طلاق مثلا
الزوج برا الشقة
مع انها بتكون بتاعته و بأسمه(و مشارك علي الأقل بنص الاثاث)
لحد ما الطفل يبلغ 15 سنة

كل دا عشان الأم هي الحاضنة
و هو برا ينام علي الرصيف؟؟؟

شوفي بقي كمان السلاح الخطير اللي مع اي امراة متزوجة

النفقة...و قضية تبديد المنقولات

و كمان العذاب اللي بيشوفه الرجل في قضايا الرؤية و الاطفال

و طبعا انا متفق مع تحرير المراة
لانها انسان زيها زي الرجل ليها حقوق وواجبات
و طبعا لازم تاخد حقوقها
لكن بدون ما يؤثر ذلك علي حقوق الرجل

ولا لو يعود بيك الزمن تبقي ضد الفكره ؟؟؟؟

لا..مش هبقي ضد الفكرة و لا حاجة
بس هحاول اعدل بين الطرفين

وايه اللي انت شايفه اخدته المرأه وهو مش من حقها ؟؟؟؟
زي ما قلتلك
و اللي طالع من عيني اوي موضوع الشقة دا
حرام تستحوذ علي شقة لمدة 15 سنة لمجرد انها الطرف الحاضن
و الرجل يروح فين

و غير كدة و اللي بيحرق دمي اوي
المحاباة و المجاملة الفظيعة للمراة في كل حاجة
ان كان في الاولوية للقبول في فرص العمل نفسها
يعني شوف كدة ان كنت مدير و جالك شاب و فتاة متقدمين لنفس الوظيفة
و نفس الخبرة و الكفاءة
و ان كانت يمكن بتكون البنت اقل كمان
شوف هتختار مين
(كلام في سركم انا هختار البنت طبعا)
هههههه

او داخل العمل
او حتي في وسائل المواصلات

و الله انا من رايي ان في وظائف الستات بتعمل فيها
ممكن تكون قاصرة علي الرجل
اهو منها توفر فرص عمل للرجل اللي مطلوب منه انه يفتح بيت
علي عكسها اللي بيكون شغلها و مرتبها لنفسها او يمكن بتشارك بجزء منه في مصروف البيت
اهو يمكن دا يحل مشكلة البطالة بين الشباب
لكن طبعا مش دا الحل الرئيسي
و ان كنا بنقول كدة فاحنا بنقول كدة مش عشان المراة بتكون مقصرة في شغلها
بل دي بالعكس احيانا بتتفوق علي الرجل في عملها
لكن احنا بنقول كدة ان احنا في بلد ميقدرش يوفر فرص عمل للشباب اللي مش لاقي شغل

28-

ايه السؤال اللي كان نفسك تتسئله ومش موجود ؟؟؟

مواصفات فتاة احلامك

انها تكون مطرقعة
مش بمعني مجنونة قد ما تكون بنوتة لذيذة و دمها خفيف
متكونش طوبة من الاخر

تكون رشيقة و طويلة

تكون ذكية

تكون مثقفة

تكون حنونة

متسألنيش كنت فين؟

يكون دمها خفيف

تكون صوابعها طويلة

واخدة بالك يا لمياء من موضوع الصوابع

واضح انك نقلتيلي العدوي

ههههههههههههه

لا انا موضوع الصوابع دا عندي مهم جدا

يفضل ان تكون جميلة الي حد ما

طماع صح؟؟؟؟؟؟؟؟؟
هههههههه

وايه السؤال اللي كنت خايف تتسئله وبرضه مش موجود ؟؟؟ وايه اجابتهم ؟؟؟؟

اكتر موقف محرج تعرضتله

لو كان الموقف علي الكرسي كنت هضطر اقول الموقف اللي كنت لازم هقولة لاني وعدتكم اني هكون صريح

لكن بما انه متسألش
فانا هقول ثاني اكثر المواقف احراجا
و دا حصل لما كنت في تجارة انجليزي

بغض النظر عن الموقف اللي حصل مع الدكتور
و اللي كان موقف غبي مني و نتيجة عصبيتي الغبية الزائدة
و اللي كلفتني سنة
بعد ما كنت جايب جيد جدا الترم الاول

عمركم شفتم حد بيتخانق مع دكتور و يزعق معاه قدام طلبة و في سكشن؟

ياللا...اهو اللي حصل

المهم نرجع للموقف

كنت قاعد انا وواحد صاحبي ورا في السكشن
و قاعدين منفضين للمحاضرة و نازلين رغي و ضحك و تريئة علي الدكتور
كانت عليه طريقة في نطق الانجليزي
انجليزي فلاحين من الاخر
و تقريبا لقطني وانا ببصله و بضحك

فبالحرف الواحد كدة
قالي
تعالالولي يا كتاكيت يا اللي ورا
(و يمكن قاللي كدا عشان الاصفر اللي كنت لابسه او مش عارف يمكن كنت لابس بيضة في دماغي مثلا
طبعا انا ركبي سابت و قلت دي اقل ما فيها سحب كارنيه و تحويل مجلس تـاديب
مما انعكس علي الموقف التالي
المهم و انا طالع اتكعبلت في الكرسي ووقعت حتة وقعة
تموت من الضحك قدام الدفعة كلها
حتي الدكتور نفسه ضحك
لدرجة انا نفسي ضحكت
من مدي غباء الوقعة
حطوا نفسكم مكاني بقي
و الدكتور واضح اني صعبت عليه و اكتفي بطردي انا و الواد عجينة ابن ال.....
ياللا المسامح كريم
و فضلت بعدها مرحتش الكلية لمدة اسبوع
لحد ما قررت اواجه الامر الواقع
بس الوقعة دي كانت سبب اني اتعرفت علي اصدقاء كتير

و يمكن كمان بالاضافة للموقف اللي حصل مع دكتور تاني و كلفني السنة هو اللي خلاني احول من الكلية
ههههههههههههه

~*كرسى الاعتراف*~

~كرسى الاعتراف~